كلمات اغاني مخاوي الليل ( خالد عبد الرحمن)...

23-02-2009, 05:54 PM

اهات

آهات
كلمات : السامر .
الحان : خالد عبدالرحمن

آهات من طول العنا طاولتني
ونفسي من الفرقا وحالي صخيفه
جارت علي من الفراق وقصتني
غزت ولكن مانوت بالنكيفه
بهمومها اللي شفت منها كوتني
هذا الذي خلى حياتي مخيفه
باكر يروعني وأنا فيه فتني
وأقول ليت الغيب يبخل بحيفه
خيل السعادة بالهوى خالفتني
خالفت معها عيد قلبي وريفه
هبت هبوبٍ بالنيا عطشتني
وكم غاليٍ قبلي ظما من وليفه
ليت الليالي عن غرامي نهتني
ولا بدا زرع الأمل منك هيفه
والا انها في غايتي خيرتني
واختار أنا مرباع قلبي وصيفه
خل جيوشه بالمحبة غزتني
وأنا اسير للعيون العفيفه
أغلى هجوسٍ طول الأيام جتني
هاك الهجوس اللي تجيني بطيفه
الماضيات بغيبها مانصفتني
والمقبلة ترجي عدلها خليفه
اتبع ظنونٍ بالهوى ما شفتني
احسب حمولي بالمحبة خفيفه
واليوم ظالمت المحبة طوتني
طي الورق يوم انطوى به خريفه
واشباح ياسي بالهموم أعترتني
وأنا علي أسباب صدك كليفه
أشيل حتفي راضيٍ فوق متني
وأبوح نفسي من حياتي معيفه
واقول للي بالجفا عذبتني
عسا الشقا من بيننا بالنصيفه
شربت من فيض الشقا واشبعتني
دنياً مع الأحزان ضدي حليفه

23-02-2009, 05:54 PM

البوم ودي تشوف الهم

1 - ودي تشوف الهم
كلمات : السامر .
الحان : صالح الشهري .

ودي تشوف الهم وشلون ســـوّى
بحـال من حبك على غيـر مصلــــوح
جرحتنـي جـرحٍ جديـدٍ تلـــــوى
على خفـوقٍ منـك بالحيـل مـجــروح
سويت فينـي شئ مـا ينتســوى
وأقـول يا سيــد المماليــح مسمــوح
ليتـــك بـزلاتـك عـليّـه تـــــروى
يـوم أن حبي لـك مـن الـروح للـروح
أن كان حبـل وصالنـا ما تقــــوّى
فالله يعين عيون سامر عـلى النوح
لا يا بعـد من جابـوا آدم وحـــوى
خطاك مهما صـار منسي ومدمــوح

=============================

2 - العـطـــا
كلمات : مخاوي الليل .
الحان : خالد عبدالرحمن .

العطا ..
ما تبادلنا العطا
والخطا ..
لا حشا ما أخطي عليك
بي سطا ..
جرحك بإحساسي سطا
يا عطا ..
أول عطا منك الخطا
أحبك لو تجافيني ..
وعلى كل الخطى مسامح
أحبك يا نظر عيني ..
ورضاك ألزم ..
ولكني فقير الحظ ..
أنا لك أكثري تجريح
ترى حبك ..
بيشفعلك .. أحبك
ذوب خفوقي الشوق
و إنتي معي يا شوق
يحلى لحياتي الذوق
طعم السعادة بك
لك خفوقي ..
إشتقى ..
ثم إهتنابك ..
في عروقي ..
دمي الجاري إغتذابك ..
ولاح شوفي ..
في سما كل البشر
غير زولك ..
ماملى أحد النظر
جددي فيني ..
حياتي باللقى

==========================

3 - هاتيها
كلمات : خالد المجاهد .
الحان : خالد عبدالرحمن .

هاتيها .. روحي خذيتيها
يا مايقـه بالزيـن
لـمـتـيـها .. يـومٍ مـلـكـتـيـها
كـل الـمـلا داريـن
داريـهـا .. من سيرة العشـاق
إنتـي وأنا اثنيـن
يا فيها .. شهـد العسل والزين
مياسة وتـدريـن
يا أحلى قصيدي
من غيرك بعد
يا حبي الحقيقي
يا عز الطلب
في مجرى وريدي
وبالقلب انكتب
اسمك أنت سيدي
وأنت اللي أحب
ينتشي من يسمع أبيات الغرام
ما يجر الآااه من قلبه خـلـي
عمري اللي به غدا حبك وسام
حظي اللي قام يومك صرت لـي

==========================

4 - ليل التجافي
كلمات : بدر بن عبدالمحسن .
الحان : خالد عبدالرحمن .

