سعوديات بعروق ايطاليه , باكر على الظالم تدور الدواير / رواية كاملة

05-10-2009, 09:27 AM

(13)

خالد رجع من الشركة متضايق ومتنرفز ،
خالد : يسعد مساك يمه ؟
ام خالد : هلا يمه وش فيك ادق ما ترد ، زوجتك اخذت اغراضها وراحت شكلها زعلانة عسى ماشر..؟
خالد : ما شر يمه ولا شي لا تشغلين بالك.. " طول الطريق كانت نسرين تحاكيه بالجوال بخصوص انتقالهم لبيتهم الجديد...خالد رافض انهم يطلعون لأن البيت يعتمد على وجوده بشكل كلي صار بينه وبين نسرين سؤ تفاهم.. طبعا نسرين اخذت اغراضها وبزرانها وراحت بيت ابوها...
0
0
0
بندر جالس يقرا الجريدة ودخلت نسرين معصبه...و راما تبكي وراها ،
نسرين صفقت راما بقوه : اسكتي أنت الثانية مو ناقصتك أنا فاهمه لا اطقك اكثر ...
بندر مايدري وش السالفه كان جالس في الصالة يوم فتحت الباب : وعليكم السلام والرحمة ( رمى الجريدة)
بندر : وش دعوى نسرين وش فيك عليها يادافع البلاء ، وش فيك شابكة ٢٢٠..؟
نسرين نزلت عبايتها و ناظرت في بندر بطرف عين و طنشته
نسرين : بندر واللي يسلمك اطلع منها مالك شغل فيني..
و بعدين طلعت لأمها فوق..
بندر يتابعها واهي ترقى الدرج،
بندر : لا حشى شرارة مو حرمه الله يعينك يا خالد..
وبعدين التفت ورا شاف رامي وراما واقفين
بندر : اهلين هلا فيكم تعالوا بوسوا خالو ؟ وحشتوني مره
نايف دخل : اهلين خلا والله تعالوا سلموا ،...وين ماما جت معكم؟
مااحد يرد منهم ،
بندر : هههههههههههه الظاهر انهم طرمان من تو احاكيهم و هم خبر خير .. معطيني الطرشى ! إلا صح هالقمر( بقصد راما) كانت تبكي اول ما دخلوا ..،
نايف : ليش تبكين رمرم..؟
راما خافت وراح تخبت ورا رامي...
رامي : أنت ما تعلف لأن ماما طقتها..
نايف يجاريه : ليث طقتها ماما ؟
رامي يبكي : نبي ماما منيرة..
نايف يناظر في بندر : مين منيرة ؟
بندر : بدون ما تسأل اخي العزيز اعتقد وان كان مانيب غلطان انها تصير ام خالد
رامي : وابي العب مع تغريد و هنوفه...
بندر يناظر نايف : فاتتك اختك تو والله يا زفتني زفه محترمه،
نايف : ليش..؟
بندر : علمي علمك... اختك ذي نفسية قايل لكم أنا من يوم اني صغير ، من يوم طيرت عصافيري يوم كنا صغار..
نايف : ههههههه
نسرين عند امها تشكي
نسرين : يمه ذي مو عيشة ، أنا متزوجته هو مو امه وخواته ...
ام تركي : عيب استحي على وجهك وشذا الحكي طول عمرنا عايشين وسط بعض ولا احد قال هالخرطي...
نسرين : مين يمه بس أنا ناظري تركي اخوي مستقل بلحاله ناظري وليد و نورة كل العالم إلا أنا وش ناقصني ضروري احكي لابوي يشوف حل مع خالد أنا تعذبت وصبري خلص.
امها : اركدي اذكري الله ارحمي خالد هو مسؤول عن اخوانه وخواته هم ايتام يمه مافي خير لو تخلى عنهم.
نسرين : لا يتخلى ما ابيه يتخلى ابي نستقل في حياتنا برتاح من وجه امه وخواته...أنا مقيدة يمه تخيلي في بيت زوجي ماشعر بالحرية..
عموما أنا قلت لخالد يبيني يجيني هنا أنا مستحيل اكمل حياتي عندهم.... لا ابد نو وي
امها : مو توه مسفرك..و لف فيك هالديار يامقرودة لا تخسرينه ترى الرجال ما يحبون الحرمه اللي تستعبط..النقص عليك... فكري بأطفالك وكيف بيرهقون نفسيا..لا تضيعين خالد
نسرين : لا تخافين ميه الميه نهايته بيطيح اللي برأسه و يجي يقول سامحيني و يسلمني مفتاح قصري.... يمه الرجال زي الكوره تشوتينه ويجيك راجع .
هو يموت فيني ما يصبر عني ابد..
امها : لا حول ولا قوة إلا بالله المقرود مقرود وأنا امك ، وذا انت عنيدة بس انا مالي شغل إذا جا ابوك تفاهمي معه ؟ خليه يكسر رأسك حتى تعقلين.
نسرين : يمه تكفين حسي فيني ، خالد تصرفه غبي اجل احد يبني فيلا و يخطط لها و يعني خلاص بس يبقي لها الأثاث وبالنهاية بكل سهوله يهديها لأخوه بدر قال أيش قال هدية زواجه... أنا لي سنين انتظر هالبيت يخلص وخالد بكل برود يهديه و يقولي بكل وقاحة : احنا مش راح نطلع من هنا ذا بيتك ...
اميرة كانت جالسة و سمعت نص الحكي..
اميرة : يا نس نس لو يقولك بنطلع المفروض تقولين لا..خالد هو ابو لأخوانة وخواته حرام عليك
نسرين : انطمي انت إذا شكيت لك تكلمي مسوية لي فيها مثالية..
هنا راما تبكي : ابي ماما منيرة...
بندر ضمها و رفعها بيدينه
بندر : اوديك لأمك نسرين فوق....... راما : لا لا تطقني ابي بابا خالد...
بندر دخل الغرفه ولاحظ توتر الجو حس ان فيه مشكله لا و مو اي مشكله...
بندر : بنتك ازعجتنا ماما وبابا
نسرين: داليا ((بصوت عالي داليا)) و صمخ ليش ما تردين خذي راما لعبيها...
دلوا : ياسلا١١١١١١١١م وأنا بزر ألعبها لك...
اميرة : أنا اخذها...
دق جوال نسرين المتصل خالد.. ام تركي : ردي..
نسرين : لا خليه احسن عشان يجي هنا ، قلت لك ما يصبر..
بندر : نسرين اعقلي واتركي عنك حركات الناس اللي عقولهم صغيرة ؟
نسرين : كيفي أنا عقلي صغير...
بندر : لا تفضحينا مع خالد ردي شوفي وش يبي؟
هذا زوجك يختي ضحي عشانه و تنازلي مابينكم شي
نسرين : بليز لا احد يتدخل زوج و زوجته وش دخلكم؟
خالد ارسل مسج " نسرين اتمنى تفكرين بعقل اكثر وترجعين بيتك "
نسرين بخبث: اي هين..
وقفلت جوالها عشان ما يدق..
بندر كان جالس عند امه
بندر : يمه عقلي بنتك ترى الرجال مايحب الحرمه اللي عقلها صغير وخالد شيخ الرجال يعني امانة لا تفرط في تراه شاريها و مضحي عشانها كثير ..
امه : يا ولدي اختك مالها حظ بالطيب وانا متوقعه هاليوم من زمان ..
بندر : مو اول مرة تزعل و تجيب اغراضها ليش ماتتفاهم مع زوجها عيب مو حلوة كل ماصار سوء تفاهم جت تسحب شناطها
0

(14)

دخل ابو تركي.. بندر فز وبوس رأسه تفضل يبه
ابو تركي : وراك مانمت يا بندر ،عندك استلام بكره او لا ؟
بندر : إلا يبه عندي...
ابو تركي : اها كنت بخذك معنا انا و عمك محمد بنروح نخطب لعبدالرحمن بنت ابو يزيد..
بندر : اخسس يالدحمي لا يالدب ههههههههه بيخطب والله غريبه كيف اقتنع..اخبره رافض
ابوه : اقنعه ابوه والرجال سمع كلام ابوه
((بندر حس بإحساس غريب كأن ابوه يلمح عليه ))
وهنا جات الصدمه
ام تركي : وأنت يا بندر اسمع كلام ابوك و خله يخطب لك.
.ابو تركي : اي صح وش رأيك نخطب لك اختها الصغيرة ؟
بندر : لااااااااااااااا لاااااااااااااااا يبه الله يحفظك ماابيها ..مو قصور فيها بس انا نفسية تعرفوني هههههههههه عندي شروط وعقود لازم تنفذونها
امه : يا سلام مين بس تبي إليسا او نانسي مدري من؟
ابو تركي : هههههههههه اخص ياام تركي تعرفين إليسا ونانسي والله مو سهله يالعجيز
ام تركي : اناااااا عجيز يابو تركي لا يا قليل الخاتمة .. بعدين الله من فضلك وش بس من معرفتهن زود والله والخيبة فيناااا نحفظ اسمائهن لاا وازيدك من الشعر بيت يطلعنا جيل اللهم يا كافي يتشرط ما يبي إلا مثلهن مساكين على بالهم جمالهن طبيعي
ابو تركي : هههههه والله انك صدقت
بندر : لا يمه ياجعلك سالمه انا ماابي إليسا او هيفاء يخسن.... اخطبوا لي من بنات عمي
امه ببفرح ووجهها كله علامات استفهام : اي يبه ذا الحكي... وش رايك بصوفيا حلوة و تجوز لك شقراء و و و..
بندر بشجاعة : لا يمه ابي "زينة"
ام تركي بتعجب : و نعم الإختيار بنت ومزيونة..لو إن امها مامن اختلاط فينا ورافعة خشمها بس مو مشكله
ابو تركي : انت وش عليك من امها ؟ يا سبحان الله ..
بندر بخجل : أنا احس انها احسن وحده تقدر تسعدني من ربي كذا حسيت.
امه : اذكرك ماتبي من بنات عمانك ؟
بندر : غيرت رأيي...
ابو تركي : خلاص بكره إن شالله بحاكي ابو بدر في الموضوع..
ام تركي : على الله وامها ام نفس ثقيله توافق..
.ابو تركي : ليش ما توافق ذا بندر بن فهد ...بإشاره منه بس مليون بنت يتمنون...
بندر : ياجعلك سالم يبه من تربيتكم لنا ياعلني ماافقدكم ...
ام تركي : نبي نشوف عيالك يمه ...
ابو تركي : يامره اتركي الولد يخطب اول وبعدين يتزوج وبعدين قولي ذالكلام ههههههههه دايم عجلة سبحان الله
بندر : لا يبه عاد مااسمح لك ذا امي هااااااااااااه عاد ههههههه الله يخليكم لي يارب ( وقام بندر بوس راس ابوه و أمه )
ابو تركي : بس يارب كان فيها خير ان ربي يهئيها وكان فيها شر ان ربي يبعدها لك او لها ان شالله

(15)

