الوافــــي

26-05-2010, 07:38 PM

اليوم يوم طلعت من الدوام
توي ركبت السياره
الا وهالحرمه اللي فاتحه باب السياره اللي وراء<<تقول ابيك توديني مشوار

استغربت

قلت يابنت الحلال انا مو تاكسي
قالت عارفه كان تركب بدون استئذان<< يؤ الله من البلشه
قسم جسمي كله يرتجف
حركه ماعمرها حصلت لي < اللي طمني شوي لبسها فيه شوية حشمه

المهم قلت انتي وين تبين يابنت الحلال

قالت ابي مستوصف ......<<<الله طريق بيتنا بعيد مره عن طريق المستوصف وانا تعبان

قلت طيب <<خفت تسوي لي مصيبه

وانا ماشي وساكت

قالت اقولك تتابع قناة ........ نسيت اسمهااا<<اول مره اسمع بهاا
قلت ليش
قالت فيه الليله برنامج تقدمه فوزيه الـ.... نسيت كمان ،، مرره حلووو للشباب والبنات

قلت ماعندنا دش!!!

كني سمعتها تضحك بشويش

انا سكت

قالت تتكلم عن جد
قلت اي والله ماعندنااا

قالت معقوووله فيه ناس ماعندهم
قلت ايه احنا منهم
قالت
من جد انكم متخلفين<<<حرمه ماتستحي تقولها في وجهي

قلت المستوصف وين بالظبط

قالت لاتغير الكلام ليش ماعندكم دش ايش فيهاا

قلت حرام
قالت فيها اشياء حلال
قلت سلاح ذو حدين

قالت احلف ماعندكم دش

قلت والله العظيم عند اهلي مافي غير القناه الاولى والثانيه والرياضيه

والقسم اللي فيه انا واخوي عندنا دش ماكمل سنه وجلسنا تقريبا شهرين ابوي وامي مايدرون

قالت وليه تقول حرام
قلت لاني ادخل على اشياء ان شاء الله تكون حلال

قالت خلي اهلك يدخلوون طيب
قلت يابنت الحلال
اول شي اهلي مايبون دش
ولوسمحتي وين المستوصف

قالت ادري انك تضايقت من الحقيقه
قلت ايه تضايقت<<<ابي الفكه منهاا

ونزلت والحمدلله بدون تحصل مصيبه

.....

الحين
الدش ادري مافيه شي في بعض القنوات
بس صراحه جات قنوات مااااسخه حيل
تفتن الشباب فما بالكم بالبنات

من حق اي والد يخاف على بناته
ومن حق اي اخو يخاف على خواته

يعني معقوووله
اللي ماعنده دش يعتبر متخلف
متخلف من يفكر هالتفكير

اذكر اول مانزلت الدشوش كنت صغير مره
اذكر يوم كان 10000 الف ريال والحين بكم
اول مانزل كان فيه تشدد مره من قبل الحكوومه وبالذات الهيئه
والحين الدش كنك تشرب ماء

فيها
قنوات هابطه
قنوات ماسخه
قنوات بايخه

ليش الوالد او الوالده يسمحون بدخوله للبيت

ادري فيه ناس بيقولون فيه قنوات دينينه وتعليميه وثقافيه وقنوات مفيده
بس الشر يعم والخير يخص

01-01-2011, 07:02 AM

الله زمان يافن
احس مدونتي من ايام ابيض واسود

من ايام عادل امام يوم كان بطل مسرحية مدرسة المشاغبين
وايام ريال الملك فيصل الللي لونه احمر

قسم اني ناسي عندي مدونه
اصلن نسيت المنتدى بكبره
بس ذكروني اعطيكم سالفة كيف تذكرت اني مسجل في هذا الصرح الشامخ

01-01-2011, 11:24 AM

أسماء الأعداد بعد المليون
عدد الأصفار الرقم

6 المليون
9 المليار
12 البليون
15 البليار
18 التريليون
21 التريليار
24 الكريليون
27 الكزيليار
30 السنكليون
33 السنكليار
36 السيزيليون
39 السيزيليار
42 السيتليون
45 السيتليار
48 الويتليون
51 الويتليار
54 التيفليون
57 التيفليار
60 الديشليون
63 الديشليار

متأكد انكم ماتدرون عنها لانكم عيال فقر^_^
ومتأكد بعد ان فيه ارقام لم تستخدم في حياتنا اساسا ^_^

ولكن لا اقول سوى:

يارب ترزقني بالديشليون وقليل من الديشليار<<مانيب طماع ^_^

02-01-2011, 05:19 PM

لا شي عندي افتخر به....

اعضم من (دين) افتخر به... و *امرأة* عظيمة قامت بتربيتي

..و ،،اب ،،دائما افتخر عندما يختم اسمي باسمه

.........................

لاجيت اطقطق بين المواقع ادوخ
ذا جريح وذاااك من (حبه) تعب

مليت انا من قول ياهيه يادلوخ
الحب عبر (النت)ترى كله لعب

03-01-2011, 12:06 AM

عندما أعجز عن رؤيتكم،‘

لن أعجز عن .. [ الدعاء لكم ]

أسعد الله قلوبكم .. .. أينما كنتم

.........................

اسوأ انواع المرض ان تُبتلَى بـ مُخالطة ..

غليظ الفهم ..!

... محدود الادراك ..!

.............. بليد الذوق ..!

لا يَفهَم .. ويرى نفسه انه افهَم من يُفهم

......................

تجي إساءه من بعيد أقول [..إساءه والسسلآم !
مثل [التهُم ]

مآ شوّهت نزاهة الـعرض العفيف،،
لكن تجي من أقرب قريب !

الله وأكبر يَ إنعِدام !

الخلق ! في الدنيآ و أهلهآ .. لكن الشي الطريف !

أغمض عيوني على نارٍ توقّد بي ....... وأنام
و أصحىَ أقول ان السخيف يهمّه الشي [ السخيف ]

..........................

يقول الفيلسوف راسل وشخصي الكريم الوافي:

(ان السبب الاساسي في اضطراب هذا العالم اليوم

هو: ان الاحمق واثق اكثر من ماينبغي!!!........ والعاقل يكتنفه الشك)

أدوات الموضوع
عرض نسخة للطبع أرسل هذا الموضوع إلى صديق
أنماط العرض
النمط الخطي الانتقال إلى النمط المختلط الانتقال إلى النمط الموضوعي

إعلانات نصية :
تويتر - twitter	فيسبوك - facebook	العاب ضمى نجد
يوتيوب ضمى نجد	جالري ضمى نجد	شات ضمى نجد الصوتي