آه من ليل التجافـي ما أطولــه
ليلـــة العاشـق ثوانيهـا ليــال
مـن يقــول الشمس باكـر مقبلـــه
كـل شمسٍ مالهـا وجهك ظـلال
أسألك باللي أخــذ منــك الولــــه
حطّـه بصدري وأعـطاك الجمـال
حاكـنـي لأجــل الليـالـي الأوّلــــه
آاه أنا بموت من ذلّ السـؤال
هو صحيح إنّك حبيبـي لي دلــه
و إستوى عنده فراقي والوصال
كـل جـرحٍ غيـر جرحــك بأقبـلــــه
كـل ظلـمٍ غير ظلمك لي عـدال

========================

5 - تذكار
كلمات : مخاوي الليل .
الحان : خالد عبدالرحمن .

تذكــار عـيـشـي علــى التـذكـــــــار
وإن كــان يـحـصـل لـك تناسيهــــا
بفـراق تالـي انتـهــت الأخـبــــــــار
عِشـرة حيـاتـي اليـوم ماضـيـهـــا
لا تـحـسـبـي سـرّك مـن الأســـــــرار
اللي علــى الـجـنسيـن تفشيهـــــا
منــك الـخـطايـا انتـهـت بأعــــــذار
وعيــونــك النـكــران معميهــــــا
قلبــك مـن أحداث الـفـشـل محتـــار
تستـخـسـري خطـــوة مشيتيهــــا
مـا يـهـتـنـي منـهو غريــب الـــــدار
مثــلـك غريـبـــة وسـط أهاليهــــا
وأنـا اللي فينـي مـن الجـروح كثـــار
لا أنتـــي ولا غـيـــرك يداويـهـــــا
اللــه حسيبـك كيـف قـلبــك صــــار
بـــاع المحبـــة وأشتـــرى فيـهـــــا
صرنـا علـى هــذي السـوايـا كبــــار
قبــلك عـــذارى مـا مشــوا فيهـــا
هل هي عطش هل هي تسالي صغـار
هــذي الســوايا مــن يسوّيـهـــــا

============================

6 - يا عذابي
كلمات : مخاوي الليل .
الحان : خالد عبدالرحمن .

يا عذابي ..
كيف أنا بقوى عذابك
لا صار فـي بعـدك عذاب
وفـي قربك عذاب
يا شبابـي ..
زيـنــة أيامي شبابـك
لك في حياتـي حساب
ونسيانـك حساب
ما تصدق لـو أقـول أنك حياتي
فـي كل شئ
سمعـي وشوفـي أنت
دمي وإحساسـي
باسم الهـوى لازلت
فـكـري وهوجـاسي
وتدري عـلي .. بعـدك عذاب
وفـي قربـك عذاب
يـا حـب ..
مالي فيــك غـيــر الشقـى
يــا حب ..
أخـذ مـن حياتي ما بقـى
عشتـه بإحساسي ولا به شـك
يبـدّل شعـوري
حبـك جـرى بدمـي وذاب

23-02-2009, 05:55 PM

البوم امر تدلل

1- آمر تدلل
كلمات : غيوض .
الحان : خالد عبدالرحمن .

حبـي لك أكبـر من جميـع التواصيــف
حبـي لك أكـبـــر مــن كـلامٍ يــقــــالِي
غـلاي لـك صـافـي ولا فـيــه تـزيـيـــف
أصـفـى مـن الـمـي الـقـــراح الــــزلالِي
الحـب ما بـيـن القـلـوب الـمــوالـيــف
سـعــادةٍ مـا بـيــن غـالـــي وغــالـــي
إن غبت جابك في حلـى نومي الطيــف
وإن شفـت زولـك كـل شـيءٍ صفـا لـــي
من غيــرك الأيـام يا صاحبـي صـيـــف
إنت الربـيـــع اللي بـنـبـتــه زهــــالي
دايم وأنا أمشي لك حبيبي على الكيف
آمـــــــر تــــدلل لـك عـلـيّ الـــــدلالي

============================

2 - يامهاجرة
كلمات : مخاوي الليل .
الحان : خالد عبدالرحمن .