بندر طلع غرفته قبل يفتح الباب فكر انه يروح لاميرة يقولها عن الخطبه...
طق الباب..
اميرة كانت تسمع اغنية " أحنا بزمن لا يحتمل اشكي لمن وابكي لمن "
بندر : ياهووه يا جو انت. يا ظلم واستبداد واحزااااااااان هههههههههههه . وش عندك طقيت ولا سمعت خاشه جو اجل.. ،
اميره: اما ذي انت تطق الباب لا كبيره وبعدين غريبه وش هالذوق يا بندر ..اخبرك دفش وماعندك فيها تدف الباب دف وتدخل تتهبد ؟
بندر: احم احم ياشيخه كبرنا نبي نخطب لازم نثقل...
اميرة ناظرت فيه كأنها مو مصدقة : مين تعيسة الحظ ،؟
بندر : وحده اعرفها من ثمان شهور تقريبا..
اميرة : يؤ يؤ مانتب صاحي تخطب وحده تعرفها ثمان شهور بس
بعدين هذي الطريقه مو راقية تخطب وحده عن طريق علاقة تليفون...
بندر: اموت فيها احبها...لأنها حلوة موت تطق لإليسا بأصبع.
اميرة : و شايفها بعد يلعن ام الثقه شافتك شافت تسعين ألف غيرك بعدين ابوي وامي ماراح يوافقون.
بندر: وافقوا وخلصنا بكره بنروح نخطب. لازم تجين معنا عشان تشوفين ذوق اخوك..
اميرة معصبة : لاااااااا مانيب رايحه... صاحي أنت فكر عدل أنت ولد شيوخ مو اي وحده تناسبك...
بندر يجاريها : الحب اكبر من هالمستويات وبعدين أنا تفكيري راقي هالافكار الغبية مالها اي اعتبار عندي
اميرة عصبت : بندر خير ذا زواج مو لعب...!
بندر: هههههههههه انصب عليك.
.اميرة : عارفه انك مو وجه خطبه.. ..
بندر : إلا والله اني بخطب ان شالله وابوي بيكلم ابوها ان شالله..؟
اميرة : مين ياشينك ؟
بندر : زينة...
اميرة فتحت عيونهاااااا من الفرحه : صدق وناسة اكيد بتوافق بس تهقى امها توافق
بندر : ليش ما توافق.. هي تعزني وتقول اني زي بدر. بس على الله صديقتك توافق
اميرة : لا تحاتي هههههههههههه الله يوفقك... ودي اقولها .
بندر : براحتك بس اختاري الوقت الزين.
كان بندر جالس عندها و دقت على زينة...
اميرة: هلا كيفك وحشتيني مشتاقه لك..
زينة : بخير خير وش فيك وش تبين ، اعرفك أذا دهنت احد بزبده عندك شي..
اميرة : اي... زينة تخيلي رحت المشغل لقيت وحده تسألني عنك..! بتخطبك لاخوها
زينة : وع وع اعوذ بالله مابي ارتبط خير يابيخك لا وسعودي ياحسرتي ماابي سعودي
بندر قلبه يضرب وملامحه تغيرت.. اميرة تشر له لا تهتم ماعليك
اميرة : حتى لو كان العريس حلو وشخصية..!
زينة : اي اصلا أحنا متفقين و خالصين مافي سعودي حلو احتمال سعودي وسيم او جذاب
بندر استغرب من وجهة نظرها ورفع حاجبه..بندر بينه و بين نفسه " هين يازينة إذا اخذتك بكره اعلمك إن السعوديين هم احلى شي "
اميرة : ايوه وإذا قلت لك طيب اني بصير اخت اللي بيخطبك
زينة بإرتباك : وجع تكلمي دايركت واتركي هالألغاز
اميرة : ياختي أي ألغاز ابوي بيكلم ابوك بكره ان شالله بيخطبك لبندر
زينة بخجل كأن احد صفقها كف : يؤ يختي انا صغيرة
اميرة : يعني خلاص اقوله يخطب غيرك هههههههههههههههههه
زينة : لا اااا بسس
اميرة : يلا عاد انا داقه احط عندك خبر إذا جاك عمي قولي له رأيك... وشوفي ترى عادي اخوي مليو ن وحده تتمناه لا تهتمين وانا اختك ( بندر وده يذبح اميره ) اذا ماتبينه عادي لا تستحين
زينة: ههههههههههههههههههه اوكي طيب يصير خير...
بندر لأميرة : الحين ابي افهم ليش قلت لها كذى عز الله اللي وافقت،
اميرة : لا تخاف خابره اللي عندها بتوافق و تشوف.
بندر : الله يسمع منك تدرين إذا الله كتبها لي درجي اللي بغرفتي اللي مليان كتب...
اميرة : لاااااااا يالخايس ذاالي طلع معاك وياميره ياميره دقي وقولي آخر شي درج فيه كتب
بندر : ليش بشري عساك تر كت القراءه ههههههههههههههههههههههههه امزح وربي لااجيب لك هدية على مستوى بس يارب يتمم على خير
اميرة : يارررررررررب الله يهدي امها وتوافق بس
بندر راح و هو يغني " شعوري ذا الليله غريب كيف الحبيب ينسى حبيب".
‎
(16)

خالد جالس في الجناح الخاص فيه ومتضايق مره خالد يقول بينه و بين نفسه : آه ياحظي بس من وعيت لهالدنيا وأنا حظي ردي..وش سويت بس عشان تتسلط علي كل هالبلاوي...! صبر و صبرت تضحية و ضحيت وش تبي نسرين... والله اني توهمت انها تحبني...هذي هي فضحتني وراحت بيت ابوها و حتى ما ترد علي...تعبت منها كيلي طفح... آخ يا عيالي بس ...
ام خالد : يمه خالد بندر يبيبك في مجلس الرجال...وش فيه عسى مازوجتك فيها شي او احد عيالك ؟
خالد يأخذ غترته ويتنهد : لا يمه مافيهم إلا العافية ام رامي وتعرفينها إذا طخت وطاح مابرأسها ترجع ميب اول مرة.. يلا يايمه بشوف اخوها وش يبي بعد يمكن جاي يقول اللي الشيخه اخته ماقالته.
ام خالد : اذكر الله وذي ام عيالك.. وعادي متعود انت عليها ذا طبعها يمه مقيوله يزول جبل بس مايزول طبع
خالد : ذي المعروف ما يبين فيها..يمه انا تعبت والله تعبت ( علامات الضجر والسأم واضحة على خالد )
خالد وقف واخذ غترته على كتفه.. خالد : ياالله يمه انا بشوف وش يبي؟
خالد نزل واهو داخل عند بندر بصوت عالي : يالله حيه
بندر : الله يحييك و يبقيك
كيفك عساك بخير !
خالد بإبتسامه : ياعساك بخير أنا مرتاح و تمام.
بندر شرب فنجاله و بخجل واحراج جمل ملامح بندر زيادة
بندر : خالد اعذرني مابي اتدخل في خصوصياتكم ، بس أنا جايك طالبك تتفهم نفسية نسرين و...
خالد : لا تكمل أنا متفهم كل حالاتها وخابرها زين بس هي نفسيتها صايرة زفت هاليومين ؟
بندر : ماعليش سامحها هي انثى والانثى دايم حساسه
تبي معامله خاصة
خالد : اعتقد اني مدلعها آخر دلع ومخليها تصول وتجول في اللي تبيه واعتقد انها ماراح تنكر لو سألتها ؟
بندر : افا يأبو رامي مايلحقك قصور..محشوم يأخوي بس ابيك بس تتفاهم معها
خالد واهو ويشخص : وش دعوه اختك معطيتني فرصة هذي هي تبي المشاكل.تموت في المشاكل اذا ما لقت احد تتهاوش معه تهاوشت مع نفسها
وبعدين كيفها لاترد تأكد ان النقص عليها هي... إذا هي مابعد ملت من حركات الاطفال أنا مليت ولا عندي فيها..(( خالد واضح ان كيله طفح ))
بندر : يارجال هي تتدلع عليك تبي تعرف غلاتها عندك
خالد : ربي يشهد انها غالية
بندر : طيب أذا غالية اوعدني تروح تطيب خاطرها ولا تفرح العذال عليكم.
خالد : ان شالله بس لا تلومني إذا سوت اختك حركه بايخه اني اتصرف تصرف غبي..تراي واصل خلاص..
بندر : ياسبع انت يارااقل ايووووه كداااا لانها نرجسية شوي بس ياشيخ إذا تحبها تقدر تشيل انانيتها و تقطها وراك الانثى زي الصلصال احنا الذكور نقدر نشكلها زي ما نبي. بعدين الله الله بالكلام الحلو تراه يذوب احاسيس الحرمه يخليها تحت ظلك.
خالد بإستعجاب : هههههه اخص يا بندر والله يا أنت من وين لك هالكلام ؟ خبير لا تصير متمرس بس.
بندر: ههههههههههههه لا وابشرك بخطب بعد...
خالد : صدق والله اللي راحت زوجتك بخبر كان.. من اللي مدعي عليها اللي شكلك تصبحها و تمسيها بدهن الزبدة.
بندر : هههههههههههه اي زبده واي قشطه ذا يا شيخ فن يعزفه الذكور على اوتار النساء...
خالد : اوف اوف يا نزار قباني ابد مانتب هين يا ولد العم.
بندر يبتسم : مين نزار يهبى قدامي ولا شيء المهم هاه ياخوي طلبتك تكفى لا تردني.. اجبر خاطر نسرين وتحملها عشان اطفالك
خالد : ابشر بعزك أنا اصلا حريص علي هالموضوع.. بس ابيها ترتاح شوي تهدأ يمكن تحن علي.. يأخي تدري انها ساحبه علي لي ثلاث أيام ادق وأختك خبر خير حتى اني جيت بيتكم مرتين تلطعني و ترفض تقابلني وأنا تراي مقرر ماحاكيها خير شر لأنها زودتها في اسمع بس الناس وش يقولون عنا
بندر : محشوم ياخوي... لا يأثر عليك كلام العذال واخسرهم وأنا ابن آخيك
خالد : ياخوي..إذا اختك طلعت اللي برأسها وعقلت أنا شاريها وإذا عندت و لزمت رأيها فاسمح لي أنا مسؤول و عطيت ابوي الله يرحمه وعد اني احط اخواني وخواتي بعيوني وأختك عارفه هالشي وتجحد وتحاول تقنع نفسها
بندر : الله يعينك بس تكفى راعها..
خالد : يصير خير .
خالد استخار الله وقرر يروح مع بندر بيتهم عشان يتفاهم مع زوجته...
بندر : حياك الله يالله درب ادخل ماحولك احد
خالد دخل بالصاله و جلس
مرت ربع ساعه واهو مسنتر تحت...
بندر: نسرين طلبتك عشان اخوك انزلي لرجلك يبي يتفاهم معك
نسرين : معصي خالد اهانني ليش يهدي البيت لبدر...
وبعدين أنا قلت لا يعني لا..
بندر : يا مقرودة..خالد شاريك لا تخسرينه نصيحة اخوك..
نسرين : لا أنت ما تفهم قلت لك لا نزله مو نازله وخالد راجع راجع لي واذكرك.
بندر: لا فات الفوت ما ينفع الصوت وأنا اخوك..بكرة يتزوج و ينساك..
نسرين بضحكه : هاه لا لا تخاف خالد يحبني ما يقدر يفكر في ذا الخرابيط.
بندر: الله يهديك بس
خالد ناظر ساعته مرت ساعه إلا ربع وهم ساحبين عليه بندر طلع ولا نزل
خالد مبديئا عرف ان بندر واجهه صعوبه مع نسرين..
خالد دق على بندر : أنا طالع خلاص أنا سويت اللي علي بس الظاهر المشكله تعقدت.
بندر : الشكوى لله... اعذرني ياخوي الامر طلع من يدي عجزت بس اصبر الصبر زين
خالد : اي صبر واي نيله خلاص لا طاح مابرأسها تدل البيت ، المهم ابي أشوف عيالي..؟
بندر نزل رامي وراما عند ابوهم وجلس خالد يبوسهم و يلاعبهم...

