خلودي الرياض ;:;:;:;:; في صفحات

01-07-2009, 04:25 PM

خلودي الرياض ;:;:;:;:; في صفحات

السلام عليكم ورحمه الله وبركاته

أخبارك أعضاء منتدانا ؟؟

في البدايه أحب اعرف عن نفسي

خالد بن فيصل

من مواليد وسكان الرياض , تاريخ الميلاد 1408 شهر محرم يوم 9 وعليكم حسبة العمر

أعمل كرجل إطفاء ومكان عملي منطقه تبعد عن الرياض 200 كم تسمى بخريص

وهذي كبدايه , وان شااء الله تتعرفون على خالد أكثر من خلال هالصفحات

ودمتم بود

01-07-2009, 05:08 PM

سلام عليكم ورحمه الله وبركاته

من بعض الاشيااء الي تقهر اذا كاان الوااحد يدااوم بعيد عن اهله ونااسه
____________________________________________

يوم الاثنين جتني رساله من أحد عماتي مكتوب فيها :

مستأجرين استراحه يوم الثلاثاء اسمها مون لايت

الزبده اني وقتها كنت بالدواام وكنت تووني مداوم يوم الاحد ودواامي 7 اياام بالاسبووع يعني دخلت يوم الاحد افك يوم السبت .

دقيت عليها وقلت : وش الحركاات هذي يعني يوم رحت ادااوم سويتو استراحه وعشاا وحركاات

قالت لا والله ياخالد سويناه عشاان عيالنا خلصو اختبارات وانا جاايتني ترقيه و ولدي نايف بيسافر يوم الجمعه
وقالت لازم تجينا انت بعد

قلت ما اقدر انا مدااوم

قالت عاادي خلص دوامك وتعال للرياض وترااه عشااا يعني تقدر تجي للرياض وترجع لدوامك

قلت اووكي مااعندك مشكله

رحت كلمت رئيسي المباشر وقلت ترااني بنزل الرياض يوم الثلاثاء عندنا ... إلخ

قال ممنوع ياخالد ,,قلت يارجال محد بدااري واذا دقوو طلبووني في الليل بدق عليك وانت تصرف معهم

قال اووكي

جاا يوم الثلاثاء يووم العزيمه

كنت نايم متأخر ورحت للدواام وانا فيني النووم .. قعدت مع الشباااب من 6 الصبح حتى السااعه 2 الظهر ..

طبعآ بعد الغداا الوااحد رااسه يثقل ويجيه النووم وبالذات اذا كاان متاخر

حاولت اناام من هنا او من هنااك جااني الرئيس المبااشر قال خالد لا تاا في مكاان كشوف لايجينا احد وتصير مشكله كبيره

الزبده بعد تفكير وجهد جهيد رحت للصاله الرياضيه وقفلت الباااب بالمفتاح ونمت يمكن سااعتين ....

يوم صحيت جسمي متكسر لأني نمت على الارض ... كرهت النوومه الناايمه <<<< حلوو االتعبير النومه الناايمه

المهم ان الدواام خلص السااعه 6 المغرب ولازم نزل للرياض

قلت خلني اناام بغرفتي حتى السااعه 7 وبعدها احرك للرياض , وفعلآ حركت لغرفتي ونمت لي سااعه كاانت رااح تتمدد لسااعتين هههههههههههههههههههه

المهم اني ركبت لسيارتي وتوكلت على الله ومشيت ... وكاان مغبر لدرجه اني مقدر اشوووف اكثر من مدى نوور السياره

قطعت يمكن 30 كيلو حتى خط الرياض الشرقيه وكنت امشي يمكن 120 أو 100 ويووم طلعت على الخط

160 مانزلت عنها ومافيه غير تشطيف للعالم ههههههههههههههههههههه

الزبده اني وصلت للرياض بالسلامه حول السااعه 9 وعليها دخلت وسلمت على عمااني وعمااتي

طبعآ العزيمه كاانت عائليه

تكيت مع العاالم واخذت سواليفهم ... وفيه كم وااحد قاالو تووك راايح قبل يومين وش الي جاابك اليووم

يبوون الفكه مني ههههههههههههههههههههااااي

ويووم تعشيت وحمدت رب العالمين صارت السااعه 11 و 20 دقيقه شغلت سيارتي وجيت رااجع لخريص