يا مهاجرة باحساس ..
أغلى من الروح ..
ودعتها ذكراك ..
على أمل لقياك ..
وعشقتها ديرة يوم وطتها خطاك ..
وجدي على نظرة ..
يا مهاجرة بإحساس ..
أشري بها عمري ..
وأنسى حديث الناس ..
ويوم إنك أقفيتي ..
من في الهوى لايم أقدر أطيع أمره ..
مني رساله حرف شوقي لها معنى ..
ودنياي أنا صوره ..
وجهك ملامحها ..
ولا زلت أبحكي لك يا مبعده عني ..
ومناي أنا أحكي لك يا مبعده عني ..
بشوقي أسولف لك ..
أدري حياتي هـمّ تعبت أباصلك ..
وهمي تراه إنتي ..
يا مهاجرة بإحساس ..
يا مهاجرة غبتي ..
وأخذتيني رقيق إحساس ..
والروح في وصلك ..
لا ما تعرف الياس ..
عشتك معي أيام ..
يا كل تفكيري ..
ليله قمرها إنتي ..

=============================

3 - من نشدني
كلمات : السامر .
الحان : خالد عبدالرحمن .

ودّي أشبـع منك شوف وما حصل لي
كـل ما ناظرتنـي ضاعـت عـلومـي
فـي عـيـــونـك للغــلا حــبٍ يهـلـي
ناظـر لحبـك عـلى خـدي وسـومـي
طحت فـي حب العيـون السـود كلـي
ومن عثر في رمش عينك ما يقومي
خدرةٍ تشرب ظما حسنـك رضاً لي
كـنها فـي صحـوةٍ من عقب نومـي
إنشــرح صـدري بشـوفـك واسفهـلّـي
خـافـقٍ ماله عـلى وصـلك سلومـي
من نشدنـي قلـت أنا مجـروح خـلّــي
فـي حيـاةٍ للـخــلايق مـا تــــــدومِي

=============================

4 - بنســاك
كلمات : شيمة .
الحان : خالد عبدالرحمن .

بأنساك .. لأني لك
ألبس ملبس النسيان
ما أبغاك .. لأني الآن
أرفض عيشة الحرمان
ما أبغاك يكفينـي تـعــب
ما أبغاك لو إنك ذهـب
كـانـك قـدرت تجمـع سنينـي اللي مضت
كـانـك قـدرت تسقيهـا روحي اللي ضمت
حتى لو إنك قـدرت
لا تطري الرجعــة عـلى لسانك أبـد
وما أظن لي قـلـبٍ بـيـرقـص لك طـرب
ولا عاد لي نفسٍ تناديلك مـحــب
حبك رماد
حبك ذرى ذاك المـهـب
حبك رميتـه واتبعـه
حبك طويتـه وانـتـهـى
بأودعك على أمل أنساك
ويا ليتنـي صدفة أبد ما ألقاك
بأنساك وأنسى ما مضى
وبشـوف بعيونـي الفــرح
بأنسى الندم وجرح الهوى
عـلّـه يطيب قلب انـجــرح
ثغري لقى الضحكـة ونيـس
من قلبـي علمنـي الصبـر
حاضـر حياتي لك يقيس
كيـف أثـر بالغـدر

=============================

5 - بادلي قلبي
كلمات : مجازف .
الحان : خالد عبدالرحمن .

صدقينـي لـو أبيّـن لك غـــــلاك
ما تصدق اذنك اللي تسمعـــه
طـال عمـري أو قصـر محدٍ سـواك
يفرح بشـوقٍ فـؤادي يـجمعـــه
بادلي قـلـبـي شعـوره في هـواك
حسّـسيـه إنك معه يا مطمعــه
ما أعتقـــد إن فيـه بالدنيا مـلاك
تشبـه لزولك تـصـور بأجمعـــه
حــار تفـكـيــر المـولـع في رضــاك
مستريـح البال لا صرتـي معـه
من سبب صدّك معرض للهـلاك
ناجي دمـوعٍ عيونـي تدمعـــه

==========================

6 - خبـــروه
كلمات : مخاوي الليل .
الحان : خالد عبدالرحمن .