05-10-2009, 09:30 AM

0 0 0
يوم الفرح كان خيالي كل شيء تنظيم رايق ويعكس اتكيت هالعايلة الذويقة ... زينة كانت اسطورة من الف ليلة وليلة عروس ولا أجمل ... ميك أب ولا اروع ... زفة شرقية وزفة غربية كل وحده احلى من الثانيه .... الكوشة من تصميم رائع للغاية
كانت زينة مبسوطة وبندر اكثر مبسووط .... بعد الفرح
طلعوا الاوتيل ....... زينة قلبها يضرب اول مره تحس بالخووووف ...
بندر حس بتوتر زينة ومايبيها يخوفها اكثر ... قرب لها يبي يسولف معها .. بعدت عنه
بندر : ههه هههه هه وش دعوه مانيب آكلك ؟ وش فيك خايفه ؟
زينة : لا لا ولاشيء ...
بندر : وحشتيني ياقلبي ..
زينة تسارعت نبضات قلبها من كلامه خافت
زينة بخجل : الله يسلمك ...
بندر : بس مافي غيرها مافي وانا بعد ..؟
زينة ابتسمت : وانت بعد ....
بندر : قولي يابندر او ياحبيبي هههه ؟
زينة تناظر تحت وماقدرت تصرفه وكانت على لسانها بتقول ياحبيبي ..
(((((فجااااااااااااءه )))))
الباب يطق ......
بندر : لحوووووووول وقته بكسر لك رأس هاالي جاي يطق حنا عشاء لسى ما طلبنا صح ؟
زينه : ماادري .....اي صح
بندر طيب بغسل شراع هاللي يطق ...( زينة تحمد الله الف مره لان الباب انقذها )
بندر فتح الباب ........... بندر بإستغراب : يمممممممممممه وش فيه .. وناظر ورا .. نايف وش فيكم ؟ احد صاير له شيء ؟؟
أمه : لا يمه بس نايف قالي ان جوالك مقفل ونسيت شناطك خفت تسافر واوراقك ماتدري وين
بندر : الله يسلمك يمه ويخليك لي وذي بوسة على رأسك ...
( نايف ميت ضحك لان هالحركة من تحت راسه لأانه حالف يسوي لبندر حركة يوم زواجه )
بندر : وانت ياخيب التعب نايفوووه شغلك عندي اوريك .......
نايف : مالك حق ندق عليك مقفل جهازك يااخي ناسي ان لك ام تبي تتطمن هاااااااااااااااااه ؟؟ ( وكان كاتم الضحكة )
بندر : ياااخي واحد متزوج ليلة فرحه وش تبون فيه تدقون اوريك اشوف فيك يوم
ام تركي : يالله يمه انبته لنفسك وسلمني على زينه وسامحوناااااااااااا....
بندر مسك نايف مع رقبته : شغلك عندي بس اذا رجعت ان شالله اوريك
نايف متفجر من الضحك .... و زينه كانت تضحك من قلبها بعد
و الحمدلله عدت اول ليلة على خير واطمئنان بالنسبة لزينة بس الله يستر من الجايات ^_*
0 0 0
سافروا تركيا وناوين يطلعون على ايطاليا عشان زينة تشوف اهلهااا ( أمها وابوها ) بعد شهر العسل .... وصل صدى تنظيم حفل فرحهم إلى الرياض كله والكل صار يحكي فيه ووصل بعد إلى برى الرياض ..
"
"
"
(7)

في تركيا
بعد الزواج في 7 ايام على شاطيء يعكس قمة الهدوء.... وفي وقت الغروب كانت زينة جالسة وبندر جنبها ماسك يدها ويناظر في عيونها مسك يدها وبوس اصابعها
بندر : يابعد هالدنيا أنت ...؟ يكفي حياتي أنك فيهاا عطرتيها بعطر ابتسامتك ومن جمالك عطيتيني احلى دف وامان كنت ادور عنه من زماااااااااااااااااان
زينة : الله يخليك لي حبيبي ....
زينة مسكت رمل بيدينها و قالت : بندوري ممكن ااسالك وش تكون زينة بالنسبة لك ؟؟
بندر : قطعة مني انت قلب شفت قلبي ( يأخذ يديها ويحطها على صدره ) هذا أنت ، انت سعادتي وضحكتي وحزني وكل شيء
زينة : يعني بتكون واضح معي ان شالله ولا راح تتغير بعد شهر العسل مثل باقي المتزوجين ؟
بندر بإستغراب : أنا بندر وأنت زينة يعني احنا غير مالنا مثيل حبيبتي حبنا خالد
بندر يغني بصوته الاكثر من عذب : عيونك آخر آمالي وليلي أطول من اليم .... كيف ألقى كلام عذب يوصف دافي احساسي .. عشقتك قبل ما ااشوفك .. وشفتك صرت كلي حلم ابي رمشك يغطيني .. ابيك اقرب من انفاسي زينة كانت تطالع بندر واهو يغني كان في قمة الرومانسية والجاذبية
بندر مسك شعر زينة وقال: حبيبتي تدرين انك دخلت في قلبي من أول ما شفتك في المكتبه وتهاوشت انا وياك في هايبر بنده هههه عاد كل شيء إلا يوم اصدمك في بيتنا ..... فعلا دخلتك براسي وقلت ماابي غيرها حبيبه و زوجة
زينة بخجل : سبحان الله صدق ان حظك حلووو ، يعني ماعمرك حبيت ويوم حبيتني طلعت بنت عمك هههه
بندر : الله يرحمك يا جدي سعود الله يرحمك ماقصرت عز الله انك داعي لي من يوم صارت زيون حبيبتي بنت عمي ......
زينة : الله يخليك لي .... ( تدمع عينها)
بندر : لاااا لااا القمر وش فيه متضايق ؟ مو لايق عليك الحين وش بيقولون اهلك لو يدوقون ويسمعون صوتك .. تراهم بيفهمونها شيء ثاني هههه
زينة تبتسم بخجل و تضربه بيدها على كتفه : لاا انا بس كسرني كلامك
بندر : ليش تنكسرين بس وحبيبك يمك ليــه ..؟
قرب بندر لزينة مره وناظر في عيونها الحلوة وصابه دوار من جمال عيونها .
.وقال : حبيبتي دمعتك غاليه وانكسارك راح اعدمه انا عالمك ومشاعرك واحاسيسك انا افهمك حبي اوعدك بداريك بعيوني واسكر عليك ، بحميك من كل شيء بحطك في برج عالي في داخلي انا كلي لك حياتي بس امانه فديتك يالغاليه ماابي اشوف دمعتك ..؟ ( زينة هالحكي رقق قلبها مره وزدات احزانها) ...
بندر : هاااااه وش قلنا ؟
زينة تناظر وراء : أحبك وش اسوي وكلامك على قلبي انا طبعي كذى حساسه ماعليش تعبتك
بندر ناظر فيها بخباثه : تتعبيني وش دعوى حبي تعبك راحة قلبي ... ماودك نطلع الاوتيل هههههه؟
زينة قلبها يضرب لأنها فهمت قصده وخجلت : لا توناااا حبي المنظر روعة ما ينفوت ..
بندر شدها مع يدها بنعومه وقال : مشتاق لك موت ودي ارقص معك سلو واناظر عيونك واهيم فيك
زينة ابتسمت
-
-
في افخم جناح في اسطنبول ... الجوو قااامد اوووي .. رومانتيك ميوزك .. اضاءه خفيفة
كانت زينة لابسة جينز رصاصي على توب وردي مطلعها شيء وشعرها مسويه فيه لوك رافعته بشكل شيء
دخل بندر : ياارض احفظي ماعليك زينة قلبي قدامي
زينة : الله الله على التأليف هههههه ه
... بندر قرب لزينة : انا لعيونك ألف , ألف ياشيخه مجلداااااااات بس انت ياسكر عطنا وجه وش دعوووى صار لنا 8 ايام وحبيبتي مسويه ثقل .. آآه ياقلبي شكلي بروح فيها عذبتيني
زينة تحاول تبعده : بندر اركد يقولون الركادة زينة ...
بندر قرب مره : زينة حبيبتي وبس بلا ركادة بلا هم
زينة : بندر ابعد بكرامتك لا يجيك طراخ محترم ....
بندر يناظر فيها وعاندها وقرب أكثر : يالله وين طراخك انت حتى طراخك عسل ، بعدين جربي هاتي طراخ وشوفي وش راح اسوي هههههه بيجيك طراخ بس من شكل ثاني +_+
قرب بندر وفتح شعرها واهي ما تدري
زينة : لا ا ليش مين سمح لك هين بندوري ؟
بندر يشم شعرها : ريحة شعرك رووووعة .
. قرب ومسكها مع ذراعهااا.( تخدرت زينة و مازالت تقاوم بضعف ونعومة متناهية )
.. بندر طلعت بحه فظيعه بصوته : ريحة عطرك تجنن ..
زينة تأثرت في بندر وقالت بصوت خفيف ماتقدر تقاوم اكثر : بندر حرام عليك خلاص ...
بندر ضمها اكثر : آآآخ انا لو اضمك العمر كله ماراح امل منك ...وانت مليت هين زيون ..؟ ( تركها)
( ومثل حاله زعلان )
زينة قربت له جلست قدامه مباشره : حبيبي زعلان ؟
بندر ساكت ....
زينة تطقه على كتفه : يالله عاد مو حلوة عريس وزعلان كبيرة والله هههههه
بندر مد البوز : أي زعلان ونص قولي لي كيف راح تراضيني ..؟
زينة ببراءة : اممممممممم اممممممممممم اعشيك برى
بندر يناظرها بقهر : اطلعي لوحدك انا بضرب عن الاكل طلعة مافي طلعة حتى السعودية انسي مافي رجعه
زينة قربت له مسكت يدينه : يؤ يؤ يؤ ياقاااااااااااااااامد وانت زعلان هههه
بندر : مسكين ماعندي احد يراضيني ..... شكلي بطلع وامسك لي أي وحده من هالتركيات المزيونات واسهر معاها وافلهااا ما رااح تصدني مثل بعض الناس
زينه شدته مع اذنه : جرررب عشان اطقها للسعودية كعابي
بندر : هههههههه
مسكها بالقوة مافي امل ترفض وتقاوم : وأنا اقدر اطالعهن وحبيبتي آخذه جمالهن كله وأخذه رقتهن ..
وبدا بندر يروض زعل زينه اللي كان يجوز له يراضيها اذا سوت نفسها متضايقه
( وكانت ذي خطة من بندر عشان يقرب لزينة اكثر بحجة انه يراضيها ^_*)

(8)

