ملف كامل ومصور ل تجهيز مكياج العروس من الألف إلى الياء ،،

27-08-2009, 10:09 PM

ملف كامل ومصور ل تجهيز مكياج العروس من الألف إلى الياء ،،

بسم الله الرحمن الرحيم ،

السلام عليكم ورحمة الله وبركاته
هذا ملف كامل ومصور ل تجهيز مكياج العروس من الألف إلى الياء
أكيد راح يفيد البنات اللي ما تزوجوا واللي قاعدين يجهزون ألحين ولو بالقليل ،

هالملف راح يكون عبارة عن نصائح + صور + تجارب + إرشادات ويا رب تفيدكم ،

وأتمنى كل بنت عندها معلومة أو خبرة أو تجربة ولو صغيرونة تحطها لإفادة الكل وصدقوني

أسعد بتواصلكم ومشاركاتكم الهادفة والمفيدة

،

،

،

قبل لا أبدأ الملف أحب أقول إن هالملف راح يكون لكل عروس بغض النظر عن مهرها ،،

،

امممممممممم نبدأ ،،

طبعاً أول مرحلة لل تجهيز :

- وضع الإحتياجات من المكياج ومستحضرات التنظيف ،

- بعد وضع الإحتياجات وتحديد الأولويات ، يأتي تحديد ميزانية للمكياج ،،

:: نصيحة ::

طبعاً كل بنت لا بد يكون عندها مكياج ، وأكيد بعض المستحضرات تكون بحالة جيدة أو شبه جديدة

لذلك نصيحة تخلي هالمستحضرات من ضمن التجهيز ،

- عند الشراء إخذي وقتك ولا تتردددين أبد أبد أبد ، ولا يغريك كلام البياعات !! ،

ولا تغريك الإعالانات التجارية ، إشتري اللي تبينه إنت ، وإشتري اللي إنت حددتيه وكتبتيه من قبل ،

:: نصيحة ::

إن كنت مترددة لا تشترين ليما توصلين لقرار ،،

على فكرة بقولكم سالفة <<<

فيه بعض البياعات عندهم قدرة عجيبة على الإقناع ، فالبنت المسكنية تشتري المنتج بناء

على مدح البياعة وساعات يكون المنتج ما يستاهل أو ما يناسب البنت أو البنت ما تحتاجه أصلا

أو مو حاطته ببالها أصلاً !! ،

وهالشي وايد يحصل معاي وأتوقع معاكم صح ، تروحين تبين تشترين شي وتشترين شي ثاني

أو ممكن تشترينه وتشترين شغلات ثانية إنت مو حاطتها في بالك أصلاً !! ،

من ضمن الأسباب اللي تساعد البياعة على الإقناع إن بشرتها تكون حلوة وصافية ، وساعات تقول

البياعة إنها تستخدم هالمنتج وإنه سبب في نضارة وصفاء بشرتها ! ،

ما يدرون إن شركات التجميل أساساً ما تقبل إلا بنات بعمر معين !! ، وبشرتهم تكون حلوة وصحية !

وأجسامهم تكون حلوة !! وبنفس الوقت لسانهم حلووووو ،،

يعني تخيلي تكون البياعة متينة ومو حلوة وبشرتها مو صافية ، تقدر تقنعك ؟!!

مستحيل !!

:: باختصاااااار ::

مو كل البياعات عندهم مصداقية ،، ف ديري بالك !

ممكن تكون الماركة ممتازة ومنتجاتها ممتازة بسسسسس مو كل منتجاتها تناسبج أو تناسب

نوع بشرتك ،، فانتبهي !!

لا تشترين شغلة بطريقة عشوائية ، ولا تشترين بناء على مدح فلانة وفلانة إلا بعد ما تجربينه

وتقتنعين فيه !! ، يا كثر المنتجات اللي يمدحونها البنات واهي مو قد المدح أو ما تستاهل

أو ما تناسب ذوقنا ، ومثل ما قال المثل : لولا إختلاق الأذواق لبارت السلع ! ،

خذي وقتج بالشراء ولا تشترين مكياجك مرة وحدة ، روحي للسوق مرة ومرتين وثلاث وعشر بعد ،

ولا تشترين شي إلا عن قناعة إنه يناسبك وإنك فعلاً راح تحتاجينه وتستخدمينه ،

وب النهاية :

أدري إن التجهيز تعب + إرهاق + إحباط ( لما ما تلاقين اللي تبينه ) ، بس بالنهاية صدقيني

راح يكون نهاية هالتعب راحة + ذكرى جميلة راح تحتفظين فيها مع الأيام

،

الله يبارك ويوفق كل عروس ويتمم لها على خير يااااا رب

27-08-2009, 10:16 PM

آللـهـ يـ ع ــطـيك،، آلــ ع ــآفيهـ ..

