هذه القصيده قاله فرحان بن دبل العنزي رد على ابن مصيول الحربي

03-03-2010, 06:26 PM

هذه القصيده قاله فرحان بن دبل العنزي رد على ابن مصيول الحربي

هذه القصيده قاله فرحان بن دبل العنزي رد على ابن مصيول الحربي عندما قال:

البارحه ذليت من عرض من ذل
والذل ماهو عيب وقت المذله

ذليت من جرفاً عليه تهـــايل
واذا لمست الجرف ينهل كله

لاكن صبرت وباقي الصبر طول
ولا بد من يوماً لصبري يحله
ــــــــــــــــــــــــــــــــــــــــــــــــــ ـــــــــــــــــــ

رد فرحان الربيلي:

حي الجواب اللي لفاني مســجل
سجلت في صفحة حياتي سجله

رسالة منها ضميري تزلزل
والقلب هاج وكل هماً دخــله

ورحبت بالمكتوب من حيث ماحـل
ترحيبةً تشفي الكبود الـــمقله

حزة وصلني صار قلبي له مــحل
لحيث ان هذا منتهاه ومــحله

ضليت خمس اشهور فيها اتــامل
حتىعرفت اللغزوإخترة حــله

واللي محيرني وخلاني ابـــحل
ازريت لاعرف صاحبي ويش ذله

وأخرت بالمردود من خوف لا عجل
والمعتجل ما تنقضي حاجتــله

والمشكله فيها اكثر الناس تجــهل
والفرق واضح بين عله... وعله

ثلاث ما ينلام فيهن الــــيا ذل
لو ذلله منهن شفاء راس ضـله

الاوله سطوة يمينه اذا اغــــتل
في ساعةً فيها يعديه غـــله

الثانيه زلت لسانه الـــــيا زل
يفرح بها اللي بالخطا يسـتزله
والثالثه درب العوج مايــتـعدل
اللي يوديه الدروب المــخله

يوم اتضح ليه مراده هواء خــل
الصاحب اللي بالهواء مخلصنله

والله مالومه لوعليها تــــولول
يلومه اللي مانزل منزلـــنله

حيثي مجرب بالهواء الدق والـجل
ومجرباً بالحب دقه وجـــله
احياناً انجح فيه واحياناً افـــشل
هواء شفا ما ينعرف وجهتـنله

لاكن عساني بالردود اتجــــمل
وارضي عميلي والمكاسب رضنله

في ماتحوش النفس ما والله ابـخل
واللي يريده صاحبي حاظرنــله

في مال وإلا جاه وإلا المصـــقل
ماصد عنه شي وانا قادرنــله

راع الزوم بلازمه مانتثــــاقل
عاده ولاني من ترك عادتـنله

بضاعةً فيها النشامى تعــــامل
ما طول وسط اصدورهم عاملنله

والحب يامساعد جروحه علىالكـل
كم واحداً قدامـنا محتـــــفله

احداً على ما ود قلبه تحـــصل
والوقت في ما يشتهي مقبــلنله

وحداً محاصيله غرابيل وعـــلل
ردات حضه والصدوف اتحـبله

على كذا الدنيا محابيل وافـــتل
حبلاً تعقد به وحبلاً تفــــله

تغيرت ماهي على خبــرك اول
ناسً على اللي تخبره مسـتقله

عصر الهواء الماضي بروقه تشامل
اقفت على مزنه هبوباً تــجله

لو تفعله فيك الاوادم تــــهول
والكل منهم شاف بك هولتــنله

ارسلتني وانا على شانك افـــعل
غالي علي ومطلبك جــاهزنله

ركبت فوق اللي يجل الوطا جــل
هو منوة اللي باغين دار خــله

والله لو لايه عليه اتمـــــهل
ياضنتي ما يلمس القاع كـــله

مشيت من عندك على ميلة الـظل
وعصير عند ابو العيون المضله

ممشاي ساعه بس لاكثر ولا اقـل
ولو راح لجله موتري فدوتـنله

جيت الغزال اللي لها صرت مرسل
ومارأسلتني به يامساعدوصـله

من يوم جيته شفت وجهه تهــلهل
كنه معلم ويش انا جاينـــله

عقب العشاء قام الكلام ايتبــادل
والكل منا ماحكى طايبــله

طالع وقال الضيف لابد يســـال
يالله تحيي ضيفنا في مــحله

وش جبت ياضيف المعازيب لي قل
واللي تقوله يافتى مصغيــله

قلت الامانه يالغزيل توصــــل
من واحداً قلبه معك مستحـله

وحزة سمع ماقلت والدمع ينــهل
مثل المطر من مزنةًُ مستهله

قال افتهمت وطالبك لا تكــمل
ترى الكلام اللي بقاء محتمله

امانتك وصلت وقلبي لهــا زل
حنا على عهد الوفاء مانمـله

وقله تراني مانويت اتبــــدل
بنيت له بالقلب تسعين فــله

لا شك لا يبطي ترى الصبر طول
هجره لنا طول وانا صابرن له

قلت ابشري يابو مبيسم معــسل
حقك عليه ما اخر العلـم لاله

والضاهر انه يامساعد تغـــربل
واللي حصلك يامساعد حصله

هذي علومي واحسن القول مادل
زرعً زرعته جبتلك كل غله

والمعذره كاد ان ردي تاجل
يامرنا اللي كلنا تحت ضـله

الشاعر / فرحان بن دبل الربيلي العنزي

03-03-2010, 06:40 PM

ادعوا الله ان يغفر ماتقدم وما تأخر من ذنبك
ويقيك عذاب النار وعذاب القبر ويدخلك جنات الفردوس
ويجيب دعائك في الدنيا والاخره .. لك ولكل مسلم ان شالله

يعطيك العافيه على القصيده

03-03-2010, 07:31 PM

مشكور على المرور وعلى الدعوه هذي وجعلها الله في موازين حسناتك
وتقبلي تياتي يا اختنا في الله ومشرفتنى الرئعه أنثى من حرير

11-03-2010, 04:00 PM

سلمـ البنان

ينقل للانسب

12-03-2010, 05:16 AM

مشكور يا اختي وهذي ان يدل على شي فأنه يدل على اهتمامك بالشعر والقصائد الرائعه
تحياتي لك وشكرآ للمرور

أدوات الموضوع
عرض نسخة للطبع أرسل هذا الموضوع إلى صديق
أنماط العرض
النمط الخطي الانتقال إلى النمط المختلط الانتقال إلى النمط الموضوعي

إعلانات نصية :
اعلان متاح	اعلان متاح	العاب
مودي ديزاين	يوتيوب ضمى نجد	شات ضمى نجد الصوتي