مسكت الخط بالسلامه

وصلت لكبري خريص حول السااعه 12 و 20 دقيقه

يوم طلعت للمخرج ... طبعآ الطريق سيد وااحد راايح جاااي ومظلم وماافي سياااج .. وفيه لووح تقوول احذر من الموااشي ههههههههههههههههههههاااي

اول مادخلته جاا وراااي رااعي هاايلكس كبسلي ومشاا قداامي برسعه 150 وانا ورااه , والطريق مظلم تعرفوون أول الشهر والجو غبااااااار .. يعني الرؤيه لكم عليهااا وانا فيني النووم ههههههههههههء

يوم صارت السااعه 1 وصلت لخريص وماصدقت ادخل غرفتي

وجهزت طقوووسي ونمت حوول السااعه 1 ونص

ودمتم بحفظ الرحمن

02-07-2009, 05:04 PM

سلام عليكم ورحمه الله وبركاته

ههههههههههههههههههااااي يانااس عندنا في الدواام عاامل نيباالي وربي حفله

اليووم جااينا اايخ وفيه النووم ,سئلت الشباااب وش فيه خوينااا ....

قالو أمس حلم انه فيه نااس يلحقوونه ويبوون يقتلوونه , وكاان يقاومهم وشوووي رفس برجووله الجدااار وكسره ههههههههههههههههههاااي

ذا العاامل غني عن التعريف أسمه راجا , بس ترجمنااه بالسعوودي رجاا

عمره 25 دياانته بووذي بس الانساان ينحط فوووق الراااس

ذااك اليووم طاالع معه مشواار ... سئلته نت متزووج

قال إيه وعندي بنت

قلت وش اسمها

قال كوسي ((( لا احد يفهم غط )))

طبعآ كلامنا كله بالانقلش

قلت وش معنى اسم بنتك ...

قال معنااه ..... HAPPY

قلت له بالعربي سعيده هههههههههههههههه

شفتي كيف الدنيااا قوقعه صغيره

تحصلوون انا اسمي خاالد ,, وفيه امريكي اسمه for ever ههههههههههههههههههااااي
(( إلي ماافهم مشكلته ))

هذا الشي يدل على ان مهما اختلفت الحظارات والديانات تبقى اساامينا وحده مع اختلاف في النطق

المستفاد من السالفه /

لا تستغرب اذا جتكم شغااله اسمها سعيده أو صيته
لأنهم يترجموون اساااميهم للعربي

ودمتم بووود

12-07-2009, 03:47 AM

من ما كتبت

السلام عليكم ورحمه الله وبركاته

كل علاقة حب اعيشها ... تشبه الغرفه باربع جدران وبااب
كل ما حاولت افتح باب جديد ترفضين ... حتى ابي افتحه على مزاجك وبعد ترفضين
ويتقفل هالبااب الجديد ... ولما ابي ارجع للباااب القديم ... احصله مقفل
وأضل انا وحيد حبيس هالغرفه

وصراحه الي كتبته مدري هو فلسفه ولا كلام فاضي
ولكني أحب اشبه واقعي بأشيااء

واسعدني مروركم

18-07-2009, 06:19 AM

من ما كتبت

السلام عليكم ورحمه الله وبركاته

ألي كان بينا شبهته ببرج المملكه وصلت معك لابعد دور
واحتمال كبير هالدوور محد وصله معك غيري ...ويووم قربت لنهاايه البرج
وفجأه وبدوون سابق انذاار ... طردووني من البرج
وحاولت كثير عشاان ادخله مره ثاانيه ...
وتعبت ... بس لكل مجتهد نصيب ... ودخلته
وصراحه انا الحين تاايه مدري من وين أطلع للدور الأول او بالاحرى الثااني
وشكل السااالفه مطووله حتى اعرف الطريق ... لأن في المره الاولى كاان فيه من يمسك يدي ويدلني على الطريق
اما الحين حاالي حال اي غريب ... وحتى الغريب أقرب مني للطريق الصحيح
فودي بنصيحه /
اكمل طريقي وادوور على الطريق او على احد يدلني عليه أو ... أرجع من الباااب الي دخلت منه ؟؟؟

والله يحفظكم

أدوات الموضوع
عرض نسخة للطبع أرسل هذا الموضوع إلى صديق
أنماط العرض
النمط الخطي الانتقال إلى النمط المختلط الانتقال إلى النمط الموضوعي

إعلانات نصية :
تويتر - twitter	فيسبوك - facebook	العاب ضمى نجد
يوتيوب ضمى نجد	جالري ضمى نجد	شات ضمى نجد الصوتي