بدر ورده كانوااا مبسوطين وسعيدين مع بعض .. في بيت أم بدر طبعا البيت كبير مره وبما ان بدر الكبير كان ساكن في سويت كامل في البيت....... كان بدر جريء مع زوجته ويحب يحرجها عند امه وخواته اكثر من مره وذاالشيء يحرجها كثير .....
ريم كانت جالسه في غرفة مافيها احد بس دخلتها عشان تدور لها عن رواية فاقدتها وبراسها تقراها واهي تدور وتحووس فجاءه سمعت صوووت صراخ وابوواب تقفل بقوه طار عقلها ....
وردة : بدر خلاااااااص تراك زودتها ؟ مو كل شوي حرام عليك اتق ربك يااخي
بدر يدينه على خصره : لا زودتها ولا شيء انت اللي موسوسه عادي كل المتزوجين يسوون كذىى.
وردة بتضجر شديد : لاااااااا بس انت اللي كذى خلاص انا تعبت عذبتني قدر شعوري يابدر مو كل شوي تحرجني عادي دايم امشيها لك بس قبل شوي مو سهل اللي سويته واحنا عند خالتي تحت ..
( ريم طول الوقت تسمع وكانت خايفه تطلع ويمسكها بدر يطلع حرته بزوجته بأخته )
بدر مسكها مع كتفها : اسمعي تراي تعبت معك ؟ خلاااص زودتيهاااا عجزت ترى عادي حنا متزوجين ياوردة ياقلبي افهميني بس وراك خايفة مانيب آكلك أنا ؟
وردة فكت نفسها منه بقوة : لاااااااااا ماابي تعبت خلااص افهمها ياشيخ ....
مشت وبدر وراها وقفوا عند باب الجناح ..كل واحد يصدم الثاني وانفتح الباب ... بدر مسوي زعلان دفع وردة ورى ودخل قبلها ... وعلى هالموال نفس الاسطوانه تنعاد ....)
( ريم عيونها طلعت من راسها الا وشوي وتسمع اصوات جري مو بصاحي عندهم ^_*.... شوي وتقفل الغرفة )
إبتهال جت على اصوات بدر ووردة وطقت الباب عليهم .... ( ريم تراقب من بعيد وهي تدعي لإبتهال لايذبحها بدر لأان مو وقتها خير شر خخخخ )
فتح بدر الباب شاف إبتهال ...............
بدر بتأفف : نعــــــــم بغيت شيء أي خدمه ؟
إبتهال منصدمه ان بدر يطيح ماء وجهها وهي الغالية عنده خخخ : وشذالاصوات يااخوي ..؟
( إلا وتشوف وردة تبكي )
إبتهال دخلت و نست وجود بدر خخخ وراحت لوردة : وش فيك وردة ؟ شكلك تعبانه
وردة : اسألي اخوووك وش سوى ؟ او اسألي خالتي وش سوى يوم كنا تحت ؟
إبتهال على نياتها تناظر في بدر ... : بدرر وش سويت لهاا اسمع ذي صديقتي عاد كلش ولا ورده شوف عـــ.... ( ما كملت إلا وبدر ماسكها مع كتفها اللي يدري انها تتضايق اذا مسكها احد معه ومطلعها برى
بدر : إبتهال أنا وش لابس ..؟
إبتهال استغربت السؤال وناظرت فيه : روب ...
بدر : اهااا حلووو طيب ورده وش لابسه ؟
إبتهال ناظرت وردة وسكتت انحرجت
بدر : يالله والحيييييييين برىىى لاهنت وعيب تزعجين العالم ....
إبتهال تفشلت تحس جسمها نمل من الفشيلة وطلعت تضحك واهي طالعهاااا نادتها ريم ....
ريم بصوت صغير : إبتهال .. إبتهاااااااااالوووه ووجع تعالي ... انا ريم
إبتهال ناظرت ورا شافت ريم : \انا قايله فيه شيء مو طبيعي في هالمنطقة اليوم ..
ريم : ههههههههههه امحق طبيعي فاتك نص عمرك ياسمعت لي شيء عجييييييييب .( إبتهال فهمت السالفه )
إبتهال : شوفي عاااااااااد ذاا اخونا الغالي ماارضى تضحكين عليه لااقوم اسنعك بعدين عيب تسمعين عيييييييييب
ريم : يمه خفت ههههههي ااختي هم اللي باليني هنا في السيب قبل يوصلون جناحهم ...... بس عاد اقولك شكلي بضرب عن الزواج ماراح اتزوج بعد اللي شفت نهائياً
إبتهال : وين اللي كانت مزعجتنا تبي الزواج هههههه
ريم : يااختي احسب الزواج اسم وبس مادريت ان فيه حركات مالها داعي و قرف وغصب هههههههههه
إبتهال : اقول لا تسمعك امي وإلا نورة ثم يطنون عيشتنا ههههههه
-
-
(9)
الجو ميوزك هادئة ..... شموع مضاءه ...شخصين يحبون بعض ويعشقون بعض بندر منسدح على رجل زينة على اريكه بيضاء زينة دخلت اصابعها في شعر بندر الاسود الكثير..كانوا يسمعون ( بيين ايديه واحسك انك غريب.... ذووب باحضاني مثل قطعة جليد.... علم العشاق كيف الحب يكون ..)
بندر : حبيبتي زينة بكرة ان شالله بنرجع السعودية .....
زينة ما زالت تلعب بشعره : يالله قلبي الايام راحت بسرعه
بندر مرتاح للغاية : وين الكلام كنت تقولين يوم كنا بتركيا وحشتني السعودية وإلا لينك شفت امك وابوك طخيتي ههههههههههههههههه....
زينه مررت يدينها على خده : يا ويلك من ربك حبيبي اصلا من اول يوم شفتك وانااا مبسوطه .....
بندر مسك يدها و طبع عليها قبله اعادت لها توازن الحياة : اييه الله لنا زيون بس بكره نرجع السعودية نتفاهم الحين قلبي جهزي كل شيء عشان نكون جاهزين ولا تفوتنا الرحلة ......
زينة : ابشر حبي
-
-
نـــايف استقبل بندر و زينه في المطار .... نايف : ياحي الله المعاريس نورتوا الديرة لو جلستوا احسن هههههههههههه مابغيتوا تشرفون ؟
بندر : يااخي وش نبي فيكم بس ..؟ ( زينه انحرجت ) ...
نايف : مسويين لكم حفلة استقبال ماصارت تقول يحترون وزير وحرمه ؟
بندر : الله يعين من جاد اللي يسمع يقول انت اللي متكلف ههههههههه ...
في استراحه فخمه مره كانت حفلة استقبال بندر و زينة اللي كانت منظمة بدقة و عنايه .. زينة كاشخه لابسة فستان سواريه فضي ومسويه بشعرها لوك جديد في ايطاليا غيرت لونه لدرجات البني اللي طلعهااا حلوه موت .. ولابسه ساعه من ايبل مسكته على ذوق بندر ..
كل المتواجدين رحبوا فيهاا وباركوا لها بالرجعه ..
تغريد : هاااااااااه زينه لاااا لاااا مو معقول زايد وزنك وش عندك هههههههههه؟
زينة انحرجت و ابتسمت
أميره : اذكري الله هههههههههههه
إبتهال : اذكروا الله ياحول لا يجينا بندر يصفقناااا , ترى رجالنا عليهم دفاشه ميب صاحيه ..
زينة : يؤ إلا بندوري ..مااسمح لك عاد ..
أميرة : الله يالدنيا يابندر كبر راسك وصار لك ناس يحبونك ...
زينة : بناااااااااااااااااات حدكم عاد بندوري رجلي وياويل وحده تغلط عليه بس
إبتهال : يممممممممممه خفت منك ... يقولون القرد بعين امه غزال ، بس بعدله واقول بندر بعين زينه غزال ههههه
كل البنات ضحكوا ،،، قربت ريم لزينه وقالت لها بصوت صغير: زينه وش صار معك بالله كيف تأقلمتي ؟
زينه بخجل : يؤ وليش انا مع وحش انا مع ارق شخص بالعالم ...
ود : قايلتكم راح تتغير واتحداكم اذا قالت لكم أي شيء ههههههههههه
تغريد : يؤ اكيد عيب استحن على وجهيكن ، اصلا أي رجال مايرضى ان زوجته تقول أي شيء بينهم .. ملعونة اللي تفضي اسرارها هي و زوجها .......عاد وشلون بندر احس انه ثقيل ههههههههههههههههههه
زينه اخذت كأس العصير وتبي تشوته على تغريد من الفشيلة .....وقالت : مو لايق ياتغريد تمثلين دور الفاهمه من بينهم ههههههههههه
زينه : نشوووف يابنات بكرة اذا تزوجتن وش راح تسون تقولن شيء او لا ؟ وانا قاعدات لي على الوحده ....بس اشوف فيكن يوووم ....
تعشوا وانبسطوا وسولفواااا وقالت لهم زينه عن الاماكن اللي زراتها وأنها حضرت حفلة لأابو نورة هي وبندر في بيروت قبل يجون الرياض .....
الساعه 11 ونص ... جوال زينة يدق .... << -- My Heart يتصل بك ...
ابتسمت واستأذنت من البنات .... زينة : هلا حبي ... وأنا مشتاااقه موت لك حياتي أنت وروحي ... الحين قلبي مو بدري ... إلا ووش دعوى ولهت عليك ...... بس خايفه البنات يعلقون خخخخخ... اوكي حبي انا طالعتك ثواني بس.
إبتهال : وش عنده قيس متصل ..؟
تغريد : وله على ليلى هههههههههه ....
أميره : سرى ليلكم اجل ... إلا اقول زيون وش رايك تأخذوني معكم مشتاقه لاخوي
الهنوف : هههههههههه وش يحشرك معهم
زينة تلبس عبايتها وتقول : انا موافقه بس شوفي اخوك عاد يوافق او لااا
أميره : هههههههههههه ما وافق واهو مو متزوج كيف واهو معاه زينه ؟
البنات ضحكوا ..... طلعت زينة وراحت لبندر وصلوا البيت ... شافت زينة بيتها إقامتهااا اعجبها المكان مره ...
بندر ايدينه وراء ظهر زينة يمشون في السويت تبعهم : هذا ياقلبي عشنا عش الزوجية مثل ما يقولون

05-10-2009, 09:33 AM

ههههههههههههه؟
زينة : أنا دامني معاك حبيبي راضيه بااي شيء لو كنت فعلا بعشه مو بجناح فخم زي كذا حبيبي اهم شيء السعاده ، وانا راحتي وسعادتي في قربك وحبك لي ....
بندر : يابعد عمري ترى بتهور ههههههههه؟ ....
زينة تبعده : اقول اركد ,,
بندر : عيديها اموت في كلمة اركد من صوتك ( زينة تطلع حرف الراء بطريقه حلوه وفطره مو دلع يعني ) زينة : يؤ خلاص تعرف ماحب اعيد كلامي .........
بندر : بتعدينها وإلا ........................ههههههههه ^_*
زينه بعجله : ارررررررررررررررررركد بس اركد بمكانك صدق +_+
بندر : خوااااااااااااااافه ههههههههههههههه
زينة : من خاف سلم حبي ..........
بندر : حبي بعد بكرة يبدا دوامي طبعا اكيد تعرفين متى استلم يعني احيانا اروح يوم كامل
زينة كشرت : أي حبي ادري اهم شيء دير بالك لنفسك ..
بندر : وش فيه الحلو تكدر لا تقوللين انك تحبيني ترى بيغمى علي هههههههههههه؟
زينة تضربه بشويش على يده : إلا الحين ماتدري احبك او لااااااااااااا ؟
بندر : آآىي عورتيني طيب وبعدين إذا تحبيني صدق ( بس يدينها) ههههههههههههههههه اثبت لي طيب .. زينة فهمت تلميحه وانحرجت اخذت خداديه من على السرير وشاتتها عليه قالت : ذاللي تبيه ادري اعقل واررررررررركد . واستريح مافيه ..
بندر وهو يمسك الخدادية اللي شاتتها زينة : حبي انا مافكرت نطلع ببيت لوحدنا ليش عشان اذا استلمت ما تطفشين عندك امي وخواتي ؟شفت شلون افكر فيك وأنت قاسيه و مثل نفسه حزين ( شات الخدادية عليها)
زينة صقعتها الخدادية مع وجهها : ياممثل مو لايق عليك دور الحزين .....
. بندر يناظرها بتمعن : والله اني مسكين حبي
زينة : حياتي انت روحي انت تدري المكسين سكين ......
بندر : ظالمتني حبيبتي آه بس فديت عيونك الحلوه ذبحتني ارفقي فيني طلبتك ...عطيني فرصه وحده بس خخخخخ روفي بحالي يابنت
زينه حبت تعاند بندر ..........
زينة : كذا طيب عطني دقيقه بس و اوريك ...( غمزت عينها )
دخلت زينة وكشخت لبست لبس شيء ( خاص مره ) وحطت عطر كريستال من فرزاتشي وفتحت شعرها البني الطويل وقربت لبندر .....
بندر شهق : مش معقول حبيبتي أخيرااااااا طاح مابرأسك واشتقت لي ...
زينة : هههههههههه هه اذا قدرت تلمسني لمسه وحده اتحداك ..
بندر رفع حاجب واحد يعلن عن قبول التحدي : انا اخووووووووووووووووو تركي اوريك يااخت بدر هين ؟
بندر ماقدر يقاوم جمال وجاذبية زينة واهي عذبته كل هالاغراءت ورافضه انه يقرب صوبها
بندر : هين والله لااكسب التحدي ......
زينة : قلبي ماعليش بس تراك واثق حبتين اتحداك ( واثقه المسكينة )..
انقلبت الاضواء ... واعتلت اوتار الرومانسيه تعزف على أنامل من رقة أجمل ليالي الحب ..
بندر طالع توه اخذ شور و معه فوطه صغيرة ينشف شعره فيها ناظر فيها : هاااااااااه قلبي مين كسب التحدي هههههههههههههههه
زينه : ههههههههه الشرهه ميب عليك على يعطيك وجه ويمزح معاك .

