أبعرف يا بحر وش اللي بس سويته !
أنا لا عمري جرحت أنسان ولا عمري بكيته !
أبسكت يا بحر وأمشي وأخلي ضيقتي فيني
أبسكت وأبتعد عنك وأدور من يواسيني
تصدق يا بحر إني توقعتك تشيل الهـــــم
ولكني انصدمت أنك غرقت بدمعه من عيني
×××××××××××××
لحياة دمعتان..دمعة لقاء و دمعة فراق
فان لم تجمعنا الايام....فسوف تجمعنا الاحلام...
فان لم تجمعنا الاحلام...فسوف تجمعنا الذكريات و روعتها بالامل و اللقاء...
فاذا رست سفينتك على شاطئ الذكريات .....
فأجعلني احد ركابها ....!!!!
××××××××××××××
!.... حزينة ....!
" لحظة المغرب "
تموت الشمس مجبورة
!..... تكابر .....!
ودها ترجع
وتعطي الناس من نوره.
ترى هذا " أنا " بدونك
بنفس الشكل
" والصورة "
×××××××××××××××××
تعال خذ مني هداياك
وباقي الصور واغلى
المكاتيب
ماعاد تنفعني بلياك
وجودهن عندي
تعذيب
يكفيني اتسلى بذكراك
دامك نويت تصد
وتغيب
وبوعدك طول العمر
ما انساك
حتى ولو حطمني
الشيب
×××××××××××××××××
من يوم ما ذوقتني فرقاك والحزن في حياتي غرستة،،
شريت لي ثوب علشان لقياك راحت موضته ومالبسته،،
شريت لي عطر مازهاني بلياك له سنين بعلبته مالمسته
منك العذر وعلي المعذره لاتحسب حساب هجر ولا هجير
كل ذنبِ بتذنبه بستغفره واحدِ مايعذرك مافيه خير
دور بقلبي وطن واستعمره عندك من الضلع الأول للأخير
عيش فيني ودمر اللي تدمره واعتذرلي وإعتبر سرك في بير
لاتبشرني ببجرح وتذخره ولا تعشمني بحزن وتستخير
ولاتنومني بليل وتسهره ولا تنام إلا وجفني سهير
خلني مثل النجوم امبعثره عيش فيني لاشهيق ولا زفير
لاتقول العفو عند المقدره خل قلبك صلب وحسابك عسير المسامح والزعل للمبزره ولا انا لاني زعلول ولا صغير
ودي اداري كيف للحزن إثمره ودي اقطف من قساوتك العبير
ودي اجفل من افراقك واحذره ودي اعرف لو فقدتك وش يصير
لو تقدر خاطري صدق.. إكسره لو صحيح تحبني.. لاتستشير
إزرع بقلبي سبب يستنفره إثبت إنك غير والناس غير
شاعرك ماكل بنت تجرجره حارت به عقول ناسِ ماتحير
النسا ماحركن فيه إشعره ثار عشقِ ومالقي شيِ يثير
إن سكت كن الوقار فمنبره وان تكلم زمهرير بزمهرير
مايحضر إلا قلوب مجمهره ومايغيب إلا وعشاقه كثير
إن هجرته تستقر بمحجره وان تبعت ارضاه ماعينت خير
اسكنه لاكن بعد ماتهجره إبتسمله بس لاشفته كسير
حن لاكن حن لاجبت إخبره حب لاكن خل حبك بالأخير
لو عطيته وجهك اعطاك إظهره صد عنه ويتبعك مثل الضرير
لاتحاول تكسبه ماتخسره صير ثلج يصيرلك مثل السعير
ماتميل إلا الغصون المثمره ومايسيل إلا الجرح الغزير
من قبل لاتنقهر منه إقهره قبل لايستحقرك خلك حقير
انثره ولملمه ولملمه وانثره صد.. كابر.. طير لو تقدر تطير
من متى وانا اتحرالي مره تثبت اني لاوقعت اوقع كبير
ابك انا مقطوع من غصن إشجره لاصديق.. ولارفيق ولا عشير
إبدوي شيب الصبر إشعره ماعرف ريش الحمام ولا الحرير
إن غفا كن السحاب يدثره وإن صحى يفرش من الرمضا حصير
ماخذِ من قسوة البيد اكثره ومن شموخ البدو شيِ مستطير
جنته صحراء والشوك إزهره والسراب بنظرته مثل الغدير
إن فزع يامشجعه يا مظفره من خلقه الله وهو قرم وفقير
كان ماتقدره قول ما اقدره صير غالي صدق ولا لاتصير
الغلا إللي ماتزعزعه اهجره كان قلبك لايجار ولا يجير
شوفلك رجل بليد واستحقره واجد إللي يعشقون بلاضمير
بس انا لو جبتلي ميت مره ماتحرك فيني إشعره لو تطير
إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره
مايملي عيون الحسود بهالزمن غير التراب
ومن لايتوب من الخطا تحرم عليه المعذره
اللي من أولها خراب أكيد تاليها خراب
والبندق اللي ماتثور في هدفها تذعره
ودك اليامن جاتك الغلطه من الناس القراب
الصاحب اللي ماكسبت محبته ماتخسره
مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره
صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره
مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره
كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره
لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره
والله ماحطيت بين الحقدوالخوه حجاب
حتى غدوا ربعي يحدوني على الضيق أشكره
البارحه ثارت علي رقاب وأوتني رقاب
البارحه ياثقل دم البارح ويامحقره
أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره
أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره
لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره
الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره
من يفتح لفرقاي باب أفك له عشرين باب
وأذا خويي مايقدر خوتي ما أقدره
عو ّدت نفسي كل ماشددت لليمّه ركاب
مأصد وجهي عن طموح إلا لياجبت خبره
أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره
شفهم لهم حول السنه ولا خذوا مني جواب
أحسن دوا للي يحاول يستفزك تحقره
ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره
شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره
اللي يخاف من الظما يترك لنا طرد السراب
واللي ماهو بقد الظلام ووحشته لايسهره
عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره
انا تجرعت الظما لين أحترق وجهي وذاب
انا كسرت بخاطري قبل الصداقه تكسره
انا خسرت اللي غيابه غير عن كل الغياب
انا غفرت لعالمٍ ماتستحق المغفره
انا أكثر (أنسان) تعلم من كثر ماأخطأ وصاب
انا أخر (لسان) يتكلم في زمان الثرثره
انا القصيد اللي فزع من دفتره مليون ناب
وانا الوحيد اللي جمع مليون ناب بدفتره
جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره
شيبت بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره
ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره
ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره
في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره
ودك اليامن جاتك الغلطه من الناس القراب
الصاحب اللي ماكسبت محبته ماتخسره
![تعليم الحماية والاختراق الأخلاقى [ ينتهي الإعلان في تاريخ : 16\6\2012 ]](http://uploaded.m0dy.net/13483/m0dy.net-01337106848.gif)
![العاب ضمى نجد [ اعلان اداري ]](http://uploaded.m0dy.net/13483/m0dy.net-01324809411.gif)
النمط الخطي
