لتعرفو شخصية كراعين النمله هذي صفحاتي لكم ^_^

09-03-2010, 08:06 PM

لتعرفو شخصية كراعين النمله هذي صفحاتي لكم ^_^

وش اقولكم اول شي والله حبت المنتدى مدري ليش بس كذا من الله
وراح تكون هنا اكتبلكم هن شخصيتي (( كراعين النمله))

الاسم ... كراعين النمله <<< احلفي

العمر ... خمنو .....؟؟؟؟؟خلاص رحمتكم 3شهور

السكن .. في حديقة بالرياض وشسمه ياربي ايه تذكرتها سلام

عااد خلاص والله يالجرااد لايجي يااكلني خليني اتخبى شوركم وهدايت الله

وش اصلح في الجرااد والصراصير داايم يذبحونا يخلونا نجمعلهم الاكل ويااخذونها هههههههههههههههههههههههههههه

يالله اتركم شوي وترى مدونتي احب تكون لضحك والفرافشه

09-03-2010, 08:07 PM

بله شووفو هالساالفه والله خربتو يالبشر

يووه استحيت ههههههههه والله تضحك القصيه

البارحة كلـمتـنـي بـنـت مبـلـيـة *** ومعاملتها صراحة معي تعبانة
قالت كيف الحال قلت اهلين يا بنية *** قالت بغيت البنات قلت غلطانة
قالت تمزح قلت احكي بجدية *** انا رجل والرجل ملزوم بلسانة
قالت بلا دلع روح ناد بدرية *** وان كانت نايمة صوت لسلطانة
قلت الحقيقة ترى احنا عزوبية *** والكل منا يابنت في شانة
قالت بسولف معك لو تسمح شوية *** تراني قبل اتصل بك كنت طفشانة
قلت اهرجي زين وصفي النية *** وانا بسولف معك بنية زانة
قالت تحب قلت احب الي حوالية *** احب ربي ثم الكنق واخوانة
واحب ديني واحب اراضي السعودية *** محبة ما عطاها الخل خلانه
قالت بضحكة وش باخلاقك تجارية *** اصلا يو اسولف معك كنت خسرانة
انت بدوي ماتعلمت الرومنسية *** انت بدوي وحياته مالها خانة
قلت اسمعي زين كأنك طبيعية *** ولكن اضنك يابنت الناس سكرانة
حنا بدو ولا ثرنا ثارت الهية *** نثبت لا عارض البارود دخانة
حنا بدو ولبا كوينا ننضج الكية *** يفرح بنا من اخذت ذوده وحيرانة
حنا بدو واليا انكشف ستر السنافية *** يفرح بنا الي يشوف الظيم باعيانه
يالي تقولين بدو اقول يابنية *** الاصل حنا وعز البيت سيسانة

09-03-2010, 08:09 PM

هون اتركم مع قصيدة محشش يالله هالمحششين سالفتهم سالفه

أضيفينـي بايميلـك وخلينـا نصيـر اثنيــــــن

كلام يقوله محشـش عشـان يشبـك بنّيــــــه

أضيفيني وأنا بقبل بسرعـه طالبـك تكفيـن

بسولف لك وبحكي لك سوالف حيـل سريّـه

تقوم البنت تتغلى ورا مـا تقولهـا هالحيــــن

هنا بالمنتـدى بالخـاص الأوضـاع حريّــــــه

يجاوبها الولد ويقول شكلك صايـره تنسيـن

حاير خصيم الوقت مدرسة ياوخيّــــــــــــــه

يشوفـون الرسايـل كلهـا وإلا مـا تدريــــــن

وأنا مآبي يشوفونـي وأنـا بعطيـك حنّيـه

تجيه البنت وتضيفه وتتكبـر عليـه شويــــــن

تفضل هاه وش عندك تراني حيـل رسميّـــه

وهي دجه ولا تدري تجيه يسـار وإلا يميــــن

شين البنت تتفلسف وهي برحـه عليميّـــــه

يجيها جايب الطبلون يجيها مطفـي النوريــن

أنا مملوح وش زيني أنـا كلـي رومانسيّـه

أنا أسوي وأنا أفعل أنا احبـك ليـوم الديـن

تعالي قربـي منـي تـراي مصفـي النيّــــه

وهو توه و ما كمل معاهـا يـوم أو يوميـــــن

يقول أنتي ملكتيني يا أحلى بنـت سحليّـه

تقول البنت منحرجه ورا ما تستحي ياعفيّــن

أنا ماعرف وش تقصد ولا أبغى رومانسيّـه

وكانك زين وش ملحك تراني كاملـه بالزيـــن

أنا أمي تقول أنتـي جمـال وطـول حوريّـه

يشب محشش الصاروخ ويمخمخ على موشين

اجل أمك تقول أنتي جمـال وطـول حوريّـه

أنا أتوقع ولا ادري أحس انك كمـال الشيـن

ولونك لون سوداني وخشمك خشـم كوريّـه

وتبدى الحرب بين اثنين كله سب مع تلعيــن

وكلـن يحظـر الثانـي وبأخـلاقٍ تجاريّــــــه

وهذي تجربة حشاش وترجمها لكـم قافيـــن

وهـذا حالنـا هالحيـن تمسـاحٍ وسحلـيّـــــه

09-03-2010, 10:02 PM

والله ياني احب نكت المحششين
لان والله احسهم مفصولين من الخدمه
الله يرجهم والله مره ضحكت على نكتت محشش
يسال صديقه يقوله لوقمت وانت مقطوعه رقبتك قال والله لموت
هآآآآآآآآآآآآآآآآآآآآآآآآآآآآآآآآآآآآآآآع الله يرجه هالمحششين

09-03-2010, 10:05 PM

بالله شوفو وانا اختكم قصيدة هالبدوي الي ركب طاايره
هآآآآآآآآآآآآآآآآآآآآآع
ملاحظه الرجاء الي يموت من الضحك تراني ماني مسوله عن احد <<< واثقه من نفسهاااا
وداع ناجح من مطار القريات
يوم اركبونا الطائرة واشلعتنا

لفت ودارت وامرجت بين لحظات
لولا الكراسيـ والمحازم رمتنا

طاروا بنا حمر العلابي خواجات
صغر العيون وجيههم هولتنا

تكفى تشهد يافهد واقرا آيات
الموت جانا والظروف اجبرتنا

جانا المضيف وقال وش في خدمات
قلت نزلونا بطونا موجعتنا

من قبل أشوف الغيم من دون السموات
واليوم أشوفه يافهد من تحتنا

عزالله إني ماحسبت الحسابات
والا ترى سيارتي موصلتنا

يازين ممشى الأرض لو هي مسافات
لنا بشعيب مجهزين قهوتنا

وش جابني للطائرة والمطارات
والله ماعود ركوبها ان نزلتنا

لو تنفجر قامت تذيع المحطات
رح عاد دور قشنا مع جثثنا

أدوات الموضوع
عرض نسخة للطبع أرسل هذا الموضوع إلى صديق
أنماط العرض
النمط الخطي الانتقال إلى النمط المختلط الانتقال إلى النمط الموضوعي

إعلانات نصية :
تويتر - twitter	فيسبوك - facebook	العاب ضمى نجد
يوتيوب ضمى نجد	جالري ضمى نجد	شات ضمى نجد الصوتي