(10)

في بيت ابو تركي .....
كانت الحياة ماشيه اوكي بسعادة ووناسه بس اللي منكد عليهم وجود نسرين لمدة 6 شهور في بيت اهلها تاركه بيت زوجها بإرادتها وسيطرة العذال عليها ....
بندر كان في قمة السعادة مع زوجته ...... سعاده خياليه مرت 4 شهور على زواجهم واهم يحبون بعض يموتون في بعض يعشقون بعض ...... حبهم صار مضرب مثل في العائلة كلهااا...
زينة تداري بندر لاابعد حد ويصيبها شيء اذا جاء اسمه بس في أي مجلس ، واهو بعد يحبها ما قصر معها بشيء ..............
بندر كان مستلم و زينة جالسة في غرفة أميرة تسولف هي واميره ونسرين في مواضيع مختلفة إلا ويدق جوال نسرين ...... ناظرت واذا هو رقم خالد .... ( تضايقت نسرين وبنفس الوقت كابرت لأانها مبسوطه لان من اول ماتركت البيت ماقد مر اسبوع إلا ويدق يقنعها ترجع بس اهي رافضه إلا و ينفذ اللي تبي واهو مايقدر )..
زينة : نس نس وش فيك ليش ما تردين ؟
نسرين بضيق : أي زينة برد برد ......
أميرة تضايقت مره: نسرين عشان خاطري ردي تكفين شوفي وش يبي ؟ يمكـن وافق على طلبكـــ؟
زينة من زود حرصها على بنات عمها وان قلبها على قلبهم ....
زينة : عسى مااشر نسرين ؟ نسرين : ولااااااااااااااا شيء
أميرة : نسرين بالله ردي شوفي حرام عليك ست شهور ولا حنيت عليه ؟
زينة : يؤ يؤ ليش يانسرين حرام عليك يحبك ويموت فيك ...
.. نسرين قاطعت زينة ( نسرين اذا عصبت ما ترحم تجرح بكلامها ) :
نسرين : زينة شوفي اناما ااحب احد يتدخل في حياتي فاهمه اللي امي وابوي واهلي ما تدخلوا تجين انت تتدخلين ياحبيبتي خليك في عالمك الخيالي مع بندر وبس فاهمه وانت غريبة وش حاشرك في هالامور اطلعي منها احسن لك
أميرة : زينة ما قالت شيء اكلتيها بلسانك نسرين حرام عليك هي تبي الخيرررر
زينة انصدمت اول مره من دخولها البيت تحس انها متضايقه خصوصا وان اهلها برى أي شيء يكدرها اذا تضايقت لأنها تتذكر اهلها البعيدين ، تحركت دمعه في عيون زينة اللي فزت وقالت:
آسفه ياام رامي عن جد آسفه حقك علي ........ انا استاذن بروح اجهز عشاء دوووري حبيبي اكيد بيجي ياقلبي ميت جوع ...
أميرة : نسرين روحي اعتذري منها عيب فضحيتنا لو يدري بندر راح يتضايق ؟؟؟؟؟
نسرين : ياشيخه اطلعي من مخي بسسسسس يتضايق يتضايق وش اسوي له يعني زوجته هي اللي تحشر عمرها في اللي مالها فيه ...
اميره : نسرين فكينا من مشاكلك زينة تحبك وخايفه على مصلحتك ...
نسرين : مصلحتي انا ادرى فيها فاهمه
(عاود خالد الإتصال ) ....طنشته نسرين ....
0
زينة في مطبخها تسوي عشاء رجلها .... وكانت متضايقه مره من كلام نسرين لها
طق الباب زينة : تفضل ........... أميرة هلا حياك ...
أميرة بمزح : أي بدخل وإلا هههههههههه
زينة تكتم ضيقها : ههههههه ههه حياك شوففي ذالحلا سويته وش رأيك فيه
اميرة : ياعزي عنك يابندر وانا اقول وش فيك خاق معهاا اثاريها تزطك من هالحلويات
زينه تبتسم .....
أميرة : زينة لا تزعلين من نسرين عشان خاطري ...... بلاش خاطري عشان خاطر حبيب القلب ههههههههههه
زينة : افا عليك بس ماقالت شيء غلط هي صادقة حياتها هي حره فيهااا مالي شغل انا ههههههههه ههه بس اللقافه شينة
اميرة : زينة انت منا وفينا وصدقيني اقسم بالله انك زي اختي بالضبط ....
زينة واهي تقطع الحلا : وانا كذلك هههههههه
إلا بدخلة بندر .... زينة شهقت : اهلــــــــــــــــين بندوري
اميرة : يؤ يؤ لا تموتين من الفرحه تكفين ههههههههههههههه كل ذا عشان بندر والله انك فارغه
بندر : وش دعوى اميروه نسينا ما كلينا جحدتيني الحين
اميره : هههههههههه ههههه الله واعلم من اللي جحدنا من اول مااشاف زينة .
بندر ناظر وشاف زينة واهي تقطع الحلا سرحانه وفي بالها شيء مكدرها
بندر : زينة انت مكلمة امك او ابوك ؟
زينة تناظره وتبتسم بحب كبير له : لا بندوري ما كلمتهم ليش فيه شيء
بندر : لا حبي بس اشوفك متضايقه وانت ماتتضايقين وتطقينها مناحه إلا إذا سمعت صوت امك بالتليفون ؟
زينة تبتسم : لا قلبي وش دعوووى لا متضايقه ولا شيء ذا انا اقطع لك الحلىىى
بندر : آآه بس يكفي انه من يدينك بيكون حلىىى
أميره : كح كح احم احم نحن هنا ههههه هههه يالله عن اذنكم وجودي ماله داعي
بندر : بقووووووووووووه قفلي الباب وراك ...
قرب بندر لزينة واهي في المطبخ جاها من وراء ومسكها
زينة : بسم الله ............
بندر تسمع صوته عند اذنها مباشرة : وش فيك امانه سرحانه ومتضايقه ؟
زينة تعيش بدفء الزوج المخلص : حبي ولا شيء ................
بندر : احلفي ..( مسك يدينها وضغط عليهم بقوة)
زينة : ياربي من متى وانا اكذب هاااااااااه ؟؟
بندر لفها على قدام بحيث ان عيونهم تتلاقلى : اذا صرت متضايقه ولا ودك تقولين تكذبين عشان ماتضايقيني
زينة تبتسم : الحمدلله والشكر ماعندك سالفه اول مره ادري انك ماتفهمني ......
بندر اصبعه على شفتها : انا اول مره اتأكد اني فاهمك يالله عاد اتركي الدلع وقولي لي وش فيك متضايقه من بس اللي مضايقك لانزل اتوطى في بطنه .." لا تكون اميره
زينة : ههههههه ههه لا والله
بندر : تسلملي هالضحكة اللي مدري كيف طلعت بالقطارة خخخ مين طيب دلووووووووو ؟
زينة تناظر عيونه الحلوة : لاااااااااااا مو احد قلبي .....
بندر : بربك الكريم انا حلفتك تقولين لي وش فيك ..؟
زينة ترددت وقالت : ابد سلامة قلبك بس توي اعرف سالفة نسرين وخالد وتضايقت مره عشان عيالهم وكذى بسسسسسس
بندر تغير وجهه لانه حس ان نسرين اكيد بثت سم لسانها على زينة ...
قرب بندر : زينة نسرين قالت لك شيء ؟
زينة بسرعه : لا
بندر : احلفي
زينه : يؤ وبعدين احنا خوات شيء طبيعي بيصير بين الخوات أي شيء يااخي يقولون مصران البطن تتهاوش عاد كيف حناااا هههههههه
بندر : يابعد قلبي يالغاليه يوم وراء الثانيه اكتشف فيك شيء حلو وخصلة جديده تزود غلاتك في قلبي ......بس وشذالامثال طلعتِِ بيئة انت ووجهك لو تسمعك امك زنطتك هههههههه( حط يدينه على رقبتها ينقاله بيزنطها خخ)
زينة مسكت يدينه و ناظرته : هههه أي والله امي ماتحب الاشياء اللي كذى بس انا احب اتفلسف
بندر : وانا احبك انت و اعشقك احب الارض اللي تمشين عليها آخ منك بس
بعدين بندر حاول يفهم زينة عن حالة نسرين النفسيه ويبيها تتعامل معها بحنيه شوي
(لاحظوا بندر ماقال اسرار اخته حتى لزوجته بس فهمها عشان تتعامل معها ولا تأخذ بخاطرها منها)..
*********
أم خـــــــالد دخلت جناح خالد و شافته يرتب أغراضه .........
أم خـالد : هاه يمه معزم تروح أن شالله ؟؟
خالد يبتسم : ياعساك دوم سالمة تعرفين اضطراريه هالسفره ,و إلا كان ارسلت بدر او سعود بدالي ..
أم خالد : الله يستر عليك يمه ويوصلك اللي تبيه أنت وخوانك أن شالله .. خالد ابتسم و بوس رأس الوالده...
الهنووف مرت وسمعت الكلام بينهم ... الهنوف : خالد أن شالله مسافر ..؟
خالد ناظر فيها : يعني تشوفيني ارتب اموري ألعب أكيد بسافر ههههه هههه هذا بدل ما تقولين أنا ارتبهن لك يااخوي بس ماش ماحولك احد
الهنوف : يؤ يؤ حرام عليك ههههههههه ههه
ام خالد : يمه انا رتبت لك كل شيء إلا شنطة هدومك خبرك يمه مممادري وش احط؟؟
خالد يبتسم : الله لا يحرمني منك يمه انا جهزتهم وخلصت ...
الهنوف : عاد اقول يالاخو لا تنسانااا الله الله بالهدايا وإلا هي بس للمدام بسسسسس
خالد انكسر قلبه .... أم خالد مسكت الهنووف وتوعدت فيهااا ...
خالد : لا وش دعوووى انا طالع مشوار عمل يعني مو براسي الف الاسواق هههههههه

(11)

