بسم الله الرحمن الرحيم

مايعجبهم العجب ولا الصيام برجب

طلبات في طلبات

كأن الواحد نايم على كنز

تعالو نشوف طلبات الحريم الي ماتخلص بالتسلسل الابجدي
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

الألف :أبي فلوس بروح معزومه على شاي ضحى

الباء :بكرا أبيك تودين لبيت أهلي عندهم عزيمة

التاء :ترى اليوم أنا ماني مسويه عشاء روح للمطعم جيب عشاء

الثاء :ثلاث أسابيع ما طلعنا للملاهي يالله ودنا اليوم

الجيم :جيب خدامه تساعدني بشغل البيت.........(والبيت نص شقة) قهر

الحاء :حبيبى..ودي بساعة شوبارد , مليت من ساعتي الاوميغا (شوفوا النفاق..توها تذكرت هالاسم)

الخاء :خل الشله اليوم..أنا عازمتك نتعشى بره, بس على حسابك

الدال :دور لنا فله على 3 شوارع وفيها سرداب (الراتب 2500 ريال من وين ياحسرة)

الذال : ذيك السنة (قبل 10 سنوات) قلت لك اشتر لنا سيارة فان أوسع وما شريت

الراء :روح قدم على إجازة خلنا نسافر لاوروبا ,, اووف حر

الزاء :زيد مصروف البيت هذا ما يكفي أغراض البيت (ومعظم الفلوس عليها وعلى خرابيطها)

السين :سجاد البيت صار قديم ....غيره يا أخي (السجاد ما كمل له سنتين)

الشين : شيل ولدك شفه يصيح هناك, أنا تعبت من العيال..

الصاد :صفف الملابس هناك منثرة, مليت وأنا القط وراك

الضاد :ضبط أوضاعك..ترى كبرت المسؤولية..(توها والدة)

الطاء : طالع السيارة سكراب تفشل قديمة, نبي شبح

الظاء : الظاهر انك ما تحبنى..ليش ما شريت لي العقد الألماس اللي بغيته ! (حب بالألماس بس)

العين :عيوني..اليوم شفت نفنوف عند زوجة اخوي يجنن...خاطري بواحد مثله

الغين :غير يا اخي أسلوبك معاي...كله برود..حسسني بحبك شوي

الفاء :فديتك حبيبي وين تبينا نسافر هالصيف؟

القاف :قدر يا أخي شوي...كل شغل البيت على راسي...تكرم وساعدني شوي

الكاف :كفاية ملينا من هالبيت متى راح تسوى لنا بيت اكبر من هذا

اللام :ليمتى بنتم محبوسين في هالبيت لا نطلع مثل الخلق ولا غيره

الميم :متى بتوديني لبنان مثل ما وعدتني قبل؟؟؟؟

النون :نبى نحجز شاليه شرم الشيخ طول الصيف ..لا تنسى!

الهاء :ها عاد..ترى أروح بيت اهلى! اذا مو قد الزواج وتكاليفه ليش تخطبنى؟؟

الواو :ورني شطارتك رح عند اخوك خذ منه الورث( راعية مشاكل)

الياء :يالله ايدك على 2000 ريال رضاوه ..لأنك زعلتني و**رتديت خاطري

(مسكين يكسر الخاطر الرجال صح ... )

آخـــــوكــــمـ
هاوي بنت عمي

|3| |3| |3| |4| :D

    

ههههههههههههه




اللهم لا شماته





هاوي


لو تسمعك كذابه

او الجود


كانت خربت الدنيا




يسلمو يا عيوني

 

ول ول ول كل هااذي طلبااات

حرااام عليك

اقتباس:

الصاد :صفف الملابس هناك منثرة, مليت وأنا القط وراك

والله كفو هذي الحرمه السنعه :D

اقتباس:

اللام :ليمتى بنتم محبوسين في هالبيت لا نطلع مثل الخلق ولا غيره

معهاا حق لاتلومونها طفشت من القعده باليت تبي تغير جو فيها شىء

اقتباس:

مسكين يكسر الخاطر الرجال صح ... )

ا نشااء الله دوم مو يوووم <<نذله بقووه:D

يسلمو على هالموضوع

تخبصاااتي

  

هاوي أفاااااااااا
بس تستاهلون يالرجاجيل
أنتم تستاهلون الحريم اللي كذا لأنكم من طلعه لطلعه
ومن شارع لشارع لو بحلف انكم حافظين الشوارع والعزب كلها

بس تعالوا اسألوا الحرمه وش بتقولكم
بتقول ماأعرفها
ليش
لأنها جالسه بالبيت 24 ساعه طبخ ونفخ وغسيل ووكي
والبزارين وصجة الراس وحطي الغدا والصجه واللجه من الرجال

عموما مشكور يا هاوي




الــولـــــهـــــانه