خبروه إني على وصله حييت
و إن تفارقنا ترى موتي دنا
لي حبيب يوم روّح ما سليت
يعلم الله تو ما ذقت العنا
عبرتي هليتها حزن وبكيت
يا ردى عمر الحسوفه ما جنا
ذقت من دنيا حبيبي وما إرتويت
جـنـة الدنيا حبيبي والمنا
عشت بأحلام الهوى ليل وبنيت
كل أمالي تداركها الفنا
في حياتي ما ذكرت إني شكيت
في هوانا ضحكت الدنيا لنا
لا حياة ً عقب محبوبي رأيت
والممات أرحم ولا فرقا السنا
هو سنا شمسي وغيره ماهقيت
يفرح بوصلي ولو موته دنا

========================

7 - علمتني حبك
كلمات : مخاوي الليل .
الحان : خالد عبدالرحمن .

وشلون ما أغليك ..
وإنت الذي علمتني حبك ..
يا هاجسي ..
عشقي عيونك ..
إسأل ..
وتلقى الجواب ..
في ناظر عيوني ..
تصوير لأجمل عذاب ..
حبك يا مفتوني ..
تلقى حياتي كلها لذة غرام ..
مهما سهر طرفي ..
أو جارت ظروفي ..
أو عشت أنا الحرمان ..
تلقى حياتي كلها لذة غرام ..
يا عذب الصفات ..
يا كل الحياة ..
صبرك علي ..
هذا قليل ..
مهما ترى من تضحيات ..
هذا قليل ..
خل السهر لعيون من حبك ..
خل العيون اللي لها عشقي تبات ..

23-02-2009, 05:56 PM

البوم صفحه جديده

1 - الصـــــد
كلمات : أثيل .
الحان : خالد عبدالرحمن .

والله لأجـازي راعـي الصـد بالصـد
وأصـد عـنه وكـنـه ماهـو بموجــود
أول معـه أمشي إلى أبعـد الـحـد
وأعطيه وفا وإخلاص ماهو بمحــدود
لكن لـقـيـتــه ما يبادلنـي الــود
يـجـزي العطا مني بنكران وجــحود
بابٍ انفتح بهمـوم واليـوم ينــرد
ما فـي بقايا الأمس يا وقت لـي زود
وقفت فـي وجه الهوى وقفة النـد
أبـقـى وعـز النفــس ماهو بمفقــود
طويت حلمٍ فات فـي راحة اليــد
تــرك دربٍ كـان مـفـروش بـــورود
درسٍ وعاه القلب من صفعة الخد
الغدر ماهو بــس بأيامنـا الســـود

======================

2 - من الفرحة
كلمات : مجازف .
الحان : خالد عبدالرحمن .

من الفرحـة نسيت إني عليك البارحة زعــلان
نسيــت أقــول لـو تـسمــح تـكـرّم لا تكـلمنـي
أهلّي بك مثل ما انت تهلّي بي وأنا الشفقـان
أحسـب إني أنا الغلـطان وفرصتـك ما تعلمنـي
ذكرت انك عليّ أخطيت ولكن نعمة النسـيان
تنسّينـي خـطى الغـالـي وتـرجــع لـه تسلمنـي
حبيبـي ما تمكّـن داخــل فـؤادي ولا انـســان
ألومك يومك انت أخطيت وإذا أخطـيت أنا لمني
حبيبـي لـو يطـول الوقت أو يقـصـر أبد خلان
تراك انت الوحيـد اللي يشتـتـنـي ويلملمنـي
حبيبـي دايمٍ قلبـي معك مشتاق لك ولهــان
غـيـابك عـن عيـوني يطـول بهالمـدة يألّـمـنــي

===========================

3 - حالــمة
كلمات : فهد السياري .
الحان : مساعد العيسى .

حالمة وابعاد تفكيرك خيال
في هجير الشمس ما تلقين في
يوم عشتي من حناني في دلال
تحسبين انك ملكتي كل حي
لو تندمتي وناديتي تعال
ماتغير صرخة احساسك علي
كيف وانتي للكبر صرتي مثال
وانطويتي بدنيتي احلام طي
غرك احساسك وتحقيق المحال
لا بغيتي شي خذتي كل شي
الغرور يحطك جسور الوصال
يعمي عيونك ترى عن كل ضي
الغلا له حد يا بنت الحلال
خففي من كبرك الزايد شوي

========================

4 - ياغايب عني
كلمات : ماجد بن عجب .
الحان : خالد عبدالرحمن.

