حلمت بك
في ليلة ماتعرف تحن
والشوق على بابي يون
وحشة وخوف
والبرد زارع له كفوف
واحلامي شوي وتجن
حلمت بك
لحظة
لحظة
انك تجين كعادتك
معاندة
واحسب الاشواق
لحد عيني قادتك
لكن للاسف كانت
احلامي تظن
حلمت بك
تستانسين بشوفتي
تزهين بعطرك غرفتي
تسئليني: اجلس هنا ولا هناك
واستسمحك
واعاتبك
تكفين
اسرقيني من حسرتي
كنتي تتلاعبين
بأقلامي الي مافيها حبر
مثلي انا تحقد على شي اسمه صبر
تحتري اسمك يجي
يذوب بالحبر ويطيح
على اوراقي الفاضية
وحلمت انك فاضية
الا من الهوى
وعينك ليلة مغترب
وانا اسئل كيف الهوى
تتسائلين
وبهمس شوية تضحكين
وتجاوبين
يمكن بحلاة الشوكليت
وتسحبين اجابتك
وتسئليني مين الهوى
واصحح لك واقول
قولي كيف الهوى
وشهو الهوى
وتعانديني وتزعلين
وترتفع حواجبك يعني زعلت
وتصرخين: انا الهوى
واتأسف واستسمحك
وما ترضين الى لين اعلمك وشهي اللمبا والصوت القوي
وافهمك الصوت يسمونه رعد
واللمبا نسميها برق
وتسئليني طيب وشهو الفرق
واخبرك انك برق
وباقي هالخلق
رعد
وتحمر خدودك وتتلعثمين
كيف يعني
واخبرك انك تضوين بسماي بلا ازعاج ولاطمع
وباقي بنات الناس مثل الرعد
مجرد صياح بليا سنع
وتفرحين وتستانسين
ومن كثر ماتضحكين
تصحيني من نومتي
وعرفت ان احلامي
خطفتني لبيتكم
ولقيت شوقي على بابك
ينتظر
لكنك كنتي غافية
واظن انك تحلمين
واقول في حسرة وألم
ياحظه الي يزورك بهذا الحلم
واتخيل نفسي اجيك
بس خفت اقاطعك وتزعلين
خذيت شوقي ومشيت
ورجعنا نضيع بهالمدينه
وانتي للحينك نايمة
ويمكن بعدك حالمة
ياحلاتك وانتي نايمة
وجلست اسامر دموعي
واصيح
اخاف احرق شموعي
ونوري يطيح
همزة وصل
كانت هدايانا قليلة
لكني كنت استنزفك
وكنت احسب اني صريح
وقمت اغرد بصوتي واصيح
كوني اذا شئتي
( مطمعي )
واكون لك مجرد شخص
( مغترب )
ضد الهوى وارجوك كوني
( معي )
وادنو منك ويمكن
( اقترب )
املي حواسي
( ومسمعي )
والحزن عني ياليته
( يغترب )
ابكي هنا تعالي
( اخشعي )
يمكن اموت فيك بسلم
( وحرب )
ولانسيتني اسكني في
( مدمعي )
ابكيك لين تبكيك كل
( العرب )
وساعتها قلتي اسفة غفيت
وخايف انك كل الوقت غافية
بس عندي امنية وعساها عافية
ودي اسرق بوسة من شفايفك
واحجزها لي
وكملت مشواري ومشيت
وقمت اغني انا وشوقي
كنت اظن وكنت اظن
وكنت اظن
وخاب ظني
ومابقى بالعمر شي
وآحـتــريـــتـك