27-08-2009, 10:16 PM

قبل لا أبدأ الملف ، أحب أنوّه على شغلة مهمة :

- نصيحتي لكل عروس إنها تبحث عن المنتج الجيد والنوعية الجيدة والماركة الجيدة بغض النظر

عن السعر ،

وتأكدوا إن :

مو كل منتج جيّد غااااالي ،

ولا كل منتج ردئ رخيص ،،

- أيضاً التنويع في المكياج مطلوب ، يعني المكياج ما يكون من ماركة وحدة ، لأن مستحيل

نلاقي ماركة جميع منتجاتها بنفس الجودة ،، فانتبهوا ،

نبدأ الملف بمنتجات الوجه ،

طبعاً كل عروس تحتاج الآتي :

- بيس أو مثبت ، ولاحظوا قلت ( أو ) يعني إذا كان عندها بيس ف يكفيها عن المثبت والعكس ،

- عدد 2 كريم أساس ، أساس تكون تغطيته جيدة للمناسبات والسهرات ويكون أفتح من لون بشرتها

بدرجة أو درجتين ، وأساس عادي أو خنقول يومي للطلعات العادية وللصبح وممكن للبيت تستخدمه ،

(( طبعاً العدد اللي حددته اهو المفروض يكون عند كل عروس تجهز على الأقل ، وممكن العروس تشتري

أكثر من 2 أو 3 أو 4 على حسب احتياجاتها إستخداماتها وعلى حسب طلعاتها وعزايمها ومناسباتها ، ))

- عدد 2 بودرة مضغوطة ،

- بودرة سائبة ،

- بودرة لل إضاءة أو كريم إضاءة ،

--------------------------------------------------

نبدأ مع المنتجات ،،

- من أفضل المثبتاات اللي استخدمتها اهو مثبت ماك البخاخ ، وايد حلوووو ،

والأحلى إنه يحتوي على فيتامينات مغذية تعطي حيوية وإشراقة للبشرة ، ممكن استخدامه قبل الأساس

وممكن ك آخر مرحلة في المكياح ، مع إن استخدامه قبل المكياج يكون أفضل ، وممكن استخدامه

لوحده بدون مكياج ،

وفيه مثبت ميك أب فور إيفر ، بس ما جربته ، لكن باين عليه حلوووو من تجارب البنات اللي قريتهم ،

وفيه مثبت جيفنشي يمدحونه البنات ،، وفيه مثبت كريولان وايد يمدحونه بس ما جربتهم ،،

- بالنسبة للبيس معظم الماركات أو بالأحرى كل الماركات عندهم بيس والبيس هو منتج تحضيري

يهيئ البشرة ويحضرها لوضع الأساس بالإضافة إلى إنه يثبت الأساس والمكياج عموماً ويكوّن طبقة

عازلة بين البشرة والأساس ، ويعطي حيوية للبشرة ،

من أفضل الأنواع اللي أرشحها للعرايس اهو بيس كانيبووو اللي تشوفونه بالصورة ، وايد حلوووو

يثبت ويعطي إشراقة وحيوية للبشرة ، وعن تجربة يخلي البشرة تظهر ب لوك مخملي ،

بيس ماك أو البرايمر من ماك حلوووو ويخلي البشرة نااااعمة بشكل وايد وايد حلوووو ، بس سبحان

الله ما حبيته كثر ما حبيت كانيبووو <<< غرامها هالكانيبو ،،

بيس ال فوتو فنش من سماش بوكس ، وايد حلوووو ،

بالنسبة ل بيس فور إيفر أحي إنه عادي من تجربة أختي ، لأني ما جربته ، أختي بشرتها عادية

وجربت بيس فور إيفر البيج وتقول إنها ما حست بفرق وايد في مظهر بشرتها ،

وأحب أقول نقطة :

لو تلاحظون إن فيه بعض الماركات ال بيس عندهم بعدة ألوان ، كل لون له وظيفة معينة ،

ممكن البياعة تقنعج بلون معين مثلاً البنفسجي للبشرة الباهتة والتعبانة ، أو اللون الأخضر