" في الجامعة "
تغريد مبسوطه ذا أول يوم من بداية السنة واهي مداومه (mircale ) وكمان إبتهال اختها مداومه عشان يشوفون زينة اللي كنسلت اول يوم ...
تغريد : مثل ما توقعت زينة ما داومت ؟
إبتهال : ايه عندها قيس متربع اربع وعشرين ساعه ههههههه هههه
تغريد : الله االله يهالقيس ماشالله والله يايحبون بعض الله يستر عليهم ان شالله
إبتهال : قولي آمين جعل ربي يرزقك بواحد يحبك زي ما بندر يحب زينة ...
تغريد : آمين بس عاد ماابيه لزقه اربع وعشرين ساعه مطيح عندي ههههه لازم يطلع عشان نشتاق لبعض
إبتهال : اييييييه نشوف ذالحكي الحين عندي اذا اخذتيه بكره تغيرت 180 درجه وتأخذين هم اذا قال بس بطلع...
تغريد قامت وسلمت على منى و أماني صاحباتهها في الكلية ..
منى :وحشتوووووني يالمعفنات لكن وحشه .؟
إبتهال : اقول اتركي عنك النصب وقولي لي كيفك؟
منى : هههههه هههه تمام
منال : إلا وين العروسة ؟
تغريد : مستحيه بعدين وش تبي فينا خليها عند رجلها احسن ههههههههه ه
منال : افا يعني مش راح تكمل ؟؟
إبتهال : إلا بس اكيد بندر عاضهااا ولا خلاها تجي
منى: بنات بالله عليكم شووفوا اللي بتمر الحين ....اللي لابسة اصفر
تغريد بهدوء : اللي شعرهااا اورانج ههههههههه ه
منى تغمز يعني ايه ....... إبتهال : وش فيها ؟
منى : تراها بنت المشرفة سلمى اللي العام سجلتنا غياب في محاضرة Poetry
تغريد : امااااااااااااااااانه صادقه او تستهبلين
منى : وجع رايقه لك انا استهبل عليك ..... ركزي عليهاااا نسخة من امها هههههه ه
إبتهال : يؤ بخطبها انا عشان اركز عليهاااا عجزت اجهرت عيوني بلبسهااا المتخلف
منال : هههههه ههههه جيزانيه وش تتوقعين منها
منى مسوية فيها مجتهده قامت وصفقت بيدينها وقالت بلهجتها الدلوعه : يلااا يلااا المحاضرة بدت ؟
تغريد : هههههههه هههههه اخس ياحركات من متىىى ؟ وش حنا خابرين ؟
إبتهال : عقب غيره هههههههه هههه
منال : يلااا لا تقوم علينا بالعصا الاخت صايرة عربجيه ههه ههههه
راحن يمشن في الساحة متجهات للقاعة ( طبعا متأخرات والمحاضرة قد دخلت .....) المحاضرة طردتهن برى وقالت اطلعن كملن الضحك والسوالف برى وتمتعوا بالجو اللطيف بالشمس خخخخخ ...
تغريد تناظر الصبايا : وش السواااه ؟ وينك يازينة تشوفين لنا واسطة من عند امك من هنا او هناك ؟
إبتهال برباشتها المعتادة : صح بروح لهااا واجيب منها ورق على اساس انا عندهاا؟
منى : خبيثه انت ههههههههههههه
إبتهال : وش فايتدتها مرة عم اجل خخخخ يالله دقايقز و راجعة لكم
منى تتمسخر : ياي ياي دقايقز اجل ههههه
إبتهال و هي تضحك تلتفت لهم وراء ...
راحت للإستاذة مضاوي اللي ما قصرت بس طلبت السرية التامة ( وذا هو الحال عندنا في كل الكليات التمييز بين البنات اعرفك سنعتك وسنعت صحباتك وكل من يعز عليك ما اعرفك أحترمي نفسك وانتظري دورك على قولتهم انطر ياحمار لين يجيك الربيع خخخ وانتم بكرامه )...
دخلتهن المحاضرة واعتذرت منهن ...طبعا مافيه مكان جلسن في آخر القاعة مكانهم المعتاد وبدأ الحش
منى تتعطر : بنات ايش رأيكم في ذالعطر اشتريته أمس من باريس غاليري ؟؟
تغريد : هاتي اشوف ايييييييييييييي من جفنشي ذا برأسي بس ما بعد نزلت السوق ..
منى : ههههههههههه ههههه مافيه مافيه ماراح اعطيك اياه تلمحين او لا
تغريد كتمت الضحكة ... منال ما شاء الله مجتهده تكتب مع المحاضرة ...<< -- منال دافورة نوعاً ما
طبعا المحاضرة كذى مره هددت منى و تغريد وإبتهال اذا ما بطلوا حكي بتضطر تتصرف معهم تصرف غير... آخيرا صاروا يسولفون بالاوراق ( حركة بنات الكلية في الدوائر خخخخخ)
المحاضرة بصوت عالي: وويين الكشف يا بنات ؟؟؟
تغريد بصوت عالي : ما حضرنا لسىىى ؟
المحاضرة بإمتعاض : ليش .....؟ وينكم نايمين في العسل ؟
منى تقول بينها وبين البنات بصوت صغير : شوفواا بنات الذين الوحده اذا اخذت الكشف تعسكر حشى ألبوم صور مو لست يااختي ماادري ليه حب الفضول وقعي عن اسمك ومرري الكشف ؟
تغريد : لاااا سبحان الله التشفي عندنا حتى في قراءة الاسماء ههههه
إبتهال : اخاف بيخطبون وحده منا بس هههه ههه
منال : اقول اهجدي بس

05-10-2009, 09:34 AM

(12)

" في جناح بندر و زينة "
الساعة تشير إلى 2 ونص ظهرا ......... زينة صحت متأخرة واهي تندب حظها يالله منك بندوري ليش ما صحيتني بدري بس اوريك ؟؟؟
بندر دخل واهو يدندن : أذا مر يوم ولم اتذكر به أن اقول مساؤك سكر ..؟
زينة تسرح شعرها وتناظر فيه بالمرايه : مساك ورد حبي ... ( قلبت تعابير وجهها بدلع فظيع) ليش ماصحيتني انا مو قلت لك الساعة 10 تصحيني عشان بروح الجامعة
بندر قرب لزينة ومسك الفرشاه ويسرح شعرها : حبيت اريحك ما يهون علي حبيبتي تروح واهي ماااخذت كفايتها بالنوم .......
زينة التفت له وناظرت عيونه الذباحة : فوتت علي محاضرتين كيف اتصرف هاااااااه
( اخذت خدادية بدلع وشاتتها عليه )
بندر يضحك مسك الخدادية هههههه والله شكلي والله اعلم غطيت على الدعيع بعرض نفسي على الهلال و اعرضك بدل ما يتمرمطون مع هالمدربين انت طال عمرك عليك هجمات و شوتات ماتخطي تصيب ..... وبعدين من ناحية المحاضرات مايبي لها شيء دقي على أمك سعادة الاستاذه مضاوي واهي تتكفل في كل شيء
زينة تبتسم : مو انا اذا قلت لامي بتلومني لاني كنسلت ....
بندر قاطعها برومانسية فعاله : قولي لها دوري حببيبي كان عندي... شفت شلون سهله حبيبي بس انت مادري وش فيك بس تهاوشين حبيبك و تتغلين عليه ؟ ( قرب لها مره )
زينة تبتسم : بندر ابعد احسن لك بكرامتك ( اهي ترجع على وراء وبندر قدامها يمشي لين لصقت في الجدار )
بندر حط يده على الجدار فوق رأس زينة : هاااااااااه قلبو وش قبل شوي ؟
زينة ناظرت فوق على مكان يده فوق راسها و مثلت خايفة : سوووري حبيبي بس بليز الحين وقت الغداء ومن قبل شوي حاطين عندي خبر لا تسبب لنا فضايح
بندر يبتسم لؤم : مادام معاي القمر مالي ومال النجوم..... عادي قلبوووو نتغدى برى اغديك احسن غداء بس...^_*
( دق جواال بندر )
ناظر في الرقم ..<< -- سعود يتصل بك ..
بندر يبتسم : الله يأخذ عدوك هذا وقته هههههههههه
زينة صرخت تضحك : الحمدلله يارب جوالك هذا ببوسه راعي فزعات ياقلبي ما يقصر دايم يسعفني ههههههههه
بندر بدلع مسوي زعلان : أي بوسي صاحب الجوال اول والجوال عني انا بيرضى عنك على طول
زينة دفعت بندر عنها بنعومة : رد حبي على سعود شوف وش يبي اكيد ما دق هالوقت إلا يبي شيء مهم
بندر يبتسم لها و حط يده على فمه يعني اسكتي : هلااااااااااااااااااا هاه سعود وش عندك داق هالوقت بالله وش عندك ؟
سعود : اللهم طولك يا روح يااخي وش فيك شابك اعوذ بالله اخلاق ياابوي
بندر يناظر زينة ويبتسم لها : ماادري عنك داق الساعة 3 إلا ربع الظهر وتقول وراك معصب اسأل الذوق العام عندك؟
سعود : ههههههه نسيت انك متزوج بس اسمع ماابي اعطلك ، انا مسافر مع اخوي خالد ان شالله اليوم المغرب ؟
بندر انطبعت على ملامحه الجدية : وين وش عندكم ...؟
سعود بصوت رخيم : تعرف حنا يااهل البيزنز مايمدينا نجلس اسبوعين على بعض هنا ههههههه
بندر : ما يمديك هههههه المهم بتطولون ؟
سعود : انا احتمال اسبوعين ...وخالد شهرين ونص . على حسب موعد الاجتماعات وبنشوف وش نرسي عليه ؟
بندر : اووووف كثير شهر ونص على خالد ....
سعود : يااخي وش اسوي عجزت اقنعه يقول انه ضروري اهو يطلع هالسفرية خصوصا وأن زوجته الله يهديهااا مو هنا يعني فرصه ههههههههههه
بندر : هههههههههههههههههه يالله اعتقد بتطير جنونها اذا قلت لهاا
سعود : يااخي قل لها يمكن تتكرم وتحن عليه يااخي حالته تصعب على اليهودي تدري له 7 شهور واهو كذى
بندر تنهد بصمت وحس النفس يحرقه حرق : أي بعد حتى ام رامي حالتها حاله الله يكون في عونهم .....
سعود بخباثه : اجل تنصحني اتزوج ههههه
بندر ناظر زينة و دخل يده بشعرها : هههههههه ألحق عمرك
سعود : يالله ياابو فهد تأمر بشيء ؟
بندر : سلامتك

(14)

نسرين بكل برود ولا مبالاة ( بس من جوا ميته قهر وحسرة ) : خالد سافر وين وليش كل هالمده
بندر بثقل واهو مسوي نفسه زعلان على اخته عشان ترجع لصوابها وتلحق رجلها قبل يسافر :
سافر ألمانيا ، عنده اجتماعات طويلة ومعقدة والرجال شاف زوجته خبر خير قال اروح دامني جالس لوحدي
نسرين وأهي تفتح صفحة المجلة : بندر ذا موبصاحي كيف بس يترك عياله هالمده ؟
بندر : مو انت اللي تركتيه 7 شهور مدري 10 هاااااااااه ؟ شوفي اهو جاك مره وثلاث وميه الرجال ماقصرإلى البارح كان عندنا تحت بالمجلس وانت مانزلت مسويه لي فيهااا فاتن حمامه حساسه ياعيني عليك ...وانا اضمن لك اذا رجع من السفر بيسحب عليك وتشوفين
نسرين انقهرت : أي هين خالد يموت فيني وإلى قبل شوي متصل فيني بس مارديت ، هو شخصية وقوي ويقدر على كل شيء والقادر الله بس على هجراني مايقدر وانا اعرفه
بندر : الرجال مايقبل الضيم وانا اخوك لو انه يحبك مايرضى تنهان كرامته..
نسرين ناظرت فيه بتأني : يعني لو زينة تتركك وتروح بيت عمي 8 شهور راح تتركها؟
بندر مستغرب : إلا زينة عاد ههههههههههههه مستحيل تسويها لإن هي اصلا ما تصبر عني
انا واياها ضروري نكون سوى ربي خلقنا لبعض نموت لو نفترق عن بعض
نسرين : شفت ..
. بندر : لا ياقلبي زينة مستحيل تسوي فيني زي اللي سويتيه انت بخالد اتقي الله حرام عليك
نسرين : انا قررت وخلصت اذا يبيني يأخذ لي بيت بلحالي ...
بندر عصب وطلع : ماش مافيك فايده راسك يابس..... والدعوة ترى مو عناد احسبي هالشيء وخليك في الصورة ...وعز الله إذا سوى اللي تبين ان مافيه خير اذا تخلى عن امه واخوانه
نسرين كان جواتها احساس قوي ان خالد ميت وهايم فيها وانه مش راح يسافر إلا ويجي يأخذها
كان ودها انه يجي و يدق هالوقت بس ماتبيها تطلع منها واهي تدق تقول تعال خذني ..
<< -- حركتات حريم ^_^

(15)

ام خالد : خالد يمه ماتبي تروح لنسرين ؟؟؟
خالد : عيالي شايفهم البارح وقايل لهم اني مسافر ....
أم خالد : وام العيال
خالد : النفس طابت ياام خالد ( كان يقولها واهو متضايق مره )
ام خالد : يمه تعوذ من الشيطان و رح لها الحين ؟
خالد : يمه نسرين ماتبيني غصب افرض نفسي ماعاش من يفكر بس انه يفكر كذى
ام خالد : تهبى ماتعيفك يمه اهي ميته عليك بس يبه نفذ اللي تبيه وارتاح وحنا عادي يمه بنكون قريبين لك وتحت عين الله ثم عينك لا تأخذ هم و نواف اخوك هنا مو مقصر يمه
خالد : يمه الموضوع قفلي عليه طلعه من هنا مانيب طالع انا وعدت المرحوم ومستحيل اخل بوعدي عشان وحده ماطقت لي خبر يمكن لو كانت تستاهل كان خليتها تصبر شوي وبعدين نطلع اما اذا وحده زي نسرين خلت سيرتي على كل لسان لا يمه مقدر فوق طاقتي هالشيء والله
ام خالد : براحتك يبه اللي ترتاح له سوه وتوكل على الله
خالد : يمه إلا كيف نواف عساااه بخير "؟
أم خالد : أي يمه اشوى الحمدلله بدا يتأقلم على الوضع بعد وفاة اعز اصحابه زياد ، الله يرحمه
خالد : الله يرحمه بس الواحد مايصير جاهل يسلم الامر لله سبحانه والله كريم ان شالله ...
0 0 0
خالد دق على نواف : هلا نواف كيفك ؟
نواف : بخير انت وشلونك وينك اليوم ماانشفت ؟
خالد : انا و سعود بنسافر المانيا عشان العقود وبتطول السفرة وينك ابي اشوفك
نواف ( حز بخاطره سفر خالد اللي يعتبره زي ابوه ) : ابشر يااخوي وينك انا اجيك انا جاي البيت ؟
-
-
في البيـــــــــــــــــــت
نواف: ترجع في السلامة بنشتاق لك ( كان متكدر نواف )
خالد : افاا ياابو محمد ابد ما تطلع منك انت رجال انا اوصيك على نفسك وعلى امي والبنات امانه انتبه لهن واترك عنك التسدح بهالاستراحات ههههه
نواف : ابشر تأمر على روحي والله هههههه
سعود دخل وسلم عليهم و بدر وصلهم المطار ...

