يـالي طريت الحــب ما عـاد ينــطاق=حــــب ٍ يــودي صآحبـــه للمهــــونـه
الحب فيه.. اشكال.. واللوان.. واذواق=واكبر خطـر بالحب نظرة عيـــوونه
الجـآدل الـي تحــرق العاشق احـراق=خلـــت صـويب القلـب تكـثر طعــونه
ان جيـت مغـرم فيه وان رحـت مشتاق=شــوق الصحآري لسحآب ومــزونـه
آسهـر على شآنه إلى وقت الاشـفآق=وآسـآمر القمـرآ وشآدي لحــونـــه
واكتب هموم العشق في بيض الاوراق=قــلـب ٍ على لقيآه ينبـض شجــونـه
بعـد السهر... بعـد المشآكل والارهــآق=لقيــت حـــبي زايــدآت ٍ ظنـــونـه
ياكــم عطــيت الزيــن عهـد ٍ وميثااق=وياكــم رجــيت النــآس لا يزعــلونــه
هـذا جــزآت الي ســمع هرجّ لفــآآق=آهـل الردى الـي ودهــم يبعــدونـــه
اعلــنـت فرقــآ الزيـن في كل الآفآق=وآصبر ولو شآهدت دمعـــة عيــونـه
لحظـة.. ودآع.. وهجر.. وصدود.. وفرآق=تـنهـي حكآيــة عشقنـآ يآ حنـونـه
لاصــرت ماتقــدر علـى مـلك الاشـــوآق=عــرش الهـوى والحـب طاحت ركونـه
يالله عسى شمس الآمـل تشـرق اشـرآق=وانسـى دروب آهل الهوى والمهونـه