للبشرات الحمراء أو اللي تعاني من الحبوب ، بس نصيحة ترى اللون ما له تأثير كبير ،

لذلك اختاري الشفاف أفضل شي ،

امممم نبدأ بالأساسات ،،

في هالصورة بتلاقون أحلى ثلاث أساسات عندي ،

جيرلان + كانيبو + جورجيو أرماني ،

جيرلان ( ديفينورا ) من أفضل الأساسات اللي جربتهم ، واااايد حلو على بشرتي ، وللأمانة ما مدحته لوحدة إلا

وشرته وجربته الحمدلله وأولهم أختي

،

طبعاً لو تلاحظون إن لا جيرلان عندهم كذااااا أساس ، إيسيما واهو أساس وبنفس الوقت علاج وفيه منه

نوعين للبشرات الجافة + الدهنية ،

وديفينورا فيه منه نوعين بعد مطفي وشبه مطفي ، أنا اللي عندي شبه مطفي وعلى فكرة

يناسب جميع البشرات ،

كانيبو وبما إن بشرتي دهنية فأخذت السائل ال Liquid Finish

لكن إذا بشرتج كانت جافة فأنصحج بالأساس الكريمي لأنه الأنسب للبشرات الجافة Cream Finish

وتغطيته أحلى وأعلى من ال Liquid Finish

جورجيو أرماني مع إن الماركة توها جديدة في السوق الخليجي

إلا إنها لها شعبية بفضل منتجاتها الراقية ، فعلاً منتجاتها راقية وشكلها شيك وبنفس الوقت جودتها

عالية ، أساسهم Matte Silk Foundation وايد حلوووو ويناسب البشرات الدهنية لأنه يعطي لوك مطفي

للبشرة ،،

أساس لابريري بالكافيار ، بصراحة أشوف هالأساس أخذ سمعة لأنه غالي بس ،

اهو حلوووو على البشرة وتغطيته حلوة لكن فيه أساسات بصراحة أحلى منه مثل أساس

ديفيينورا من جيرلان ، حلاة الأساس في مكوناته وأهمها الكافيار ، اهو غاااااالي لأنه

بالكافيار ومثل ما إنتو عارفين الكافيار غالي ،

أساس إستي لودر ال MAXIMUM COVER

+

أساس كلينك ال Skin Smoother Pore Minimizing Makeup

طبعاً ال MAXIMUM COVER وايد تغطيته ثقيلة ، وما عجبني كلش ،

المفروض يتخفف بأساس سائل أو على الأقل مرطب ، لأنه ثقيل وما عجبني ،

اللي تبي تغطية قوية وعالية ممكن تجرب كونسيلر من فور إيفر اسمه ال

FULL COVER

وفعلاً تغطيته عالية جداً ويعطي لوك حلووو أحلى وأفضل من ال MAXIMUM COVER

أما بالنسبة لأساس كلينك ، فهو حلوووو مثل الموس واهو علاجي للمسامات ، يعني مع الإستمرار

المنتظم راح تقل المسامات عن قبل ، مظهره مثل البودرة خفيف وبنفس الوقت يعطي تغطية

ولوك حلووو ومطفي وبنفي الوقت يقلل من مظهر المسامات المزعج

،

هذا الأساس المضغوط من شيسيدو واسمه :

Shiseido Hydro-Liquid Compact Foundation

طبعاً هالأساس يناسب البشرات الجافة لأنه يساعد البشرة على الإحتفاظ بالرطوبة ،

وايد حلوووو وبنفس الوقت عملي ويتوزع على البشرة بكل سهولة ، شريته مع إن بشرتي دهنية

لكن مظهره على وجه البياعة أغراني بصراحة ، والأٍسبوع اللي فات جربته وكان في البداية

وايد حلوووو لكن بعد مرور الوقت حسيت إن بشرتي مدهنة ، يبيله ال Oil control

نتكلم عن كريمات الإضاءة ،

أحب كريمات الإضاءة لأنها تعطي حيوية وإشراقة للبشرة ، إشراقة طبيعية مو مصطنعة ،

ومعظم الماركات عندهم كريمات إضاءة ، وفيه كريمات إضاءة شفافة ، وفيه كريمات إضاءة ملونة مثل الموجود

عند فور إيفر ،،

الحلوووو بكريمات الإضاءة إنج ممكن تستخدمينها بأي وقت ، بالصبح أو بالعصاري أو بالليل ،

