السلام عليكم ورحمه الله وبركاته

بما انه كثرت بربرتكم بذا القسم قلت خلني اناقشكم بموضوع

ومسكت معي اكتبه ولي المعسل بيدي فقررت اني انزله هنا بدال منتدى المناقشات الجاده

وطنت براسي سالفت الزواج معني عزوبي لين الحين بس سمعت من ربعي

كذا ساالفه فصارت عندي خلفيه وماتشوفوني بطق 40 وماتزوجت < < < 25 ماوصلها هههههههه

وقلت خلني اتفلسف عنه شوي

وألفت لكم ذا الكتاب

اول باب

باب الخطبه والملكه

اذا تملكت خلاص سو اللي تبيه واول ماتسويه انك تجحد شياب الحاره

ولاسلم عليك واحد منهم قله شكلك مشبه ياشيخ .. تراهم بيفرون بمخك

وبعدين خلك فطين عط المدام هديه جوال وخل وسط الجوال شريحه

وابد شبكها بس لاتصير مشفوح وتبداء تخنبق اركد وعرفها بنفسك

وبميولك وطباعاك وهواياتك وخلها تعرفك بنفسها ..

فيه اشياء مهمه لازم تحطها بعين الاعتبار :

1- خلك طبيعي ولاتتكلف ابد وخلك صادق معها

2-لاتقعد تسوي فيها رومنسي وانت من جنبها

3- لاتفقش عليها وتكذب وتقولها انك تحب جلسات البحر وانت ماعمرك رحت للشرقيه الى مرتين

4-ولاتقول انا كريم وانت من القعاطه محلات ابوريالين يطلبونك

لازم من اول مكامله تعرفها بشخصيتك الحقيقيه بدون زبرقه وزخرفه وابداء بالعيوب قبل المزايا

صح انها يمكن تنصدم كم صدمه بس اهون من انها تنصدم بعد كذا..

لانك اذا قمت تعطيها من ذا الرخيص وصدقتك وبدت تطقها ذا الهواجيس

بتخليك عاصي الحلاني واكتشفت بعد الزواج انك اشهب كسائر الشهبان

راح تجيها صدمه غير طبيعيه...

وبعدين صح نسيييييييت اهم شي هع هع

خل كلامك طبيعي وتساتس على كيفك وقل وشلونس وش علومتس

ولاتحاول تسوي فيها ان عندك برستيج وتكاكي ..وشلونكي وش اخباركي

لانك مفضووح لوتكاكي سنه

وحاول تسير عليها كذا مره عشان تطيح الكلافه وتسكر حواجز الحياء

بس لاتصير لزقه ومسنتر عندهم 24 سسسسسسسسسساعه

واذا جيت خلك ولد ارووبه <<-- اروبه بعد سؤال واحد الله يستر عليه لانه بمصر يعني ذهين

جب معك هديه حتى لو كان سعرها غالي لان الاهم قيمتها المعنويه

مهب تجيها تدودل يديك وتدب في عشاهم وتمشي ..على فكره احلا وقت للملكه 3 شهور ولاتزود..


باب ماقبل الزواج

فصل تفصيل الثياب

اذا قرب الزواج ازرق للمعيقليه وطق لك نصف درزن صراوويل وفنايل وشماغين وكم ثوب

ووزهن عندك وخلهن للعرس وتصدق بخلاقينك القديمه ..

ومن ناحيه البشت دورلك واحد من ربعك توه معررس ووفر دراهمك

بس اهم شي يكون خويك طولك مهب قصير وبعدين البشت يكون واصل لين ركبتك

ولاطويل توطاه وتمسط على خشتك في الزفه..عاد وقتها بيصير وجهك كنه وزرت زيدي

من كثر اللوان اللي بتجي فيه..

وهذا افضل من انك تشتريه ب3 او 4 الاف وفي الاخير مرزوع بدولاب

الا اذا كنت شاعر شعبي او راعي معاريض مايخالف..

فصل التاثيث

هذا امصل فصل واغث مرحله واشين نقطه

شف بعضهم يشاور المدام لو بالبيز وش تبين لونه ياحياتي

وبعضهم مايشاور في شي ابد وهذا اقول عنه مثل هتلر الدكتاتوري مهب اللي يفحط

خير الامور الووووووووووووووووووووووووووسط

فصل العطور

الله الله بزين وشغل النظيف واللي ماعنده يسال الشرور ( وهق الولد ) تراه وداني مره محلات مدري وشي

نكتار وبدي شوب ...الخ والله ياشرينا عطورات للجسم شي لو تبخ محمد نور عقب المبارات

صارت ريحه ابطه كنها ريحه شكيريا<<-- يعنني شامه هههههه

فصل تنظيف الجسم

قبل الزواج بيومين رح خذلك حمام شامي وحمام مغربي تراه رخيص وزين

وقبل ماتروحله اوزن وشف كم وزنك واذا طلعت شف كم بيصير وسطرني اذا مانقصت 3 كيلو

ثم ارفع رجلينك وقلهم يصنفرون الشطوب لاتقول مافيه شطوب مافيه سعودي مافيه شطوب

ولو لقيت واحد مافيه شطوب سحبت منه الجنسيه..ولاتنسى تكتب اسمك على رجلك

لأنك منت عارفها عقب .. تبي تشك انها رجليك..

فصل تنظيف الاسنان

اقرب مستوووصف سريعي وقف عنده تنظيف للاسنان وتبييض

لاتقولي افرش كانك جيد تفرش اذا خلص المعجون تعجزت تجيب ثاني

والله اذا جاء وقت التنظيف بيلقون بلاوي

سيرلااك ماكله يومك صغير وباقي تونه ماكلها يومك برابع ابتدائي

وباقي قرع ماكله من ثلاث سنين بلاوووي

وبقايا اندومي عازم العيال عليها ... وماخفي اعظم

باب الدخله

ماودي اتكلم خاف أنصك بناطحه سحاب مو ببلوك .... بعدين يزعلوون علينا المراقبين

لاكن المدام ضيفه وحق الضيف 3 ايام وركاده زينه

واذا حد قايلك ان حرمتك بطير بعد يومين تراه يلعب عليك

ولاتخليها تحس ان ذاك وذاك اكبر همك

خلوني اقفل هذا الباب على كذا لاجيب العيد


وبرفاه والبنين

وهذا والله اعلم وصلى الله على نبينا محمد سيد المرسلين


وسلااام

هههههههههههههههههههههههههههههههههـ

مشكور الله يعطيك العافيه ماقصرت

تقبل مروروري خيووو

الأميره فلورندا

خخخخخخخخخخخخخخخخخخخخخخخخخخخخ
حلللللللللوه وبصراحه انت صادق يا خلودي >>>>.بس ياخوفي تقول هالكلام ولا جت خطبتك تنسى
اللي قلته
خخخخخخخخخخخخخخ امزح يالله برب

ههههههههههههههههههههههه

وانتي صادقه بنت عز هههههههههههه

  

هههههههههههههههههه

يسلمووووووووو بس تكفى لاتنسى خخخخخخ

تقبل مروري