صحيفة ضمى نجد

جديد المقالات

12-01-1433 08:45

  • حجم النص :
  • A
  • A
  • A

يجهل الجاهل على جهل الجهول=ويتحمل من جهل جهل الجهال
لا سقى الله ساعة فـ عثيم مول=رحت اودي حرمتي بعد الزوال
واختبرت القلب في ساعة فضول=كنت اضنه راسي(ن) مثل الجبال
ما دريت انه على الشين محبول=وقيده اللي ما يرده والعقال
جيت سوق (ن ) جامع(ن) من كل زول=الكدارى... والقماري... والغزال
قمت اطالع واتمشى في ذهول=واتلفت من يمين ومن شمال
وارتبشت وطحت في باب الدخول=طحت ما بين المحاسب والسلال
والسبب من داعج العين البتول=فوق رمشه حاجبه كنه اهلال
سيف خشمه والوجن ورد(ن) ذبول=ومن وراى الشيله لخديه اشتعال
والثنايا في تبسمها الخجول=ساطعات(ن) سابحات(ن) بالزلال
وعنقها مفهوق والكتف مهدول=والمشي مشي الرزينات الثقال
والخصر ملهوف والمتن معزوّل=يابو نايف كنها بعض الدلال
صدرها مزموم والجيب محلول=وان مشت جاني من الهز اختلال
والمتون اليا مشت شيء(ن) يهول=من تحت ثوبه غدى لهن اجتوال
كنّ متنه بالطلوع و بالنزول=لا مشت يعطي دروس(ن) للضلال
او حراج ومن يسوم وكم نقول=او بروق(ن) مرهشات(ن) في خيال
وشفت شيء(ن) بس ما ودي اقول=وشفت شيء(ن) غير هذا ما يقال
اشهد انها سجّلت بالقلب قول=وكبري(ن) بالكبد ما بين الطحال
تلعب الفتبول وايضا(ن) هارت بول=ما يجاريها النصر والاّ الهلال
وارسل الشيطان من عنده رسول=امتخصص في علوم الانحلال
قال يالله قمّ عجّل يا كسول=ما تلآقي غيرها في هالكمال
وجيتها خايف ولادري ويش اقول=واستحت هي وابعدت بنت الحلال
جيت اكلمها وان احسبني مغيول=وراح صوتي وصار بالعين احولال
واتشجع قلت يا بنت معقّول=كل هذا فيك من زين وجمال
قالت ابعد.. قلت ما شين يحول=بيننا واللي تبين بلا سؤال
قالت اسمع منت جاهل بالاصول=ضفّ وجهك لا فضحك بين الرجال
قلت يالله بس هرجك لا يطول=وآدفع فلوس المقاضي بالريال
بالمرق وجهي مع الناس مغسول=مآآستحي قالت: اجل قرّب تعااال
واخطفت قوطي من الادراج.. فول=المدمس العريض من الطوااال
وصكَّتنّ به صكّت القرم الكتول=وشقّت الجبهه ودمّ الراس سال
ثم قامت تضربّن باللي تطول=وافزعت معها عليّ ام العيال
وافزع(ن) كل الحريم ..بدون قوول=يضربني بالقواطي والحلال
وبالمكانس والصواني والسطول=والعجايز يفزعن لو بالنعال
اخلطني خلط عجّان امعمول=واضربني ضرب قوات احتلال
وطلّعوني سحبّ ما نيب امحمول=ساعة(ن) بالشمس ماني بالظلال
الشعر منحاس والوجه معفول=والثياب مقطعات(ن) والنعال

تعليقات 0 | إهداء 0 | زيارات 2045 |


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


انا
انا

تقييم
1.01/10 (14 صوت)


الرئيسية |الأخبار |المقالات |الملفات |برودكاست |الصور |البطاقات |الفيديو |الصوتيات |راسلنا | للأعلى

Powered by Dimofinf cms Version 3.0.0
Copyright© Dimensions Of Information Inc.