لأن لمعتها مناسبة لأي وقت وما هي قوية ،،

في هالصورة كريمين إضاءة جربتهم وراح أقول لكم رأيي ،

ال strobe cream من ماك ،

+

ال skinlight من ريفلون ،

طبعاً الأحلى اللي من ماك ، وااايد حلووو وعلى فكرة ال strobe cream إضاءة + مرطب ،

يعطي ترطيب وبنفس الوقت ممكن إستخدامه ك بيس قبل المكياج ،،

امممممم فيه بعد كريم إضاءة وايد حلوووو من فور إيفر اسمه

DIAMOND CREAM

فيه منه ألوان بس أحلى لونين اللؤلؤي والوردي ،،

باختصاااار

معظم الماركات إن لم كلها عندهم كريمات إضاءة تعطي إشراقة وحيوية للبشرة ، طبعاً هالكريمات فيه

منهم الشفاف وفيه منهم الملون أو الملون الشفاف اللي يعطي لمسة لون ،

لكن أفضل كريمين إضاءة جربتهم ال ستروب كريم من ماك + ال دايموند كريم من فور إيفر ،

27-08-2009, 10:21 PM

نكمل مع البودرات بأنواعها والبلاشرات ،،

اللي شايفينهم بالصورتين أحلى ثلاث بودرات عندي ،

ديفينورا الذهبية من جيرلان

Exquisitely fine powder foundation Compact

+

جورجيو أرماني

silk foundation powder

+

كانيبو

total finish

هالبودرات تغطيتهم مخملية لأنهم عبارة عن أساس + باودر ، لذلك تلاحظون تغطيتهم أحلى وأعلى من البودرات العادية ،

البودرات العادية ، تكون بهذه المسميات :

pressed powder

أو

compact powder

وهذول تكون تغطيتهم عادية وخفيفة لأنها عبارة عن بودرة فقط بعكس اللي فوق ،،

وفيه بودرة حلوة من فور إيفر اسمها :

POWDER FOUNDATION

هالبودرة وايد يمدحها الماكيير بسام فتوح واستخدمها في الدورة اللي صارت بالكويت

ويقول إنه يستخدها ل أليسا & هيفا وهبي ،

هذول اللوس باودر ،

وظيفة اللوس باودر أو خنقول مميزاتها :

- تعطي مظهر مطفي رائع للبشرة بحيث تمتص أي دهون على البشرة ،

- تساعد على تثبيت الأساس ،

- ممكن وضعها تحت العين لإلتقاط الشادووو المتساقط وبحيث ما تتدمر هالمنطقة ،

للأمانة

: تجربتي مع اللوس باودر قليلة ، يعني ما جربت إلا اللي إنتو شايفينهم بالصورة :

كانيبو

+

botanics << ماركة نباتية تلاقونها في صيدليات بوتس ،

+

فور إيفر وهذول كانوا هدية على مشترواتي ولو تلاحظون حجمهم صغير ،

الحلووووو في بودرة كانيبو + بوتانكس إنهم :

Transparent

بمعنى إنهم شفافين ، ما يعطون لون بقدر ما يساعدون على تثبيت الأساس وإعطاء لوك مطفي

بالإضافة إلى تنظيف منطقة العين من أي شادووو متساقط ،

وفيهم ذرات لمعة صغيرة جداً ،

طبعاً من وجهة نظري اللوس باودر الشفاف هو الأفضل لمنطقة العين ،

أما بالنسبة ل فور إيفر اسمها :

SUPER MATTE LOOSE POWDER

هذه البودرة تعطي لوك مطفي 100% ، وتناسب البشرات الدهنية ، وهالبودرة لونية يعني مو شفافة ،

ويوجد منها عدة درجات لكل ألوان البشرة ،،

ومثل ما قلت لكم إن خبرتي بالبودرات السائبة قليلة ، لكن ولله الحمد وايد مرتاحة ل كانيبو وأحسها أفضل الموجود

لكن هذا ما يمنع إن فيه بودرات سائبة حلوة مثل كلينك & جيرلان ،،

ألحين نتكلم عن بودرات اللمعة ،،

في هالصورة بتلاقون أربع بودرات ،

أسوأهم من ريفلون مو حلوة وما عجبتني ،،

طبعاً الأفضل في بودرة اللمعة إنها تكون لوس باودر ، ما أفضّل تكون مضغوطة ،،

تدرون ليش ؟!