ياغايب عني ترى للبطا لوم
لاشافتك عيني ولا جبت طاري
بسأل كثير الصبر يمكن تجي يوم
تلفي تنشد وانت بالحال داري
لك هاجس الذكرى سرق عني النوم
ماودعه فكري ولا عنه ساري
يسكن خيالي عشق ما يرتحل دوم
موقد براد الروح من شوق ناري
وقفة خطاوي ملها درب محروم
متى أشوفك والفرح لا مواري
قضت سنين العمر بالود مهموم
واحمل خفوقي سر وأحكي وأداري
باصلك كلي من كسر بالجفا زوم
واعلن عليك الشوق بالحب أماري
واسعد معاك ولا بقا للعتب لوم
وان شافتك عيني فلا جبت طاري

=============================

5 - بينك وبيني
كلمات : عبدالله عبيد البقمي .
الحان : خالد عبدارحمن .

بلا مـيـعـــاد يا ظـامـيــه افــــراق
إنتـي السبب في اللي حصل صدقيني
هذا مـوادع بيـن شـوقٍ ومـشــتـاق
تقـوى الهـجــر لا صـرت لا ما تبينـي
مـن دلعــك تسليـن بآهـات عشّـاق
ويـن انت في وقتٍ مضى ترتـجـيـنـي
فـي ضحكتـي آلام وأحزان وأشـواق
مأسـاة حـبـي قـولـتـي صــارحينـي
اللـه أقـوى للنـدم صـرت مِـنسـاق
وش فايـدة دقــات قـلبـي تـجـيـنــي
فكري وروحي لأجل حبك به احراق
ماتـت حـروف الحب قومي ادفنيني
خـذ ما تبي وأخذ الصور وأخذ الأوراق
واترك بقـايـا جــروح بـيـنـك وبينـي
بنسـاك أنا ولـو بكيـت من الأعماق
بس الـزمن يصـرخ يقـول اذكـريـنـي

==========================

6 - صفحة جديدة
كلمات : بندر الرشود .
الحان : خالد عبدالرحمن .

إفتـحـي صفـحة جديدة يا مــلاك
وانسي اللي فات نبدأ من جـديـد
دام قلبـي يحـتـرق ما قد نســاك
والمشـاعـر فـي هـوى حـبـك تـزيـد
ما كـفـاك إني على درب الهــلاك
أنـزف الدمـعـة كما نـزف الـوريــد
من عذابي بس أفكر فـي رضــاك
وإنتي إحساسك عن إحساسي بعيـد
وافيٍ صـادق مـعـك أطلـب عـطاك
وش بغـيتـي حـب ثانـي ما يـفيد

=================

7 - حبيب الأمس
كلمات : محمد العجمي .
الحان : خالد عبدالرحمن .

كتبت الحرف لأجل أنسى هموم البارحة واليوم
لقيت الـهـمّ فـي حرفـي تربّـع يـوم خـطّـيتــه
يقـولـون الملا ظـالـم وأنا بلـسانـهـم مـظـلـــوم
وأنا المشــتـاق والموعـــد علـى بالي تنـاسـيـتــه
رسمـت أحـلـى معاناتي وراحاتي سما وغيــوم
ولـيــلٍ طالــت دروبـــه ولـكـنــي تـحــدّيتــــه
وقلبٍ ما شكـى الفرقـا وعيـنٍ تشتكـي للـنـــوم
إذا كــان العــمــر جـيّــه عـز اللــه ما جـيتـــه
مشاويره وهـرج الليل وباقي من خفايا عـلــوم
كثيـر أسـباب خلتنـي غـريب الـحـب في بيتــه
حبيب الأمس اذكرنـي أنا بفكـرك بقـايا حـلــوم
نسـيت تذكرر لـيالـينا وطيـر الشـوق هـدّيـتــه
أحـبـك يا شقا باكر أحـبك يا فرح هـاليــوم
كتبت الحرف لأجل أنساه ومدري كيف خطّيتـه

============================

8 - شــــدوا
كلمات : مخاوي الليل .
الحان : خالد عبدالرحمن .

