قال كلها يومين بيبعدها ويرد يرجــــــــــــــــع
لاني بعينه الاجــــــــــمل واعز الناس انا عنده
وهذي حالة المشتاق لشوفي دوم متولــــــــــــع
ولامن غاب له يومين حنيــــــــــــــنه دايم يرده
صبرت ايام مو يومين ولااشوف ولا اسمــــــع
كلام لايمينــــــــــــي عنه واشوف انه محد قده
غيارى مننا احنا لانا بحبـــــــــــــــــنا الاروع
لانه حـــــــــــــــبنا هو بحر يشمل جزره ومده
بساعات الصفا نجوم بفضاءات الـــــهوى تلمع
ولامن ضاق احد فينا بلطف ولين مد يـــــــــده
ويمر اليوم وتاليه يوم وعيني من الوله تدمــــع
ياربي يومي انا بسنين وصبري واصـــلن حده
وجا هاليوم وانا انطر متى هذا الصبح يطــــلع
متى تقر عيـــــــــني به متى ربي لي يـــــرده
ابد ماكان في بالي ولافكــــــــــرت ولااتوقــع
اني مابـــــشوفه اليوم ولابقــــــــــــعدانا عنده
رجعت بضيقتي وصدري ملاه الهم مـــتمزع
وورده قطــــــفتها لعينه "حرام ماتت الورده"
وانا من وقتها اتحرى اشوف بارق امل يلمع
واناظر صورته "اترجاه"حبيبي طالت المده
وجوني عاذلين الحـــب ومنظر ضيقتي ممتع
يقولو بتـــــــــــنطفي نارك اللي هي دفا برده
يقولولـــــــــــي رحل حبك وكلن للولي يرجع
هذا اللي انكتب بالــــــــلوح ومحن قادر يرده
فجأه......اختلطت الاحداث احاول بينها اجمع
ياربي كيف؟ياربي ليه؟ حظه دايم(ن) ضــــده
ياربي راضـــيه بحكمك ولابسخط ولا بجزع
ياربي هذا محبوبي وعليه صعب انا فـــــــقده
رحل من هذي الدنيا ياربي رااااااااح ماودع
ياربي قال لي بيرجع ومهما طالت الــــــمده
تركني ليه لاحـــــــــــزاني تركني ليه اتوجع
جف الدمع من عيني وجسمي الـــــحزن هده
ياربي كان اذا تكلم احسه شــــــــاعر ويبدع
ياربي كنت انا احـــــبه احبه بوصله وصـده
انا بعده صباحي ليل كدر وعيون ماتهجع
تعبت من البكا والله ومالي على الحزن شده
ابسألك يارحيم انك بجنـــــــــات الخلد تجمع
ريم اللي فقدت حب بشخص غالـــــــي توده
وسلامتكم