لأنها أثبت واللمعة تكون أقوى ، وطريقتها تحطينها بالفرشاة وقبل لا تحطينها تنفخين وبعدين

تتوزع على كامل الوجه وراح تلاحطون إن اللمعة قوية بعد ما نفختوا الزايد من البودرة راح تظل ذرات

اللمعة على الفرشاة وبجذيه بتكون اللمعة أقوى <<< هالطريقة مجربتها

،،

طبعاً بنات الكويت أنصحهم ببودرات شارمل لمعتها قوية وبنفيس الوقت عندهم تدرجات وايدة ،

أما باجي البنات ف ممكن يشوفون بودرات :

نارس :

NARS SPARKLING LOOSE POWDER

أو

ماك ،

Iridescent Powder Loose

ماك عندهم لونين ،

البرونز

Golden Bronze

والفضي ،

Silver Dusk

جيفنشي << لمعتها وايد حلوة ،،

PRISME LIBRE Loose Powder SPARKLING DENTELLE

كلينك ،

Brightening Loose Powder

لاحظوا لمعتها ،

27-08-2009, 10:22 PM

البلاشرات ،،

طبعاً البلاشرات فيه عدة أنواع منهم ،

فيه الباودر المضغوط العادي ، وفيه الكريمي وفيه الموس ،

نبدأ أول شي بالبلاشر العادي ،،

الماركات اللي بالصورة الأولى ،

نارس + ماك

والثانية ،،

بنفت + بورجوا + جيفنشي + بودي شوب

وكلهم حلوين وألوانهم حلوة عداااا جيفنشي مو زود بصراحة ،،

بس أحلاهم كلهم :

بلاشرات نارس

وبالذات هالثلاث ألوان :

ORGASM + Deep Throat + Madly

الحلوووو في بلاشرات نارس إنه ألوانهم واضحة وبنفس الوقت فيهم شيمر ولمعة راقية تغنيج عن

وضع بودرة إضاءة وبنفس الوقت أسعارهم رخيصة ،،

ماك ،

بلاشراتهم حلوة وواضحة وبنفس الوقت أسعارهم رخيصة مقارنة مع باقي الماركات ،

وبنفس الوقت بعض بلاشراتهم فيها شيمر ولمعة حلوة ،،

بورجواه ،

ألوانهم حلوة وطبيعية وواضحة وبنفس الوقت رخيصة ،،

بنفت ،

ما جربت إلا لون دالاس ، ولونه حلوووو وطبيعي وفيه لمعة خفيفة ، وسعره مو رخيص

،،

بودي شوب ،

ألوانهم طبيعية وبنفس الوقت رخيصة ، لكن للأسف ما عندهم تدرجات لونية كثيرة ،

شانيل

من أفضل البلاشرات اهي بلاشرات شانيل طبعاً هالكلام مو من عندي على حسب تصنيف

خبراء التجميل في أوروبا ،

فعلاً من شانيل بلاشراتهم حلوة وألانهم وايد وايد حلوة وطبيعية تعطيج لوك طبيعي ما مصطنع

بالإضافة إلى لمعتهم الحلوة ، وسعرهم مو رخيص

،،

بوبي براون ،

طبعاً بوبي براون بنفس مستوى بلاشرات ماك ويمكن أحلى وأسعارهم أغلى من ماك ،

عندهم تدرجات كثيرة وألوانهم حلوة وبنفس الوقت طبيعية ،،

البلاشر الموس ،،

البلاشر الموس تشوفينه كأنه كريمي لكن بعد وضعه على طول يكون ملمسه كأنه بودرة ،،

طبعاً خبرتي بهذه البلاشرات قد تكون صفر !! ، لأن ما عندي مثل هالنوع من البلاشرات ،،

لكن بقولكم على الأحلى بناء على مدح البنات ،،

جيرلان ،

ديور ،

ميبيلين ،

طبعاً تذكرون أساس ميبيلين ال دريم موس ، بعد ما نجح الأساس ، الماركة نزلت منه بلاشر وشادوو ،

أدوات الموضوع
عرض نسخة للطبع أرسل هذا الموضوع إلى صديق
أنماط العرض
النمط الخطي الانتقال إلى النمط المختلط الانتقال إلى النمط الموضوعي

إعلانات نصية :
تويتر - twitter	فيسبوك - facebook	العاب ضمى نجد
يوتيوب ضمى نجد	جالري ضمى نجد	شات ضمى نجد الصوتي