سهيل ياعايض بعرض السماء شيف=وراع الولع عانه يجهز طيوره
ياما حلا مقناص ذيك الشفاشيف=بغربي الصمان بأطراف قوره
وخوة رجال كلبوهم على الكيف=مايركبون الا بعزم ومشوره
فوق الجيوب مبعدات المحاريف=حذف الحصا بدروبهن حذف كوره
ناصل الى حزم الجلاميد وطريف=ونرجع وناخذ في سواحيق دوره
نسلي الخاطر ولا من تكاليف=وبعض الاوادم بالقصور محشوره
يازين شبت نارنا والسواليف=والبن الاشقر للنشاما تدوره
سوالف ما سمجوها الملاقيف=اللي يعصد السالفه في حضوره
عسى السحاب اللي مزونه مراديف=يعم سيله من تبوك للشروره
وعساه من جدة يحدر على السيف=ويسيل الوادي ويحيي بذوره
يسقي مداهيل البكار المشاعيف=وتربع الباكر وترعى قفوره
تقطف زماليق الشقارا تقاطيف=وريح الخزامى مثل ريحة بخوره
والبدو ينسون العلف والمعاليف=سوق العلف ما تاجد احد يزوره
وكل يربع في مكانه الى الصيف=والعشب في الروضة تشابك زهوره
في ديرة سكانها تكرم الضيف=الهم فعول للجميع مخبوره
عندي تراها مثل باريس وجنيف=لوانها برد شديد وحروره
احبها حب القلوب المواليف=يالله عساها بالصلاة معموره
والرزق عند مصرف الكون تصريف=اللي رزق حوت البحر في بحوره
ماني على الدنيا كثير التحاسيف=اللآدمي عمره ليال محصوره
وصلاة ربي عد مل ذعذع الطيف=على رسول الحق والنور نوره
شعر= سهل بندر العتيبي

عنـدي تراهـا مـثـل بـاريـس وجنـيـفلـوانـهــا بــــرد شــديــد وحـــــروره احـبـهـا حـــب الـقـلــوب الـمـوالـيـفيالله عـسـاهــا بـالـصــلاة مـعــمــوره والرزق عند مصرف الكون تصريفاللـي رزق حـوت البحـر فـي بحـوره مانـي علـى الدنـيـا كثـيـر التحاسـيـفالـلآدمـي عـمــره لـيــال مـحـصـوره وصلاة ربـي عـد مـل ذعـذع الطيـفعلـى رســول الـحـق والـنـور نــوره