باص مدرسة البنات ( الله يعين بس )

15-06-2005, 02:46 PM

سوالف البنات في الباص
حال البنات في الباص غريب وعجيب !!

يعني مثلا

وحدة ناااايمة واللي بعدها بين الحياة والموت

واللي بعدها باربع بنات بنتين يتكلمون
البنت (1) امي قالت حق خالي فيصل ود بنتي السوق
البنت(2) مو قلتي خالك هذا مسافر لندن
البنت(1) لا اللي مسافر هو خالي محمد
...البنت معرفتها على اسماء العائلة الكريمة |411|

ومن جهة أخرى نجد الدافورات.. < الدافورات معناها الشاطرات وإللي يحبون العلم
البنت(1) الامتحان النحو صعب اليوم !!
البنت (2) اللي يسمعك يقول ماتاخذ علينا الاول اقول واللي يعافيك
اكرمينا بسكوتك
البنت (1) والله..صعب ماعرفت الاعراب انا شكيت هو (جار ومجرور) ولا (مجرور وجار)>>انه اقول نفسها والله الشطاره من العين ناقزه

ومن جهة أخرى نجد بنات النت...
البنت (1) امس دخلت الشات ومالقيتك ايش فيك؟
البنت (2) انا داخلة لكني مغيرة اسمي
البنت(1) ليش غيرتيه
البنت (2) مزاجيييييييييي !!
البنت(1) طيب وراك ماتردين على مواضيعك الشينة
البنت(2) واللة مااحد اجبرك تردين على مواضيعي ولااحد عظك على يدك وقال راقبيها
الا القهر مقطع عيونك ماعينوك مشرفة وانا مسجلة بعدك خخخخخ |593|
ههههههههههههههههههههههههههههههههههههههههههههههههههههههههههههه

وفي مؤخرة الباص نجد الفن والطرب...
البنت(1) ماشفتي الحلقة الأخيرة من المسلسل أمس !!
البنت(2) إلا بااااايخه !! ماتوقعت ذي نهايتها !!
البنت(1) ايه صح مالها داعي
البنت(3) اليوم راح يجي مسلسل غيره شكله أزين!!
البنت(1) لا المسلسل اللي راح يجي اليوم قديم أنا تابعته!!

وبجانب بنات الفن..نجد بنات البلاي ستيشن..
البنت (1) اللة ياخذ شركة كونامي مانزلت (سايلنت هيل 4)
البنت (2) صادقة..ماشاء اللة على شركة كابكوم تنزل ديسكاتها بسرعة
الا هالمرة مانزلت(رزدنت إيفل زيرو) مايخالف يقولون لكل حصان كبوه>> حلو مطابق هالمثل
تتوقعين يكون فيه (التايرنت)
البنت(1) احتمال لان(البرت ويسكر )فيه
البنت(2) صدق..!!؟؟!!
البنت(1) ايه..قريت مذكراته ويقولون انه فيه... |423| ياحسافه على الجيل هذا كله كذا

ومجموعة ثانية تتكلم عن الطبخ
البنت (1) اليوم علي المطبخ وعييييييه
البنت (2) اللي يسمعك يقول كل يوم تكرف بالمطبخ اللة يرحم حالي
انا كل يوم عندي المطبخ والغسيل وكل شيء
البنت (1) لا الحمدللة انا مرة بالشهر
البنت(2) ياحظي..الا اقول تعرفين طريقة البسبوسة
البنت(1) مدري..ايه عرفتها انتم تشترون العجين>>>>> في بالها سمبوسة
ههههههههههههههههههههههههههههههههههههههههه

واما بنات الميك اب والموضة
البنت(1) ناظرتي اخت العروس روووووووعة وخصوصا فستانها تهبل مووت>>> احلفي
البنت (2) ايه وشفتي الظل اللي مسويته قمة الغباء ليش مسويته تحت عيونها
البنت(3) يابنتي هذه الموضة تو نازلة الاربعاء>>> ولا الخميس
البنت(1) اقول لاتعطونها وجهه ماتفهم بشيء
البنت(2) نعم..!! وش تقصدين..لايكون تتكلمين عني....حدك
البنت (3) لا ياماما اكلم زوجة عمي خخخخخخخخ |454| رحنا فيها

فئة (ك ت ب )
البنت(1) عطيني الواجب حق بكره |15| القوه لله
البنت(2) وليش ماتحلينه بنفسك من غشنا فليس منا |527| الغلباااااااااااااااااااانه
البنت(1) مو انتي ناقلته من اللي بجنبك
البنت(2) هاااه
البنت (1) اي..اقول عطيني>>>> يعني اجباري
البنت(2) انا نقلته علشان احنا معزومين في البر
البنت(1) والله....واحنا معزومين بالبحر خخخخخخ

م ن ق و ل

والله حاله غريبه كل بنت في حاله وتفك ركب على صحباتها |179|

16-06-2005, 02:11 AM

هلا وخروو أنا جيت

معقوله كل السوالف هذي تصير الباص وأنا آخر من يعلم

أجل بعيد دراسة الثانوي عشان أسجل في الباص وأسولف مثلهم |483|

بس تتوقع يا وخروو بكون من أية المجموعات يمكن أكون

من مجموعة كتب أو من مجموعة الميك أب |522|

وبصراحه أحسن مجموعه موسعه صدرها هي مجموعة البلاي تيشن |593|

والله ياهم متطورين بشكل مو طبيعي |522|

يعطيك العافيه

مع التحية

أدوات الموضوع
عرض نسخة للطبع أرسل هذا الموضوع إلى صديق
أنماط العرض
النمط الخطي الانتقال إلى النمط المختلط الانتقال إلى النمط الموضوعي

إعلانات نصية :
يوتيوب ضمى نجد	تعرف على خصائص المنتدى	اعلان نصي متاح
اعلان نصي متاح	اعلان نصي متاح	اعلان نصي متاح

المواضيع الساخنة :
شرح كامل لجميع خصائص ومميزات المنتدى للمبتدئين او المتقدمين ...