(16)

" في بيت أم بــدر "
إبتهال جالسة تناظر فيلم Far And A way لتوم كروز ونيكول كيدمان ... ريم دخلت عليها ومسويه زحمه تبيها تغير وابتهال رافضه لأانها تبي تكمل الفيلم ...
ريم : إبتهال غيري لا تصيرين نذله حرام عليك بنشوف العالم ساعة ونص حاشرتنا بهالفيلم؟
إبتهال واهي منشدة تتابع الفيلم : ريموووووت انطمي تدرين وإلا لا انك مسببة لي توتر ياختي مااجلس خمس دقايق على بعضها إلا وتجين وتكررين الاسطوانه تغيير مافي .....روحي للتلفزيون اللي فوق
ريم : يعني مارحت رحت بس ماادري وش فيه عجزت اشغله ... الظاهر بدير كان مشغلPlay Station فيه...
إبتهال : يااختي اسكتي الله اكبر الحين بحياتك مابغيت التلفزيون إلا اليوم يعني الدعوه عناد وقلة ذوق
وردة كانت داخله عليهم : خير وش فيكم اصواتكم واصلتني وانا فوووق ؟
ريم : يااختي الاخت زانقتني بذالفيلم من ساعة ونص لا وراعية طويلة تقول توه
ورده : طيب اصبري خليها تخلص الفيلم او اقولك اطلعي فوق في بيتي وناظري اللي تبين بس قصري عليه لاني بدر نايم
إبتهال فزت و الكشرة متشققة : انا اروح
ريم بعناد : لاا انا بروح اهي وردة قالت لي انا انت اانثبري تابعي الفيلم......
إبتهال : عاد انت ووجهك مصدقة أنك بتروحين عشان يجيك بدر ويصفقك ههههه
ورده: حرام عليك وربي حنون بس يعاندكن هههههه
وردة كانت لابسة وواضح ان عندها مشوار.....
وردة : ريم دامك فاضية ولا لك خلق وش رأيك تجين معي السوق
طبعا إبتهال فزت وقالت بروح لان لأزمني اغراض.....
راحوا السوق وبعد ساعة ونص تقريبا .....
.إلاويدق جوال إبتهال فتحت الشنطة وناظرت
..<< --- بدر يتصل بك
إبتهال مرتاعه : يؤ بدر غريبة وش يبي داق علي انا ؟
ورده ناظرت جوالها وشافت 14 مكالمة لم يرد عليها طارت جنونهااا لأنها ماانتبهت
بدرمعصب وكل شياطين الارض براسه : ووووووووينكم ؟
إبتهال : وينا يعني بالسوق ههههه ( ينقالها تمزح)
بدر يرعد بصوته باقوى قوة يملكها : ساعتين فيي السوق خير ان شالله سايبه الدعوه عطيني ورده بسرعه
وردة بدلع : هلا حبيبي وحشتني ..
بدر بعصبية فظيعه طيح وجهها قدام البنات خخخ : وينكم ..........؟
ورده تحاكيه بدلع : في السوق قلبي انا قايلة لك .....( قصرت صوتها وحطت يدها على الجوال عشان محد يسمع ) وش فيك قلبو نسيت ؟
بدر بعصبية مروعة : جوالك ورى ماتردين عليه والعنز الثانيه ريموه وراها ماردت بعد ؟
وردة برد وجهها : حبيبي وش فيكـ ماانتبهنا تعرف سوق و دوخة رأس
بدر قاطعها بحزم وإصرار : طيب يالحلوة أنتِ افتحي شنطتك ........
( وردة جتها حالة دلاخة وفتحت شنطتها ) وردة : فتحتها
بدر معصب : وش لقيت فيها ؟
وردة تقلب و تقلب : مفاتيح ............. هاه ايه مفاتيح ( انفجرت ضحك)
بدر زادت عصبيته : لا والله و الحين وراك مقفلة علي الباب هاااااااااااااااااه ورايحه ابريق شاهي انا عندك ،من زيني عاد غيرانة علي مافي ثقه يعني لذالدرجة ( بدر معصب)
وردة مازالت متقطعه من الضحك دموعها طلعت : ههههه يؤ قلبي ماااخذت بالي نسيت انك فيه وربي نسيتك قفلت الباب و طلعت هههه
بدر معصب : عذر اقبح من ذنب بعد تقولين انك ناسيتني انا تنسيني زوجك و حبيبك تنسيني
وردة تحاول تراضيه : ههههههه خلاص بدوري والله غصب نسيت سبحان الله حقك علي
بدر برد وجهه من الفشيلة زوجته مقفله عليه وطالعه خخخخ مازالت شيطانية قايمه : وينكم أي مجمع ؟
وردة بخوف وتحاول تكتم الضحكة : الفيصيلة ....
بدر معصب : طيب جايكم ان شالله وقفل الخط بوجهها .............
ذهــــــــــــــــــــــــــــــــــــــــــول
إبتهال : ههههههه المهبول ذا كيف بيطلع من الغرفة او بينط مع الشباك ههههههههه؟
ريم ( فقعت ضحك على شكل بدر تتخيله) : يمه الله يستر وردة الله يكفينا شرك ماعمرنا طلعنا معك إلا اليوم وشكل رجلك بيذبحني انا وإبتهال انت ميه ميه مش راح يسوي لك أي شيء....
بدر دق على نواف اخوه اللي جاء وكسر الباب ...طبعا نواف ما قدر يفوت فرصه مثل كذا ولا يعلق على بدر او يتشمت فيه خخخخ
نواف اول مافتح الباب : هههه لا ياللي ماتستحي والله تشقلب حال الدنيا صاروا الحريم اللي يقفلون الابواب على رجالهم خخخخخخ
بدر : اشوف فيك يوم .....و طلع وهو مستعجل
بــــدر كشخ وضرب أبو الشيطان في الأناقة ( يبي يقهر وردة ) ريحة العطر والاتكيت في المشي ....
اول ماشافته شهقت : يؤ يؤ بدر شوفي هذا بدر ياهمي كاشخ كذى ضغطي ارتفع ؟ ابي ماء
ريم : شكله ناوي على نيه اكيد ياانا يااإبتهال مذبوحات مذبوحات هههههه....
إبتهال جتها حالة دلاخة : اقول ياوخيتي جهزي وصيتك والله مشيته ابد ماتبشر بخير بس عاد شهادة حق اثاري اخوي مزيون وانا مدري رزة والله ههههههه
وردة تقرصها : وقتك انت الثانية ....
ابتهال : أي عورتيني يعني بتعطينا مقدمات للي المحروس رجلك بيسويه فينا
بدر وقف عند باب المحل اللي اهم فيه ( هارفي نيكلز ) وردة طلعت المفتاح ( وش يبي فيه الحين بدر خخخخخخ)
وقالت لإبتهال : إبتهال حبيبتي روحي وديه له ؟ ( خايفة توديه هي خخخ)
إبتهال بخوف بعد : يمه لا اعوذ بالله وديه أنت ؟
وردة ناظرت ريم : ريم انت دلوعته يغليك كثير تكفين طلعيه له ؟؟
( وعلى ذالحال يمكن بعشر دقايق كل وحده تبي الثانيه تعطي بدر المفتاح لانهن خايفات ، بس عاد وردة فقدت أعصابها لان بدر واقف عند الباب وعناد لوردة قاعد يناظر هالبنات اللي يمرون وانجن جنونها يوم شافت وحده واقفه عنده وردة طارت بدون شعوووووووور دفت البنت )
وردة تعطي البنت نظرات : شوي لو سمحتِ
بدر : بدري لو ماطلعت عادي ترى انا بودي قارد لك أنت والهوانم اللي معك ؟ حتى الأمن مسكوني على بالهم اني مغازلجي ساعة لاطعيني عند الباب وش اسوي فيك هاه ؟
وردة : خلاص حبيبي ماعليش أنا آسفة حقك علي غصب عني عديها هالمره ...وعشان ترضى بعزمك على احلى عشاء بأحلى مطعم بس ابتسم ....
إبتهال وريم : احم احم كح كح يالله حنا بنأخذ السايق وألحقونا في البيت
بدر يبتسم : زين اللي عندكم ذووووق هههههه

05-10-2009, 09:35 AM

( 17)