شدوا ويمتهم جنوبٍ عن الديره
وأقفوا وأنا قلبي من الهمّ مرضاني
أقفت مراكبهم ألا يالله الخيره
وعيني تفيض الدمع بفراق خلاني
واليوم طاح الحظ على الله تدبيره
قم لا عدمتك حظ يكفيني ماجاني
قلبي فقد ربعه فقدهم مساييره
ما عاد عيني تشوف خلانها ثاني
ياليت لي قلبٍ سطي على الشيره
ودي أطيع الشور والقلب يعصاني
هذا حبيبي ضي قلبي وتنويره
سعدي إلى شفته وإلى أقبلت حياني
يالله ترده لي وأنا أقبل معاذيره
يالله ترده لـي على كيد عـدوانـي
عجزت أبلقى من يعوضني بغيره
يفداه كل الخلق قاصيه والداني

23-02-2009, 05:57 PM

العروس

خـويـة درب عـمــري مـاخـذانـي دونـهــا النـسـيـان
وأنـا يـا أهل الملامة مـا رغبـت العيـش وحـدانـي

أبي لـي مهـره ماعسـفـت صغـيـره وبـنـت حـصـان
أبوها الـلــي يـفــك المشكلة ويـزبــن الـجـانــي

وأخوها لا تـعـزوى باسمـهـا فــزوا لـهـا العـربـان
يـحـق لـهـا الفـخـر فـــي قـولــة آل فـــلان جـدانــي

أبـيـهـا فـــي بـحــر عـشـريــن لا زود ولا نـقـصــان
أبيهـا اقصـر طويلـة والوصـوف أشكال والـوانـي

أبي الجبهة كما الصبح وكما القوس اسود الحجان
وأبيها نـاعـسـات ونرجـسـيـه ســــود الاعـيـانــي

أبي رمــش كـمـا ريــش يغـطـي الثـلـج فـالاوجــان
وأبي جـفـن يشـيـل الـرمــش طـربــان وكـسـلانـي

أبي خـــد كـمــا ورد تـنّـمـى فـــي طـــرف بـسـتـان
وأبي خـشـم صغـيـر ومـثـل حــد السـيـف شامـانـي

أبي البسمة كمـا البـرق وثناياهـا كـمـا المـرجـان
شـفـاهــا جـمـرتـيـن وفـمــهــا خــاتـــم سـلـيـمـانـي

أبي شـعـر مـثـل ذيــل الـفـرس لا طـبّـت الـمـيـدان
أو الـشــلال لأمن بـــات لـيـلــه بــيــن الامـتـانــي

أبي جـيـد ســـوات ابـريــق فـضــه نـاتــق مـلـيـان
وصــــدر كــنــه مــرايــه عـلـيـهـا طــلــع رمــانــي

أبي ظهـر كمـا الـجـدول وقــدّ مـثـل غـصـن الـبـان
وخـصـر مـثـل مـجـدول الاعــلان وجـسـم رويـانــي

أبيها نـابـيــة ردف وبــطـــن ضامر جــوعـــان
أبيها مـدمــج ســـاق وقـدمـهـا لــســان ثـعـبـانـي

أبيها بـنــت عـــز مـــن رغـدهــا يـنـعـم الفـسـتـان
أبي الرقة وأبي الدقة لـهـا بأطرافها شـانــي

أبي المشية كما اللـي طالـع مـن المعركة كسبـان
وأبيها تــرش مـــع خطـواتـهـا مـســك وريـحـانـي

أبي صــوت الــى مـنـي سمعـتـه كــن فـيـه الـحـان
يـدغـدغ مسمـعـي ويثـيـر كــل السـحـر فـاشـجـانـي

أبيها حـب وإخلاص وهواجيـس وفــرح وأحزان
أبيها مـثـل مــا دكـتـور أهالي العـشـق وصـانــي

أبيها لــوحــة مــــا صـورتـهــا ريــشــة الـفـنــان
أبيها جـوهــره مـــا جـابـهــا قــاصــي ولا دانــــي

أبيها تنتـصـر لــي مـــن زمـــان حـطـنـي نـيـشـان
وتبـشـر بـالـغـلا الـلــي مـالـفـى بـــه واحـــد ثـانــي

مـهـرهـا قـلــب وشـعــر يـهــز الـقـلـب والـوجــدان
وألبـسـهـا القـصـيـد وتـصـبـح أوزاني وقـيـفـانـي

أبي اللي فات واللي فات صعب ومن لقـى العنـوان
يــرد الـعـلـم ولا أفضل أبقى أعيش وحـدانــي

من كلمات الشاعر : ناصر القحطاني

من ألحان الفنان : خالد عبدالرحمن

الــــــــــــذاهبـــه

الله اللي راد والعقده قضاها اللي عقدها

لا على الدنيا سلام ولا لباقي العمر زينه

الفضا ما كنه الا خيمةٍ طاحت عمدهــــا

والفرح ما كنه الا شيخ انقصت يمينـــــه

والعمر قطعة زجاج انكسرت ولا طال امدها

والعرب فالعيد بدموع اليتامى مستهينه

والشوارع لفها ثوب الظلام اللي هــــــجدها

والبيوت اطلال من عقب المحبه والسكينه

الشتا والليل والبرد وسما يصرخ رعــــــدها

والعيون اللي ورا الشباك مذعوره حزينه

طولو فـالكهف الاصحاب وبقت روحي وحدها

كنها في كوكـــــــــب ثاني خلا من ساكنينه

والوداع اللي بعلم العين يعبر من رمــــــــــدها

والوداع اللي بلا علم القفي الصدري غبينه

والوداع اللي بلا رجعه علي يامر ودهــــــــــــــا

والله انه غرغرة سم وسكاكين سنينــــــــــه

والعنود اللي جفيت الناس والدنيا بعدهــــا

مدت الفرقا لغاليها وهي تعطي الثــــــمينه

وينها؟كيف اتركتني ليه ما جت في وعدها

والقمر لا طل خابرها تجي بيني وبينـــــــه

رحت انادي واتلمس في مهب الريح يدهـا

كني حصان بلا صاحب طوى البيدا حنينه

رحت اصيح الصبح وينه والعرب ما رد احدها

ما سمعت الا صدى صوتي يقول الصبح وينه؟

كنهم من يوم ذيك الشمس غابت عن بلدهــــــــا

طلعوني في النفوذ وصكو ابواب المدينـــــــه

كنهم من يوم ذيك الذاهبه محد وجدهـــــــــــــــا

كل رجال من الشرهه قلع فـ الدرب عينـــــــه
اثرها ماتت وما تت كل فرحه في مهدها

والربيع اقفت به اللي كانت التاج لجبينــــه

جاورت عقب الحدايق حفرة مقسى لحدها

حفرة ما ني مصدق كيف ضمت ياســــمينه
للحزن فيني مثل ما للطهاره في جسدهــــــــا

ويش اسوي لا فتشت اللي لها وسط الخزينه

زخرفت حلم وبنت له مسكن وسمت ولدهـــا

آه لو غرد ولدها في خميلة والدينـــــــــــــــــه
عاهدتني واظفرت بيمين اقوى من عهدها

والصبي لا خير فيه ان كان ما نفذ يمينه

ماتتقى عن رثاها عرقٍ اكتظ بشهدها

ولا تبقى خلف قضبان الجفن عذرى سجينه

كيف عند العالم ايام العزا مـ حصى عددها

وإلا انا طالت شهوره والله اعلم كم سنينه

لا الثرى فيها نبات ولا المشي خفف نكدها

لا السما فيها طيور ولا البحر يمه سفينه

لا القمر هذا مساه ولا العصي هذا رغدها

لا الزهر هذا شذاه ولا الذهب هذا رنينه

قالوا الشيخ الفلاني مرجع القوم وسندها

قال يبشر بالعوض والعلم جينا ناقلينــــــــــــــه

ساق لك بدر البدور اللي نشدها من نشدها

جادل هزت عروش وخيبت روس ذهيــــــــــنه

قسمها في رسمها في جسمها الا في رشدها

واسمها ان جا للغضب قوله على الالسن رطينه

اترك الناي وعطيت شيخنا عن لسعدها

وانبسط يا عم وانسى اللي ورا التربه دفـــــينه

قلت ولصدري تناهيت تروع من شهقها

آه واويلاه من يجلب على قلبي ضنيــــــنـــه

خلو اغلى ذاهبه ترعى ربيع اللي فقدها

والعطا راعيه لحد صوبه الله لا يهيـــــنه

لو ضمنت الجنه تفاحة القلب وشهدها

قلت من بكره عسى مجنونها تاقف سنينه

كلمـــــات / شاعر الاندلس

ناصر القحطاني

لحن وغناء / ملك الفن {خالد عبدالرحمن }

أدوات الموضوع
عرض نسخة للطبع أرسل هذا الموضوع إلى صديق
أنماط العرض
النمط الخطي الانتقال إلى النمط المختلط الانتقال إلى النمط الموضوعي

إعلانات نصية :
تويتر - twitter	فيسبوك - facebook	تحويل روابط كيك KeeK
العاب ضمى نجد	يوتيوب ضمى نجد	صحيفة ضمى نجد