( في جناح بندر و زينة ) .....
كانت زينة جالسة تناظر فيلم (The Notebook), وكانت خاشه جو مع الفيلم لانه يبكي ويحكي عن العذاب في الحب ... بندر جلس بجنب زينه اللي متأثرة مره من الفيلم....
بندر : ههههه وش فيه القمر متكدر ؟؟
زينة بدلع فطري للغاية : حبيبي طالع طالع الفيلم شووف كيف والله يقهر ؟
بندر ألتفت وناظر التلفزيون ....بعد ربع ساعة قرب لزينة وفتح شعرها وصار كل شوي يلعب في شعرها ويجي قدام عيونها و ساعه يطفي التلفزيون آخر شيء جلس عندها ومسك يدها << -- مزعج +_+
زينة و هي تشاهد الفيلم : يؤ منك حبي ابي اكمل الفيلم اركد ..
بندر يتمعن فيها : مااقدر حبي خلاص انت ناظري الفيلم وانا بناظرك طول الوقت .....
( وعلى هالحال بندر يبحلق عيونه فيها واهي تناظر الفيلم يا عيني على الحب حشى موب سعودي بندر خخخخ )
زينة ناظرت فيه وابتسمت : لك ساعة تناظرني مامليت ههههه ...
بندر مسك يدينها : لو اناظرك العمر كله ماراح امل افا بس قلبي ...
زينة قربت لبندر وسندت راسها على كتفه : الله لا يحرمني منك حبيبي ..( دمعت عينها)
بندر يلعب في شعرها: ولا منك قلبي هاه بدينا بحركات االافلام دموع وحزن هههههههه ........
واستمروا على ذالحال اهي تناظر الفيلم واهي مستنده على بندر واهو يناظر معها ويلعب بشعرها البني الطويل اللي يعني لبندر شيء كثير..يشم ريحته و ويلفه على يدينه و احيانا يناظرها طول الوقت^_^
زينة ناظرت فيه : حبي وش رأيك بعزمك نتعشى برى ؟
بندر بخباثه : مش راح اوافق إلا اذا عطيتني بوسه و ....
زينة : يؤ ههههههه براحتك انت الخسران ..
ناظرت فيه وقربت له وشدت اذنه : وإلا قول ان ودك تطلع تتعشى في الإستراحه عادي ترى عادي ؟
بندر مسوي انه خايف : افاااااااا بس حبيبي انت دايم ظالمتني ماادري ليش ..؟ احد يرفض يتعشى مع ملاك عمره وقلبه وحياته ....و يروح للدشير بالاستراحة
. زينة : يؤ يؤ يؤ ارفق فيني روف بحالتي ترى اصدق عمري جد وآخذ مقلب ههههههههه
بندر : يالدوووبه وليش مو مصدقة أني احبك ؟
زينة تناظر فيه بغنج : إلا بس احب اعرف وش كثر غلاتي وش كثر تحبني ؟؟؟
بندر : حبك حياتي اللي انا عايشهاااااا... نبضك اهو اللي اتنفسه كل يوم واعيشه .....عيونك بحر غرقت فيه من اول ماشفتك
زينة غارقة في اجواء الحب : اله. لا يحرمني منك ..... يالله وش قلت نطلع نتعشى برى ؟
بندر : نطلع نتعشى برى وانا كم زينة عندي بس ؟؟؟
زينة : وحده وبس .....
بندر : آخ عليها بس ويازين كلمة زينة منها
في السيارة و هم في الطريق بندر يسوق بروية و طبعا طول الطريق كانت يده على القير و زينها تحرص تحط يدها على يده اثناء مايسوق و لابد يتبادلون الإبتسامة ونظرات العيون ^_^ -
رجعوا من العشاء اللي كان في قمة الرومانسية ومعاني الحب الصافي اللي انقرض في هالوقت بندر خلجات مشاعر زينة و زينة همسات ضلوع بندر مااجمل الحب إذا امتزج بالصدق والوفاء على مر السنين ....
بندر كان عنده قضية دسمة وحب يفتح الملف يوم رجعوا البيت ، يبي يسهر عليه، زينة كان عندها دوام وحلف عليها بندر تنام وترتاح مع انها رفضت الشيء وزعلت بس بندر روضها ووضح لها انه خايف عليها وعلى مستواهاااااااا
بندر كان خاش جو مع القضية وملفات التحقيق واقوال الشهود و تقرير النيابه اللي بيصدر عنه بكره ..... القضية تتكلم عن مريض نفسي اللهم صلي على محمد قام بقتل سبعة من أفراد عائلته زوجته وا اولاده وأمه
بندر متعجب من حال الدنيا ... ياربي تلطف فينا وترحمنا برحمتك ياارحم الراحمين .. حب يريح شوي .. طفى النور .. وشغل الاباجورة .... وش صــــــــــار؟
كانت زينة كاتبه في بطاقة " I love you so much... you are my happiness" ( أحبك ) حبيبتك : زينة
ودخلتها في الاباجورة جوا لكذا اول ماشغلها بندر عكست الضوء على الجدار اللي قدام بندر
بندر تفاجأ بهالحركة الحلوووه واشتاق مره لزينة ابتسم وحمد الله على نعمة زينة ( الله يخليها لي يارب ولا يحرمني منها , ذبحتني هالبنت بغلاها )
دخل على زينة واهي نايمه وعطاها بوسه مع جبينهااا وغطاها زين
زينة صحت وكانت بقمة النعومه : هاه حبيبي خلصت ؟
بندر بإحساس عاشق مغرم يناظرها : عيون حبيبك أنت ايه يابعدي نجزت شغلي كله ( مسك اصابعها وبوسها اصبع اصبع ) اموووت انا على الحركات الرومانسية هههههه لا والله الأفلام جابت معك نتيجة
زينة ابتسمت : حبيبي منك انت انااا افكر في كل شيء انت نبضي وحياتي ودنيتي كلها
بندر قرب لزينة ناظر عيونها : حبيبتي ترى كذى بتهور ههههههههههه وانت عندك دوام بكرة ماابي اخليك تغيبين بعد ؟ اخاف خالتي مضاوي تصفقني تقول انك دمرت مستقبل بنتي
زينة : هههههه طيب يالله قلبي Good night
بندر عطاها بوسه : Good night

(18)

(في بيت ابو محمد )
كانت ود جالسة شوووي تفكر وشووووي تدعي و شووووي تبكي على اللي ظلمها : حسبي الله ونعم الوكيل الله لا يوفق ان شالله كل من افترى على احد وظلمه )
ورده : وش السالفه ود اعرفك انا اذا صار عندك شيء يبين عليك ؟؟؟
ود طبعا ماتخبي شيء على اختها ورده .. قربت لها ودمعت عيونها
ود : تخيلي يا وردة الدناءة وصلت بااختك صوفيا انها تفتري علي وتشتمني لا وبكل ثقة ياويلها من حسيبها
ورده : فهميني وش صار بالضبط ؟ لا تصدعين براسي بكلمات متقاطعة
ود : انا كنت عندها في غرفتهاا وتخيلي دق جوالها والمصيبه انها ردت على ولد تعرفه تقول أنها تحبه وانه يحبها لا والمصيبه تقول أنها بتشوفه ذا اذا ما كانت شافته ....
وردة عيونها طلعت من راسها من هول الصدمه: وشو وجع والله لو يدرون اخواني غير يذبحونها ذبح....
ود: يوم قلت لها ذالحكي ونصحتها تدرين وش قالت لي المريضة ؟ قالت عادي انت كذا بس مستحيه تقولين لي اكيد انت لك صاحب بس مااحد يعرف وقعدت تسب فينا و السعوديات فيهن وفيهن الوحده تحب لها واحد وتنافق قدامك او تسوي نفسها داعية واهي من جوى الله يعلم فيها... تخيلي حتى اشرف الحريم الداعيات ماسلمن منها...بس عاد الشر شر اللي عائشة أم المؤمنين افتروا عليهاا حادثة الأفك وش نرجي بس بعد كذى
وردة : وجع يوجعها هالبنت بتفضحنا حسبي الله عليها لا حشى مو متربية إيه قولي لها السعوديات افلحن بتربية عيالهن مو مثل غيرهن
ود : يا وردة افهمي صوفيا تقول ان صاحباتها يقولون لها اني احب واحد واعرفه واكلمه متهماتني الحيوانات شوفي القذف الله لا يوفقهن يارب تقول انك انت يا ود وش كنت بس تبت ، بنات اللذين مسويات لها غسيل مخ عشان تجاريهن بأفعالهن الدنيئة ولا تخاف من احد كل ماقلت لها شيء ووضحت لها هالشيء صدت وقعدت تضحك وتتريق وتقول اهتمي بنفسك اول
وردة : لا ياهمك وانا اختك دعوة المظلوم مستجابه الله الله بقيام الليل الله قريب يجيب دعوة الداع اذا داعاه ، ودعوة المظلوم مستجابه وانا اختك ...
ود بحسرة : ادعي على اختي حرام والله اللي فيها مكفيها شبعانه من الصياعة والقرف تبين زود ادعي فضيحتها من فضيحتنا ياوردة
وردة : الله كريم ان شالله يلطف فينا ويهديها لحالهاااااا مع اني مااظن ان هالاشكال تهتدي اللي صارت اعراض الناس عندهم كرتون علك .... حسبي الله ونعم الوكيل
ود تبكي : لا والمشكلة اللي مدخل برأسها هالافكار مين ؟؟؟ وحده ماتتوقعينهااا تضحك معنا وتسولف الله لا يوفقها ان شالله الظالمه .....
وردة : الغيرة ياود عمت قلوب العالم خصوصا القرايب .. دايم ناظري اللي يقربن لك هن اللي يحسدنك ويغارن منك ويطلعون عليك اشاعات بس ربك كريم الله يمهل ولا يهمل
ود : يارب انك تنقذني وتنصرني على كل من ظلمني يارب انك ماترضى بالظلم يارب اظهر الحق ،
وردة : يا ود انت واثقه بنفسك و واثق الخطوة يمشي ملكا عادي شيء طبيعي راح تتعرضين لحسد اختك والخمة الفاسده اللي اهي طايحه لي فيهم .. اهم يحسدونك ولا يرمى بالحجر غير الشجرة المثمرة.....
ود : الشكوى لله لا صارت اختك تسوي فيك كذى وش تنتظرين بس من الناس ؟ حسبي الله ونعم الوكيل
وردة : ياود انت كبيرة وفاهمه مثقفه متعلمه تدرين ان هالبنات بما انهم فسدوا خلاص يحقدون على أي بنت يحاولون يطيحونها معهم واذا عجزوا آخر شيء يشوهون سمعتها بحجة انها ما تصير احسن منهم بس ياود الناس مخابر والعالم ترى تشوف وتفرق بن الصالح والطالح.
ود : انا املي في الله كبير انه ينصرني على هالحثالة ويكفيني شرهم .. بس يعني شوفي حتى اختك اللي تحبينها مع انها عازلة نفسها عنااا بس شوفي وش تقول عنا ؟
وردة : يااختي مسويين لها غسيل مخ مسكينة مصيرها بتصحى بيوم إذا اخذت علقة من الأيام وتعرف صدق ذيك الساعة مين الصادق ومين الطالح وراح تتذكر ان كلام صديقاتها كلام كذب بس يبونها تجاريهم لكذا اقنعوها ان كل البنات كذا بما فيهم انت اختها بس ادعي ربك والله كريم.
ود : اللهم اني أسالك الهدى والتقى والعفاف والغنى .... اللهم اني اسألك حسن الخلق
وردة : احمد ي ربك انك مظلومه ولا ظالمة ولا تخافين اختك مصيرها بتطيح عاجلا ام آجلا.. وراح تشوف مين يوقف معها ويساعدها؟
ود : طيب أخواني تتوقعين يدرون عنها ؟؟؟
ورده : بقولك شيء بس لا تقولين لأخد امانه ترى سلمان محذرني ...... سلمان يقول انه راح شقه عازمه واحد من اصحابه واستحى يرده وشاف بنات منتهيات صايعات وكانوا يقولون ان وحده من صاحبتهم بتجي وانها تجنن وروعه وبنت ناس هاي كلاس وان امها مغربية سلمان شك بالموضوع وجاء البيت ولقى صوفيا متكشخه عندها مشوار مااحب يظلمها وقال انه بيـأكد وتبعها وشافها راحت على ليموزين ووقفت عند نفس الشقه طبعا اخوك ماقصر سحبها ولعن شيطانهااا يوم تغيب عن الجامعه اسبوع تذكرين )
ود: اهااااااااا عشان كذى اهي حاقده علي تقول ليش اخوانك ما يناظرونك انت بس الدنيا حظوظ
ورده : آآآخ بس و عـــــــــــــزااااااااااااااااااااه لسلمان اللي انقهر ومات قهر تخيلي راح المستشفى واخذ مغذي ضغطه هبط ......ومتوعد اذا لقاها مره ثانيه بيذبحها ذبح
ود : تحمد ربها اللي ما طاحت بيد ابوي وإإلا اخوي محمد او هشاااااااااااام
وردة : وإلا حجرف وربي غير ينحرها نحر ..... الله يهديها بس ويستر على ابوي و اخواني لا يجيهم شيء بسببهاا......
ود : الله يهديها والله اني ادعي عليها واذا ذكرت انها مسكينه وان أمها مقصرة معها رحمتهااا
وردة : اللي مايرحمك لا ترحمينه شوفي هاللي تقولين مسكينة وش تقول عنك ؟
ود : الله ينتقم من كل ظالم مو منها من هالساقطات اللي مسويات لها غسيل مخ.
ورده: إلا ما قلت لي بتوافقين على سعود ؟
ود حمرت خدودها : يااختي ماادري خايفه ومتردده؟
وردة : يؤ وش فيه سعود سيد الرجال وكفووو لا وشكله يجوز لك من طقة هاليومين ؟
ود : تعرفين اني موافقة حتى هشام سألني وقلت له عشان يعطيهم خبر...
وردة : يعني مابقى إلا تحديد الشبكة ؟
ود: بخجل : مدري
ورده : الله أكبر وين راح لسانك اللي طوله شبرين ههههههه
ود: عاد كل شيء وهالطاري اكيد بستحي هههه

أدوات الموضوع
عرض نسخة للطبع أرسل هذا الموضوع إلى صديق
أنماط العرض
النمط الخطي الانتقال إلى النمط المختلط الانتقال إلى النمط الموضوعي

إعلانات نصية :
تويتر - twitter	فيسبوك - facebook	العاب ضمى نجد
يوتيوب ضمى نجد	جالري ضمى نجد	شات ضمى نجد الصوتي